Δημοφιλή Βιβλικά εδάφια από اعمال 1

Κοινοποίηση

پر جدوں پاک رُوح تُہاڈے اُتّے آوے گا۔ تے تُہانوں طاقت مِلے گی۔ تے یرُوشلِیم تے سارے یہُودیہ تے سامریہ وِچ نالے دھرتی دے اخِیر تِیکر۔ تُسی میرے گواہ ہوؤ گے۔

پر اوس اوہناں نُوں آکھیا تُہاڈا کمّ نئیں پئی اوہناں ویلیاں یا وقتاں نُوں جانو جِنہاں نُوں باپ اپنے ای وَس وِچ رکھیا اے۔

تے اوہناں دے نال رَل کے اوہناں نُوں حُکم دِتّا پئی یرُوشلِیم توں باہر نا جاؤ۔ سگوں باپ دے اوس وعدہ دی اُڈِیک رکھو۔ جیہڑا تُساں سُنیا اے۔ کیوں جو یُوحنّا تے پانی نال بپتِسمہ دِتّا۔ پر تُہانوں تھوڑے دِناں دے پِچّھوں پاک رُوح دا بپتِسمہ مِلے گا۔

اوہناں نُوں اوس اپنے دُکھ سہن دے پِچّھوں بتھیریاں ثبُوتاں نال اپنے آپ نُوں جِیوندا وکھایا۔ چاھلیاں دِناں تِیکر اوہ اوہناں نُوں وکھالی دیندا تے خُدا دی بادشاہی دِیاں گلّاں دسدا رہیا۔

تے ایہہ آکھ کے اوہناں دیاں ویکھدیاں اوہ اُتانہہ چُکیا گیا۔ تے بدّل اوہنوں اوہناں دِیاں نظراں توں لُکا لیا۔

تے اوہدے جاندِیاں ہویاں۔ جد اوہ اسمان ولّ پئے ویکھدے سن ویکھو دو بندے چِٹّے کپڑے پائے ہوئے اوہناں دے کول آ کھلوتے۔ تے اوہ آکھن لگّے۔ اَے گلِیلیو تُسی کاہِنُوں اسمان ولّ ویکھدے ہو؟ ایہو یِسُوع جیہڑا تُہاڈے کولوں اسمان نُوں چُکیا گیا۔ اوسے طرح فیر آوے گا۔ جیویں تُساں اوہنوں اسمان نُوں جاندِیاں ویکھیا۔