Δημοφιλή Βιβλικά εδάφια από Matius 24

Κοινοποίηση

Tempo haitu kadaa ntona mantambai, sampe madea tona domo mosimpotove. Tapi tona maroo mangoseaka Yaku sampe ri kaupuna, iramo rapakasalama.

Bo Kareba Belo nu Poparenta nu Alatala kana rapatolele ri njumangu dunia ala pura-pura manusia mamala mangepena. Maupu haitu, pade makava kaupu nu dunia.”

Raepemiu kareba posieva napara nte komiu, bo raepemiu muni kareba posieva ri ngata nakavao. Nee maeka raramiu, sabana haitu pura-pura kana majadi, tapi dopa nakava mpuu kaupu nu dunia.

Apa tempo haitu tona sangata mosieva nte tosangatana, bo magau simbo magau mosieva muni. Ri umba-umba ri dunia maria kamate ara bo lingu-lingu. Tapi kajadia haitu pura-pura aga kasusa pamulana, eva dua kole nirasai mombine tempo moana.

Langi bo tana malipo, tapi tesaKu bate-batena sampe ri kasae-saena.”

Apa madea tona makava mompobalu sangaKu. Raulira, iramo Magau Topepakasalama anu nijanji nu Alatala! Bo madea tona rabagiura.

Tempo haitu komiu rasaka bo radekei ka tona anu mompandasa komiu bo mompatesi komiu. Komiu rapovuu mata ntona lako ri umba-umba ngata sabana komiu topangoseaka Yaku. Bo madea topangoseaka Yaku moura pomparasayara, bo mosipobalu ntali roara sampomparasaya, bo mosipovuu matamo ira. Bo madea nabi mpodava meumba bo madea tona rabagiura.

Nesana i Yesus, “Pakabelo-belo! Nee sampe komiu rabagiu!

Ivesia muni komiu kana mainga mompopea kakavaKu, apa ledo nisanimiu tempona Yaku, Ana nu Manusia, makava.”

Haitu sampe Kuuli, komiu kana mainga, apa ledo nisanimiu maipia makava Tupumiu.”

“Ane eo bo jaa kakavaKu ngena, aga TuamaKu ri suruga, nangisanina. Ledo ria saitoa nangisanina, ledo nisani nu malaeka ri suruga bo Yaku mboto, Ana nu Alatala, ledo nisaniKu.

Apa kana meumba topodava manguli iramo Magau Topepakasalama, bo meumba muni nabi-nabi mpodava anu movia tanda-tanda nipokumaaka bo kabaraka-kabaraka mombabagiu tona. Ane mamala, nau tona nipelisi nu Alatala rabagiura muni!

Tempo Yaku, Ana nu Manusia, makava bara maipia pokainggu nu manusia masimbayu mpo pokainggu ntona tempo Nabi Nuh nggaulu. Dopame uve oge nanggabuntu ri njumangu dunia, manusia aga natuvu ivesia-siamo. Ira aga nangande nanginu bo noberei eva biasa, sampe Nabi Nuh nesua riara kapala. Ledo nisani ntodea nuapa rapambela ka ira sampe uve oge nanggabuntu sanggani bo ira naonga puramo. Ivesia muni tempo Yaku, Ana nu Manusia, makava.