Δημοφιλή Βιβλικά εδάφια από ลูกา 23

Κοινοποίηση

เยซู ก็ จ็อก ฮุนเน “เอา เฮย ‍ ครอ เคิบ มัห อำ ทือ โทด อัห เตาะ ดาย ‍ ตี อัห แอง ซิห เอิญ เน ‍ อัห ก็ ไอ มี เม็จจึด ซีวะ ‍ อำ จบ ตอบติก ซิห อัห ดาย เอา” นำ อัง ‍ ทาเน ปึง ทฮาน ก็ เญ็บ ซะลาก แบง เอิด คัว เยซู

เยซู ก็ ไล นำ ‍ “เอิญ ไล มัห นังเลาะ นะ ‍ งิ นะ เน งวะ มัห กุญ อุ ตี เลาะ ตี แลม เลิม เคิบ เอิญ” เยซู อัง

เจ็นนัน ล็อง นะ ก็ จ็อก เคิบ เยซู ‍ นำ ซ็วน เยซู คือเน “บัดนะ ญาม มัห โตะ เป็น พะเจายูฮัว ปกคอง อิห เน ‍ ครอ ระ มัห ลุห นโทล อัง เอิญ ดาย” นำ อัง ‍

เยซู ก็ จ็อก เคิบ เอา ออ แร็งๆ ฮุนเน “เอา เฮย ‍ เอิญ ครอ มอบ อน ซีมาล ออ ตัก มัห ดาย” นำ อัง ‍ แลว นำ จ็อก จังนะ แลว ‍ นำ ก็ ลด เปิล แอ็ม

อัห ก็ โตะ ตัก ตี อัห เค็ย ซีเยิง กึ นัน ‍ อัห ก็ มพำ ซิห เยซู ตัก งกรัง เคิง นัน ‍ อัห ก็ มพำ ครำ ไอ มี เลาะ เปียะ ล็อง นัน เลิม เคิบ เยซู ‍ เพียห เลาะ มี ล็อง ‍ เพียห วิ มี ล็อง

ทาเน ก็ เตียง พอดี ‍ ก็ ลิบ ม็อญ ซะ มด ทัว แพนซิก ‍ ม็อญ ซะ เจ็น เตียง จำปอ ซาม โมง ‍ งิ ก็ ไอ มี ทาง เตาะ ‍ ทาเน พามาน ตัก กัน ฮ็อง ซักซิด ทีซุด ตัก วิฮาน เอาซาง นัน ‍ ก็ ท็อด กิด กาง ล็อง เป็น เปียะ เพียห ‍

ทาเน ก็ มี นายรอย มี ล็อง อุ นัน ‍ นำ ก็ เม็จ จู มบลึ นัน ‍ นำ ก็ ลือ เอาซาง ฮุนเน “เออ ‍ เอา ล็อง เน นำ แอง เลาะ แอง ซือ ซีเละ ‍ นำ ไอ มี กุญ แอง ลุห ซีวะ” นำ อัง ‍