Δημοφιλή Βιβλικά εδάφια από MARKUS 10

Κοινοποίηση

E Asmat Anakat Ajaworemef Ipic, ow kerja a bwemtam, bwenaw opok. E nat, ar kerja kawey ow bwemtam aenawef. Aram ow arke bajortew damir baftam aenawef.” Inim aeefen.

Yesusam e ow manmok atiwemef, wunam atakam aotawefen. “Asmat ow inimas bwemem asan opok. Allah nat, eras takas bwem, aras araman. Aram e pokin pokin takas bwem, inim fakas aomomamar araman.”

E Yesus araw, “Bare. Baysoseyo. Or dor asicimamenem. Inimas e omanmok atereyma.” Inim aeefen. Bare, e ipic manmok asarimtereyemefen. Ar masirin, Yesus e bokotpu fa asoromomatefen.

Bare, Allah, e ow cowkon akajimapomcema. Inimas asmat ow, e ow bapakapimapom arapok.” Yesus inim aeefen.

Yesusam e ipic manmok atiwemefen. Aram damos e ipic ajiomefen. Aram atakam e ipic aotawefen. “Or pok cowoknakap bwem opok aemem. Bare, or e opok takas uang mamuwumtatey. E uang masirin, e pok opok ow sey mamseyamtamey. Or masirin, e onam op capinmi, pok anakat atowomatcemem. Eras aemcem, mamofasienawey. Wunam mamkawiawarcan.” Inim aeefen.

Yesusam jonow e ipic atowporefen. “Dor or ucim pok emtamcen?” Inim aeefen. E manmok kapi ipic ara masirin, “Guru. E domanmok bateremtamcan.” Inim aeefen.

E nat, caramaman inimas arapok. E caramaman, wun ow awut memem akat aporces, ar e wun ow kerja baemtamces.

Atakamnak ara, e jiwi inim awcawor memem opok ow, e Allah Pemerintah Asan bwemfiw asan opok cowok.” Inim aeefen.

Bare, awut ow arke, kanim ow aoememcemes. Kanim ow arke masirin, awut ow aoememcemes.”

E nat, ametnak ara, Allah pokin pokin akenemapomef. Aram jipicin cowoc akenemapomef. Inimas ara, jipic, e aricipicam, arosowocam, bakan ajioscema, wunam aremcin akac aemapcemes. Bare, armipicam, aremam, dam cowkon aemapcemes. Aram ow jamnuk boemap opok aemcemes. Ar ow cowok inim cimin aemapcemes.