Δημοφιλή Βιβλικά εδάφια από Yohana 6

Κοινοποίηση

Yesu yakawatya, “Ane yo nene ndigwa yo wumi. Mono yakuza kwangu, si kodabucila lukulu. Na mono yakwihuwila kuli nene, si kokalucila lukulu.”

U Muhe yo kaletago wumi, ninga munhu yali wene, sikosuma cinji. Izinghani zono nimulonjelenyi, wo Muhe wo Mulungu, kanyhi wo wumi.

Mulece kuyipiligalila indigwa yono yihodanjikaga, langa muyipiligalilaje indigwa yono yikalaga sunga ku wumi we cibitilila. U Mwana wo Munhu mono u Sogwe yamuwicila i citanjilo, yo komupelenyi indigwa yiyo.”

Hambi cono yakusaka Baba nha coci, muli wose mono yakumuwona Mwana, no kumwihuwila, yawe no wumi we cibitilila, nane nolowazukula Mwizuwa lya ku ndumo.

Yesu yakawapitula yakawatya, “Awu wo wuhile wono u Mulungu yakuhila muwitume, mumwihuwile mono yatumwa no Mwene.”

Wose wono yakumhela Baba wokuza kwangu, nane si nomutaga kunze wo wose mono yakuza kwangu.

Simoni Petelo yakamupitula yakatya, “Muwaha cobita kuli nani? Nha yo gwegwe mono wina zinghani zo wumi we cibitilila.

Ane yo nene indigwa yo wumi, yono yatima kulawa ku wulanga, munhu wo wose hono yalye indigwa yiyi, kokwikala mumi cibitilila, ne ndigwa yono nomupela, wo muwili wangu wono nghuwulavya so wumi we yinze.”

Hasina munhu mono kosuma kuza kwangu hono Baba mono yanhuma yalece kumukwejela kuliʼne, nane nolomuzukula u munhu yuyo mwizuwa lya ku ndumo.

Hambi indigwa yo Mulungu nha yo yulya mono yakutima kulawa ku wulanga, no kuyipela iyinze wumi.”

Ane yo nene indigwa yo wumi.

Baho Yesu yakayisola i mikate yiyilya, yakamulumbo Mulungu, yakawagawila wanhu wono wali wekaye, ne zisomba nhavivyo, na wose wakatuga munhu ha nghango yakwe. I wanhu waza kwiguta, yakawalonjela i Wejizwa wakwe, “Alu mutondoleze ivibegulwa vyono visigaye, cinji cilece kwajilila.”

Iwejizwa lono wali wajenda kotya nha kilometa yihano lunji mutandatu, nhavi, wakamuwona Yesu yakujendela mucanyha ye malenga, yakusejelela ha ngalawa, nawo wakawa kogopa muno. Ninga Yesu yakawatya, “Yo nene, mulece kogopa.”