Δημοφιλή Βιβλικά εδάφια από Luk 13

Κοινοποίηση

“Bɛbɔ mɔdenle bɛva anlenkɛ ekyi ne anu, ɔboalekɛ menli dɔɔnwo babɔ mɔdenle kɛ bɛfa nu, noko bɛnrɛhola.

Raalɛ ko wɔ ɛkɛ ne mɔɔ sunsum ɛtane vale ye la yedwu ɛvolɛ bulu nee mɔtwɛ, na yemaa ewule ɛdɔ ɔ nwo, yekpo kondokondo mɔɔ ɔngola ɔ nwo tenrɛ fee a. Mɔɔ Gyisɛse nwunle ye la, ɔvɛlɛle ye na ɔzele ye kɛ, “Ɔmɔ, bɛye wɔ bɛvi wɔ anwonyane ne anu!”

Akee ɔvale ɔ sa ɔguale raalɛ ne anwo zo, na ɛkɛ ne ala ɔdenrɛle ɔ nwo fɔɔnwo na ɔyele Nyamenle ayɛlɛ.

Bɛdabɛ mɔɔ kɛkala bɛli amozi la baralumua, na bɛdabɛ mɔɔ kɛkala bɛlumua la arali amozi.”

Sua menle ne badwazo ado anlenkɛ ne anu, na saa bɛka alie nwo na bɛbɔ anlenkɛ ne anu bɛse kɛ, ‘Yɛmenle, tukue yɛ anlenkɛ ne!’ a, ɔkɛbua bɛ kɛ, ‘Menze ɛleka mɔɔ bɛvi a!’

Ɔnle zɔhane. Na meka meahile bɛ, saa bɛdabɛ noko bɛanzia bɛanvi bɛ ɛtane ne mɔ anwo a, bɛ muala bɛbawu kɛ menli zɔhane mɔ ala la.”

Na ɔbaze bɛ bieko kɛ, ‘Menze ɛleka mɔɔ bɛvi a. Bɛvi ɛkɛ ne bɛhɔ, amumuyɛma!’

Gyisɛse bizale kɛ, “Kɛ Nyamenle Belemgbunlililɛ ne si de ɛ? Duzu a menva mendo nwolɛ a? Ɔle kɛ mɛsetade baka ma nretee bie mɔɔ awie vale luale ye tola nu la; ɔfifile, ɔnyinle ɔyɛle baka, na nloma yɛle bɛ sane wɔ ye ngane ne mɔ anu.”