Δημοφιλή Βιβλικά εδάφια από Luka 3

Κοινοποίηση

Ilelo pe lwe vozilwe vontʼavantu, lwʼayozilwe nawe Yesu, lwʼuwenʼahaputa, pe kumwanya kuhiguha, pʼuMupepʼuMufinjile ahamwishila ngati nkunda mumuvili. Lyope nizwi lihafuma kumwanya, likuti: We Mwana wane unkundwa, we nkuseshela kulʼiwe.

pʼuwenʼuYohani ahavavuzya vonti ahati: Ine nalyoli nkuvozezya ge minzi. Nkandʼakwinzʼuwene wʼandusizyʼamahʼine, uwene natwe tuhova twa mundyato zyakwe ntahondeyʼukusatulʼine. Wuyo nyene alivozezya muMupepʼuMufinjile namumwoto.

Muhomʼinsanga zye zihondeline nulupinduho. Mutandʼilya kuyiyanjila mweka ilya kuti: Iswe tuli nutata uAbulahamu. Muleshe mbavuzyʼine, shʼuMulungu ali namaha ga kumuvusizyʼuAbulahamu avana mumavwʼiga.

Yope nintemo yili kumazi kumakwi lwe lutanzi. Gontʼamakwi ge gatakuhomʼinsangʼinyinza galitemangwa, galitajilwa mumwoto

Inza she zizyo zisi-mṿilwe mwa kalata wa mazwi ga Yesaya umukuvwi ukuti: Izwi lya muvilishizi mulwugwa likuti: Simuyananye nidala lya Mwene, mugolosye nutuswatuho twakwe. Inyema zyonti zifushilwaje, namagamba gonti gatelemulwaje, uvugombanu vugolohaje, amalandamazu gonti gayipelajʼukuvʼamadalʼamatambalusu. Amavili gonti galiyenyʼuvuposhi vwa Mulungu.