Δημοφιλή Βιβλικά εδάφια από Ubwandilo 3

Κοινοποίηση

Lelo bo unkị̄kulu agubwene umpị̄kị ukuja nnụnụ nukuja gwa seke inụnụ syakulya kangi gụkunkyela pakugukēta, nukuti gwabagị̄le ukumpa umụ̄ndu amahala, po papo alinkutūngula sịmo iseke alinkulya alinkumpapo sịmo na ju nndume; jōpe alinkulya.

Lelo īnjoka jo jākindilị̄le ubukomụ mfịnyamāna fyosa ifị UNTWA Kyala āpelịle. Jilinkunndālūsya unkị̄kulu jilinkuti; ngīmba sya nalolị ukuti Kyala atịle mụngalyaga iseke sya mịpị̄kị gyosa igya mụnngūnda?

Nịkubikaga ikilugu pakati pamyako nu nkị̄kulu, na pakati pa lujụ̄ngụ lwako nu lujụ̄ngụ lwake; ịsakukūtajanịaga untu ugwe kwịsakuntịpulaga ikitēnde.

Umwene unkị̄kulu alinkummbūla alinkuti; Kwịsakutamịgwaga pakupāpa abāna, kwisakupāpilaga mbutolwe kangi ubwịgane bwako bwịsakulabilaga kunndumego, umwene jo ị̄sakukulāmbikaga.

Kwịsakulyaga ifị̄ndu ku mafụkụ ukwịsakufịka papo kwịsakugomokelega mụmfụ mụno gwalyegịgwe namanga gwapelị̄gwe ukufụma mụmfụ, ugwe uli lufụ̄mbi. Kulufụ̄mbi ko gwịsakugomokelaga.

Jope Atamụ alinkummbūla alinkuti: Papo ukōngịle isyankasịgo, ulị̄le īseke sya mpịkị, ugu nakukānị̄sye ukuti, ungalyaga, umfụ gugụnị̄gwe pa nōngwa jāko, mbūmị bwako bōsa ifyakulya kwịsakulīlaga mmafụkụ.

Po papo UNTWA alinkunndālūsya alinkuti: Jwanị akubūlịle ukuti uli ịtolo? Kingamo ulị̄le īseke sya mpịkị isị nakukānị̄sye ukuti ungalyaga?

Umụ̄ndu alinkunkagila kulubafụ lwa kubusōkelo bwa nngūnda gwa Etenị, alinkubabikako abakelubu nulūbo lwa mōto ulu lụkugalabuka kōsa kōsa ukulindilila injila ja kubūkila kumpịkị gwa būmị.

Po papo Atamụ alinkumpa unkasị īngamụ ja Efa, papo umwene āli jo nna gwa bāndu bōsa abūmị.