Δημοφιλή Βιβλικά εδάφια από Yohanes 19

Κοινοποίηση

Yesus isap anggur itu, kong abis itu Dia bilang, “Skarang so selesai.” Kong Yesus batundu, turus Dia serakan Dia pe nyawa.

Yesus tau, Dia so kase selesai samua yang Tuhan Allah suru Dia biking. Jadi, Yesus bilang, “Kita aus”. Deng Yesus bilang bagitu, apa yang tatulis di Kitab Suci dulu itu so jadi.

Waktu Yesus lia Dia pe mama deng Dia pe murit yang Dia sayang ada badiri pa Dia pe mama pe pinggir, Yesus bilang pa Dia pe mama, “Mama, Kita pe murit itu, mama anggap saja dia itu mama pe ana skarang.” Kong Yesus bilang pa murit itu, “Itu Kita pe mama, skarang ngana anggap suda ngana pe mama!” Mulai waktu itu, Yesus pe murit bawa pa Yesus pe mama pa dia pe ruma.

Tapi waktu dorang sampe pa Yesus kong dorang lia Yesus so mati, dorang tara kase pata Dia pe kaki. Tapi satu dari tentara-tentara di situ tikam Yesus pe lambung deng tombak, kong langsung dara yang baku tacampur deng aer kaluar.

Tentara tara kase pata Yesus pe kaki, supaya apa yang tatulis di Kitab Suci itu jadi. Bagini yang so tatulis di Kitab Suci, “Tara ada satu dari Dia pe tulang yang dapa kase pata.” Kong di Kitab Suci lagi ada bilang bagini, “Dorang mo lia pa Dia yang dorang so tikam.”

Waktu itu, Yesus pikul Dia pe salib kong kaluar dari kota, turus pigi di tampa satu yang dalam bahasa Ibrani pe nama Golgota, yang pe arti, ‘Tampa Tengkorak’.

Kong tentara-tentara biking lagi makota satu dari cabang-cabang kacil yang baduri kong kase pake pa Yesus pe kapala. Turus dorang kase pake lagi pa Dia juba warna ungu yang sama deng raja-raja biasa pake.