Δημοφιλή Βιβλικά εδάφια από - यूहन्‍ना 12

Κοινοποίηση

जदि कोऊ मोरी सेवा करबो चाहे, तो मोरे पाछें चलै; और जिते मैं आंव, उते मोरो सेवक भी हुईये; अगर कोऊ मोरी सेवा कर है, तो बाप ऊ को मान कर है।

जौन अपने प्राण हां प्यारो जानत आय, बो ऊहां खो देत आय; और जौन अपने प्राण हां ई जगत में प्यारो नईं जानत आय; बो ऊहां अनन्त जीवन लौ बचाए धर है।

मैं तुम से सांची सांची कहत आंव, कि जब लौ गेंहूं कौ दाना मिट्टी में पड़के मर नईं जात, बो अकेलो रहत आय परन्त जब मर जात आय, तो बिलात फलत आय।

मैं ज्योत आंव, और जगत में आओ हों कि जो कोऊ मोय में भरोसाधरै, बो अन्धयारे में न रए।

जदि कोऊ मोरी बातें सुनके उन को मानत नईंयां, तो मैं ऊहां दोषी नईं ठहरात, कायसे मैं जगत कौ दोषी ठहराबे नईं, बल्कि जगत कौ उद्धार करबे हां आओ आंव।

तब मरियम ने जटामांसी कौ आधा किलो मांगे और असली इतर लेके यीशु के गोड़न पे मलो, और अपने बालों से ऊके गोड़े पोंछे, और इतर की खुशबू से घर महक उठो।

तब लोग खजरी की डालें लेके, ऊसे मिलबे हां कड़े, और चिल्यान लगे, होशन्ना धन्य आय बो जौन प्रभु के नाम से आत आय, यानि इस्राएल कौ राजा।

और यीशु ने उन से कई, बा बेरा आ गई आय, कि मान्स कौ पूत महिमामय होबै।