Δημοφιλή Βιβλικά εδάφια από Matayi 16

Κοινοποίηση

PʼuYesu ahavavuzyʼavasundikwa vakwe ahati: Inga wokʼakuti imulandate mwisindʼine, wʼayihanaje, nishihovenkanyo shakwe ayivegazye, pʼandandatʼine.

Nane nkukuvuzya lelo nkuti: Nawe we Peteli we liyalavwe, ilelʼine piyalavwe linili pe ndizengʼishivanza shane, ṿwope naṿwe ṿilyango ṿwa kuvuzimu ṿitalishipota.

Nkukupa niṿwigulilo ṿwa shinamwene sha kumwanya. Shonti shengʼukushikungʼiwe pansʼipa, she shikukungwa nakumwanya. Shope shengʼukushisatulʼiwe pansʼipa, she shikusatulwa nakumwanya.

Shʼuno wʼakwanzʼukupulumusyʼuvulanzi vwakwe, wʼakuvutezya. Nkandʼuno wʼakuvutezyʼuvulanzi vwakwe pe pazyane wʼakuvupulumusya.

Nashengʼumuntʼayilonsile yontʼinsi, pʼikumuvosya shonu, ingʼatezizyʼuvulanzi vwakwe? Niṿwa kuvuhombola, aṿwaje kwi iṿwa kuhombolʼuvulanzi vwakwe?

Uwenʼahati: Imwe lelo, mukuti ne nanu? PʼuSimoni Peteli ahamula ahati: We Chilisiti iwe, we Mwana wa Mulungu wʼalipo.

PʼuYesu ahamula ahati: We musangalusu we Simoni Bali-Yona, she zinizi zyʼatakuvuzizyʼumuvili namavanda ndali, nkandi zyʼakuvuzizyʼuTata wane wa kumwanya.