Δημοφιλή Βιβλικά εδάφια από Lukas 14

Κοινοποίηση

”Tauna to doko' mpotuku'-a, aga uma meliu pe'ahi'-na hi Aku' ngkai pe'ahi'-na hi tina-na, tuama-na, tobine-na, ana'-na, ompi'-na, ba paiana woto-na moto-mi, uma-i ma'ala jadi' topetuku'-ku.

Tauna to jadi' topetuku'-ku kana mpopaha'a kaju parika'-na–batua-na kana sadia-i mporata kaparia ba paiana rapatehi sabana petuku'-na hi Aku'. Jadi', tauna to uma dota mpopaha'a kaju parika'-na pai' mpotuku'-a, uma-i ma'ala jadi' topetuku'-ku.

Hawe'ea to mpomolangko nono-ra, Pue' Ala mpodingkihi-ra, pai' hawe'ea to mpakadingki' nono-ra, Pue' Ala mpomolangko-ra.”

Yesus mpokaliliu lolita-na, na'uli': ”Wae wo'o koi', ane uma-koi mpobahaka hawe'ea to ria hi koi', uma-koi ma'ala jadi' topetuku'-ku.

”Ane ria to doko' mpowangu tomi bohe, napohura-ki ulu mporeke ongkoso' pompowangu-na, ba hono' mpai' doi-na ba uma-di. Apa' ane mpolia' natu'u-mi parawatu-na pai' uma hudu nawangu apa' naka'otii doi-na, hawe'ea tauna to mpohilo mpotawai-i, ra'uli': ’Ii, ni'anu-di doko' mpowangu tomi bohe, ntaa' uma-di hono' doi-nae!’

Jadi' ane tababehi posusa', kio' tauna tokabu, tokeru, topungku pai' towero. Ane wae pobabehi-ta, Pue' Ala mpogane'-ta mpai', apa' tauna to hewa toe uma mpokulei' mpohiwili kehi-ta. Kehi-ta tetu nahiwili moto mpai' Pue' Ala hi Eo Kiama, nto'u kanapotuwu'-ra nculii' tauna to monoa' hi poncilo-na.”

”Poi', wori' kalaua-na. Aga ane mobali'-mi kapoi'-na alaa-na uma-pi mopoi', napa tena to ma'ala mpakapoi'-i? Uma ntoto-pi ria tuju-na, ba raruduhi-ki hinu'a ba rapopai–pai. Agina ratadi lau-imi. Hema-koi to tilingaa, pe'epei lompe'!”