Δημοφιλή Βιβλικά εδάφια από Matta 7

Κοινοποίηση

Ttarem, ataf aḏawem immuc. Rezzum, ataf aḏ tafem. Sqerqubem, ataf aḏawem rezmen.

Minzi marra wenni ɣa ittaren aḏas immuc. Wenni ɣa irzun aḏ yaf. Wenni ɣa isqerqben aḏas ṯnurzem ṯewwarṯ.

Marra wenni itsȓan i wawaȓ inu ixeddem zzayes, netta am yijjen n bnaḏem ḏ amiɣis ibna ṯaddarṯ nnes x uzru.

Ggeṯ i yiwḏan min ṯexsem aḏawem ggen. Manaya ḏ ȓmaƹna n Ccariƹa n Musa ḏ ttaƹalim n lʼanbiya.

Walakin ṯawwarṯ iḥṣaren ḏ ubriḏ iqesḥen niṯni tawin ɣar ṯuḏarṯ. Ḏrus iy ɣa iƹḏun ssenni.

Aḏfeṯ zi ṯewwarṯ iḥṣaren minzi ṯawwarṯ nni itawin ɣar jahennama ṯiriw aṭṭas, abriḏ nnes isheȓ. Aṭṭas iy zzayes iƹeddun.

Meȓa kenniw ḏ iƹeffanen ṯessnem aḏ tucem i ṯarwa nwem min iǧan ḏ aṣebḥan, ataf Babaṯwem ig iǧan ḏeg ujenna itegg ktar. Iticc min iǧan ḏ aṣebḥan i yinni ḏas ṯ itettaren.

War tƹeyyabem ḥadd ḥima war kenniw itƹeyyib ca Arebbi. Mammec ɣa ṯƹeyybem amenni i kenniw iy ɣa iƹeyyeb Arebbi. Ȓaƹbar nni iy ṯsexḏamem ḏ wenni iy kiḏwem ɣa isexḏem Arebbi.

Marra wenni itsȓan i wawaȓ inu war zzayes ixeddem ca, netta am yijjen n ufɣuȓ ibna ṯaddarṯ nnes x yijḏi.

Mayemmi tseḥqareḏ cwayt n uȓum ig iǧan ḏi ṯiṭṭ n wumac, cek tettuḏ akeccuḍ ig iǧan ḏi ṯiṭṭ nnec? Mammec teggeḏ ṯzeƹƹmeḏ aḏ tiniḏ i wumac: Ejj-ayi aḏac d kkseɣ ȓum-a ig iǧan ḏi ṯiṭṭ nnec, cek ƹaḏ tejjiḏ akeccuḍ ḏi ṯiṭṭ nnec?

Ḥḍam ixef nwem zeg yinni itarran ixef nsen ḏ lʼanbiya. Tasen-d ɣarwem am can n iḥuȓiyen walakin ḏeg wuȓawen nsen ḏ uccanen iwƹaren. Aṯen ṯessnem s ȓefƹayeȓ nsen. Ma zemmaren yiwḏan aḏ ȓeqḏen ṯazarṯ zeg isennanen, niɣ aḏ kksen aḍiȓ zi ṯzeggwarṯ?

Ṯacejjarṯ ṯaṣebḥant tarew min iǧan ḏ aṣebḥan. Ṯacejjarṯ ṯaƹeffant tarew min iǧan ḏ aƹeffan.

Ṯacejjarṯ ṯaṣebḥant war tirew ca min iǧan ḏ aƹeffan. Ṯenni ṯaƹeffant war tirew ca min iǧan ḏ aṣebḥan.

Marra ṯacejjarṯ iy war itirwen ca min iǧan ḏ aṣebḥan aḏ twaqess aḏ tmenḍar ḏi ṯmessi.