Δημοφιλή Βιβλικά εδάφια από LUKAS 4

Κοινοποίηση

“Tuhan Roh, dor akac aemaman. Aramat ipic, e Atakam Akat, e pok opok ow bacacapiom atewemfan. Aramat ipic, atakam botaw atewenamfan. ‘Ow car taw aatfan. E nat, aojisoscomokom. E ca manmok kapi ow, manmok atereycomokom. Tuhan e dar asan akat aomcemarow tahun, bare emeenawef.’ Tuhan inim atakam botaw dor atewemfan. Owam asan pwicak e wun ow aomomames. Tuhan nat, dor e asan pwicak ow, asan akat momom atewemfan.” Inim atakam baca aemtamefen.

Yesus masirin, “E Alkitab atakam ara, ‘E Tuhan orAllah ara. Oram aramat ipic basicimey. Ar cowok kerja bwemtamey.’ E Alkitab inim aema.” Inim aeefen.

Yesus masirin, “E Alkitab atakam ara, ‘Asmat ow tetakay mememas, ar amos pok memen cowok arapok.’ Inim aema.” Yesus inim aeefen.

Barewen. Yesus, Yordan jo ewfasiefen. E Roh Kudusam, e Yesus aomomkurumef arawen. E Roh Kudus masirin, e Yesus, cem opok asan, isi empat puluh ajiwar ajisomosefen. Erasan, Iblis, Yesus, dosa bwem acajijimtawporefen. Erasan aememawiri, Yesus, amos pok amaseemawirien. E isi empat puluh ajiwar aememkurumef masirin, aramat ipic amosto aememefen.

Yesus masirin, “E Alkitab atakam ara, ‘E Tuhan or Allah ara. Oram aramat ipic bwempor arapok,’ Inim aema.” Yesus inim aeefen.

Bare, e Iblis, Yesus dosa bwem acajijimtawkurumporef masirin, ar e Yesus bakan ajiosefen. Ar nat, asep jofay, asan akat aporcow, ar e Yesus dosa bwem bocajimtewporen.

Iblis masirin, aramat ipic op asan atowotometefen. Aram e capinmiin capinmiin takas asarimporomtamefen. Aram atakam Yesus aotawefen. “Dor a capinmi takasam, arakatnakutas takasam, aomomamin. Dor aras, ow batetam akat aemcey, bare atetamcimin araman. Bare, do aras or batetam ara. Or, dor asicimcenem, aras takas aomomcemem.” Inim aeefen. Yesus masirin, “E Alkitab atakam ara, ‘E Tuhan orAllah ara. Oram aramat ipic basicimey. Ar cowok kerja bwemtamey.’ E Alkitab inim aema.” Inim aeefen.

Iblis masirin, Yesus, Yerusalem ajisomosef, wunam ar aramat ipic e Allah cem e opnakut onew pwinew atomettewapomefen. Aram atakam aotawefen. “Or Allah atiwnew, or e cenes juneyey. Bare, e Alkitab atakam, ‘Allah amalaikat, or manmok batiwem, jirmec ajirimcema.’ Wunam, ‘E malaikat, ban or atowomcemenes. E obwey, ek bapomotasin.’ E Alkitab inim atakam ara.” Iblis inim aeefen. Yesus masirin, “E Alkitab atakam ara, ‘E Tuhan or Allah ara. Oram aramat ipic bwempor arapok,’ Inim aema.” Yesus inim aeefen.