Δημοφιλή Βιβλικά εδάφια από YOHANI 1

Κοινοποίηση

Kwache onsene adamtambira mbamkhulupira ale, iye adaapasa utongi kusanduka ana a Mulungu.

Dziko yapansi mbidzati lengwa mbodzi wakuchemerwa Mafala akhalipo kale. Mafalayo akhali na Mulungu, pontho iyeyo akhali Mulungu ene.

Chezacho chimbamwinikira mumdima, mbwenye mdima wachimwana kuthimisa chezacho.

Mafalayo adasanduka munthu mbakhazikika pakati pathu wakukoma mtima pikulu pontho wakuonadi monsene mwene. Tidaona demelero yache, demelero ile yakuthemera Mwana mbodzi yekha wa Baba.

Kudzera muna iye Mulungu adalenga pinthu pyonsene. Iye mbadakhonda khalapo, nee chinthu na chibodzi chene mbachidalengwa tayu. Iye ndi mwenechiro moyo, tenepo moyowo udadzesa cheza kuna anthu.

Mangwana mwache Yohani adaona Yesu akudza kuna iye. Natenepo adalonga mbati, “Ngayang'anani, ngweneyu Mwanabira wa Mulungu nyakubulusa pyakudawa pya anthu a padziko yapansi!

Mafalayo akhali padziko yapansi pano. Podi kwene kuti Mulungu adalenga dziko yapansi kudzera muna iyeyo, anthu a pansi pano hadamdzindikire tayu. Iye adadza kuna dzinzache ene, mbwenye anthu a dzinzache adakhonda kumtambira.

Cheza chadi-chadi chimbamwinikira anthu onsene chile chikhadza padziko yapansi.

Mulungu adapereka mwambo kudzera muna Mose, mbwenye adapereka kukoma mtima, pontho pyakuonadi kudzera muna Yesu Khristu.