Δημοφιλή Βιβλικά εδάφια από Lukas 16

Κοινοποίηση

Tauna to ma'ala rasarumaka hante rewa to hangkedi', ma'ala wo'o-i rasarumaka hante rewa to wori'. Tauna to uma monoa' kehi-na hante rewa to hangkedi', uma wo'o mpai' monoa' kehi-na hante rewa to wori'.

”Uma-hawo ria hadua topobago mobago hi rodua tua. Apa' hadua mpai' nape'ahi', hadua napokahuku'. Hadua natuku'-ki hawa'-na, hadua nasapuaka. Wae wo'o koi', uma-koi bisa mpotuku' konoa Alata'ala, pai' hamali-koi ntora mporumpu rewa dunia'.”

Jadi', ane uma lompe' pompewili'-ta hi ka'uaa' dunia' tohe'i, hema to mposarumaka-ta hi poko ka'uaa' to hi suruga? Ane uma lompe' pompewili'-ta hi rewa to rasarumaka-taka hi dunia' toi, hema mpai' to mpowai'-ta rewa to jadi' anu-ta moto hi suruga?

”Na'uli' Abraham: ’Ane lolita nabi Musa pai' nabi ntani'-na uma rapangalai', uma oa'-ra mpai' mepangala', nau' gati ria mpu'u tomate tuwu' nculii'.’ ”

”Hema to mpogaa'-ki tobine-na pai' ncamoko hante tobine ntani'-na, mobualo'-i-hana. Pai' tauna to mpotobine kabulisa doo, mobualo' wo'o-i-hawo.