Δημοφιλή Βιβλικά εδάφια από Yohane 15

Κοινοποίηση

Niń nkee kiri kya mfinyo, neeni mukee maṛamba. Ulya akaa akulungie nań, nań nkaa nkulungie nae, ito avikaa nunda shiingi. Amu kwakooya mukurauaa nań nta kindo mumakii itana.

Kaań mukulungie nań, nań nkaa nkulungie neeni! Na sheeli iṛamba litamakii ivika nunda likee kyaanya kyayo litakee kiriń kyayo, mfo kuro neeni da nta kindo mumakii mutakulungie nań.

Mukankaa mukulungie nań na firero fakwa likankaa mirimiń yanu muterevaa kindo kyoose mufurie nakyo mwawutio̱o̱.

Nta ni ini mundeshisaua ndi. Nniń nndemusaua na imuvavasa mwende mundevika nunda. Na nunda to tanu muvikaa tikaa matika woose. Na kyoose muterevaa Nde na irina lyakwa amuniingaa.

Nta eefo nndu awore ikunda inini kita ito aniingiaa muu wamwi kiimba kya ndoo tamwi ndi.

Na iṛamba lyoose likulungie nań likara litavika nunda alyutaa-fo. Na lia likee ivika nunda alyarambuyaa, amu lyengeṛie ivika.

Ivavaso lyakwa llyo ili: Kundaniń mu veni na mu veni, sheeli nndemukunda ini.

Kuro llyo Nde yakwa eetikiswaa mukawika nunda shiingi na iva mukava vanalosho vakwa.

Niń nniń kiri kya mfinyo kya dede na Nde yakwa yye nremia.

Kwakooya nndu atakaa akulungie nań, akumbwaa wooṛo sha iṛamba, ifi lyauma. Na vandu vakaasaṅiṛia andu emwi vakaeeṛa muroń arongore.

Namuia ifi, naamu ifura li lishiwore limwake mini na ifura lyanu lyawukie lyoose.

Mukawara mavavaso akwa mukaa na ikunda lyakwa, sheeli nań nndewara mavavaso a Nde yakwa nakaa na ikunda lyamwi.

Llyo ili ivavaso lyakwa: Kundaniń mu veni na mu veni!

Kifo mwikee va isanga li, isanga liimukundaa sha kindo kyayo. Kake ili kitaare mukee va isanga, nań nammusaua namuuta kunu isangeń, nkyo kiimba isanga likamusua ini.