Δημοφιλή Βιβλικά εδάφια από Matius 8

Κοινοποίηση

So Una womomi de wotemo onaka, “Ngini niamodo ilamo! He! To ngini nia piricaya ka ma cunu.” Magena de Una womaokoye so wotemo o paro de o moku-mokuka, “Niogo!” De gila-gila o talaga magena irihika.

Ma kapita gena wosango, “Baba, ngaroko upa bai! Ngohi manena o Yahudika ma nyawa isowo, de Ani simaka gena o kia lo waali idahe so idadiwa ai tahuka toningaho. Nakoso daloha, tanu hitilahi Ngona nopareta ka o demo o dola moi de ai leleani gena asa wilohaka.

Kagena de o Yesus ma kapita awi demo gena woise, de Una wohairani icarawa. Komagena so watemo o bi nyawa iwimomoteka, “Awalele! Nginika tinisingangasu igogou, o bi Yahudika ma nyawa kagena o Israel awi ngopa de awi dano manga sidongirabaka, maro o nyawa una manena awi piricaya ma lamo komanena, gena o nyawa moi lo tamake waasi.

Dabolo de ma kapitaka o Yesus wotemo, “Notagi noliho bato! Sababu maro o kia ngona nopipiricaya magena asa igogou idadi.” De o orasi magena bato awi leleani gena wilohaka.

Komagena so Awi muri-muri yohairani de yotemo, “Wewe! O nyawa Una manena paramoi bai! O bi moi-moi dangodu sidago lo o paro de o moku-moku lo ka wisigise.”