Δημοφιλή Βιβλικά εδάφια από Matius 22

Κοινοποίηση

Yesus bilang pa dia, “Parenta yang paling penting itu bagini, ‘Ngoni musti butul-butul sayang pa Tuhan Allah, ngoni pe Tuhan. Ngoni musti sayang pa Dia lebe dari samua yang ngoni sayang, deng ngoni lagi musti sayang pa Dia deng cara salalu inga pa Dia.’ Itu suda parenta yang paling penting, deng yang pertama. Kong parenta yang kedua yang sama deng itu bagini, ‘Ngoni musti sayang pa orang laeng sama deng ngoni sayang ngoni pe diri sandiri.’

Dua parenta ini suda yang jadi dasar dari samua aturan di lima kitab Musa deng di nabi-nabi laeng pe kitab.”

Kong Yesus kase selesai Dia pe carita deng bilang bagini, “Banya orang yang Tuhan Allah pangge untuk jadi Dia pe umat, tapi cuma sadiki yang dapa pili.”

Karna nanti waktu Tuhan Allah kase hidup ulang orang yang so mati, dorang so tara kawing lagi, tapi dorang so hidup sama deng malaekat di sorga.

Coba ngoni kase tunju pa Kita doi yang ngoni jaga pake babayar pajak!” Kong dorang bawa pa Dia doi perak satu. Turus Yesus tanya pa dorang bagini, “Sapa pe gambar deng sapa pe nama ini?” Dorang jawab, “Raja basar Roma pe gambar deng pe nama.” Kong Yesus bilang pa dorang, “Kalu bagitu, kase suda pa raja apa yang ngoni musti kase pa dia, deng kase suda pa Tuhan Allah apa yang ngoni musti kase pa Tuhan Allah!”