Δημοφιλή Βιβλικά εδάφια από Yuhanna 3

Κοινοποίηση

Parmeshwar dunia ke log se etna pyaar karis ki aapan eklauta laṛka ke dunia meñ bhejis, ki jon koi bhi uspe biswaas kari, u naas nai hoi lekin anant jeewan paai.

Ishwar aapan beṭa ke dunia meñ i kaaran nai bhejis ki u dunia ke saja de. Uske bhejis hei ki u dunia ke bachaay!

Tab Yeeshu jawaab dees, “Ham tum se sachche bolta hei, jab tak koi admi nawa janam nai le le, tab tak u Parmeshwar ke raaj nai dekhe saki!”

Jon koi bhi Ishwar ke beṭa pe biswaas kare hei, u naas nai hoi, lekin jon uspe biswaas nai kare hei to uske satyanaas hoy jaai, kaahe ki ulog Ishwar ke eklauta beṭa pe biswaas nai karin.

Roshni dunia meñ aay gais hei, aur jon koi bhi kharaab kaam kari uske saja mili, kaahe ki ulog añjora se jaada añdhera se pyaar kare hei.

Ab bahut jaruuri hei ki Yeeshu baṛa hoy aur ham chhoṭa bani.”

Jon bhi koi kharaab kaam kare hei, u añjora se haiṭ kare hei, aur roshni ke lage nai aay hei, kaahe ki añjora meñ u sab ke kharaab kaam dekhaay jaay.

Jon koi beṭa pe biswaas kare hei, anant jeewan uske mile hei. Lekin jon beṭa ke nai maane hei, u anant jeewan nai paai aur Parmeshwar usse hardam gussa meñ rahi.”

Jeise Maozas jañgal meñ ek nakli saañp ke uppar chaṛhaais raha, weisaiyeñ i bhi jaruuri hei ki Manush ke laṛka ke bhi uppar chaṛhaawa jaay

Pita aapan beṭa se bahut pyaar kare hei, aur sab hak uske haath meñ de dees hei.