Δημοφιλή Βιβλικά εδάφια από Ebikorwa 1

Κοινοποίηση

Ekiliho, orwo Mwoyo Mutakatifu arabahabukira murahaabwa obushobora. Kandi muranjulira omuli Yerusalemu n'omuli Buyahudi yona, na Samaria, nangu n'omu nsi zona.”

Azigambira ati, “Okumanya obukiro anga ebirumo byo Tata ataireho omu bushoborabwe ekyo inywe tikibakwete.

Orwo yabaire akyaikara nabo akabaragira kutaruga Yerusalemu, balinde ekyo Ruhanga Ishe yaragaine, ekyo bamuhuliire nagamba. Yabagambira okwo Yohana yababatiize nakoza amaizi, kyonkai ati ebiro bitakakeire bingi murabatizibwa omu mani ga Mwoyo Mutakatifu.

Kayabaire yahimbukire yabahabukira nataho n'obubonero okwo n'iwe wenene ahimbukirekwo. Akabahabukira ebiro 40, nabafumolera aha Bukama bwa Ruhanga.

Orwo Yesu yamazire kugamba ebyo, okwo baliho balebire ashutuka agya eiguru, ekichwi kimubunda, baba batakimubona.

Orwo babaire bali omu kitangaro balebire eiguru nagenda, bechura abashaija babili bemeleire aha rubaju, bajwete ekanzu zilikwera. Abashaija abo bagambira entumwa ezo bati, “Inywe bashaija ba Galilaya, kubaki mwemeleire muraramire eiguru? Yesu ogu ayabarugaho akatemba omw'iguru, emigendereye eyo mwamubona nagya omw'iguru, niyo eliba miizireye.”