Δημοφιλή Βιβλικά εδάφια από - लूका 17

Κοινοποίηση

तब यीशु ने ऊसे कओ; उठ के चलो जा; तोरे बिसवास ने तोय साजो करो आय।

जदि दिन भरे में बो सात बेर तोरे बिरोध में पाप करे और सातों बेर फिन आ के कैबे, कि मैं पछतात आंव, तो ऊ ए छिमा कर।

तब उन में से एक जौ तक के कि मैं साजो हो गओ आंव, ऊंचे बोल से परमेसुर कौ जस गात भए लौटो। और यीशु के गोड़न पे मों के बल गिर के, ऊकौ धन्नवाद करन लगो; और बो सामरी हतो।

होसयार रओ; जदि तोरो भईया तोरे विरोद में पाप करै तो ऊ ए समजा, और पछताए तो ऊ ए छिमा कर।

ई पे यीशु ने कओ, का दसों साजे नईं भए तो फिन बे नौ किते आंय?

पिरभु ने कओ; जदि तुम हां राई के दाने के बिरोबर बिसवास होतो, तो तुम ई शहतूत के पेड़ से कैते कि जड़ से उखड़ के समुन्दर में लग जा, तो बो तुमाई मान लेतो।

जौन कोई अपनो प्रान बचाबो चाए बो ऊहां हिरा दै है, और जौन कोई अपनो प्रान हिरा दै है बो ऊहां बचा है।

फिन यीशु ने अपने चेलन से कओ; हो नईं सकत कि ठोकरें न लगें, पर हाय, ऊ मान्स पर जीके काजें बे आत आंय! जौन कोऊ हलके में से कोई एक हां ठोकर खिलात आय, ऊके लाने जौ साजो रैतो, कि चकिया कौ पाट ऊ की घींच में बांध के समुन्दर में मेंक दओ जातो।

जैसो नूह के दिना में भओ हतो, ऊंसई मान्स के पूत के दिना में सोई हुईये। जौन दिना लौ नूह जहाज में नईं चढ़ो, ऊ दिना लौ मान्स खात पियत हते, और उन में ब्याओ होत हते; तब जल प्रलय ने आन के सब हां नास करो।