Δημοφιλή Βιβλικά εδάφια από Yohanes 15

Κοινοποίηση

Kita ini sama deng pohong anggur kong ngoni ini sama deng pohong anggur pe cabang-cabang. Jadi, sama deng pohong deng cabang yang jadi satu, bagitu lagi deng ngoni, kalu ngoni hidup satu hati deng Kita, Kita lagi hidup satu hati deng ngoni, turus ngoni bole biking yang bae yang kase sanang Tuhan Allah pe hati. Karna kalu ngoni tara satu hati deng Kita, ngoni ini tara mampo biking yang bae untuk kase sanang pa Tuhan Allah.

Jadi Kita minta pa ngoni ini, ngoni hidup satu hati deng Kita turus, deng Kita lagi akan hidup satu hati turus deng ngoni. Barang, ngoni tara dapa biking yang bae kalu ngoni tara satu hati deng Kita. Itu sama deng anggur pe cabang yang tara akan babua kalu dia tapisa dari anggur pe pohong.

Kalu ngoni hidup satu hati deng Kita turus, deng Kita pe kata-kata ada di ngoni pe hati, apa saja yang ngoni minta, ngoni akan dapa.

Bukang ngoni yang pili pa Kita, tapi Kita yang pili pa ngoni jadi Kita pe murit. Kita so kase tugas pa ngoni, supaya ngoni pigi untuk biking hal-hal bae yang dia pe hasil mo ada turus. Deng bagitu, apa saja yang ngoni minta pa Kita pe Bapa pake Kita pe nama, Dia mo kase itu pa ngoni.

Sayang yang paling basar itu, kalu orang siap mati untuk dia pe tamang-tamang supaya dia pe tamang-tamang bole hidup.

Kong Kita pe umat sama deng anggur pe cabang-cabang. Cabang-cabang yang babua, Dia potong sadiki supaya bersi kong lebe banya babua lagi, baru cabang-cabang yang tara babua, Dia potong kong buang.

Ini Kita pe parenta: ngoni musti baku-baku sayang sama deng Kita so sayang pa ngoni.

Kalu ngoni jaga biking yang bae sama deng cabang yang babua banya, itu kase tunju ngoni ini butul-butul Kita pe murit-murit, turus deng orang-orang lia ngoni pe cara hidup yang bae itu, dorang mo puji deng hormat pa Kita pe Bapa.”

Yesus bilang pa Dia pe murit-murit umpama satu bagini, “Kita ini bole kase sama deng pohong anggur yang butul, kong Kita pe Bapa sama deng orang yang punya kobong anggur itu.

Sapa saja yang hidup tara satu hati deng Kita, Tuhan Allah mo buang pa dia sama deng cabang yang tara babua yang so kiring, kong dong kumpul cabang itu, turus dong bakar.

Kita bilang samua itu pa ngoni, supaya sanang yang ada pa Kita, ngoni lagi bole rasa, deng bagitu ngoni pe hati mo sanang luar biasa.

Kalu ngoni biking Kita pe parenta, ngoni mo rasa turus Kita pe sayang, sama deng Kita biking Kita pe Bapa pe parenta, kong Kita bole rasa turus Dia pe sayang.

Jadi, Kita bilang ulang Kita pe parenta pa ngoni: ngoni ini musti baku-baku sayang.”

Kalu misalnya ngoni ini sama deng dorang, pasti dorang sayang pa ngoni sama deng ngoni jadi dorang pe ana-ana. Tapi ngoni ini beda deng dorang. Kita pili pa ngoni supaya ngoni beda deng dorang, jadi dorang binci pa ngoni.