Δημοφιλή Βιβλικά εδάφια από Йохан 6

Κοινοποίηση

– Би әмн җирһлин өдмгв. Нан тал ирсн күн төрүц өлсш уга. Нанд иткҗәх күн төрүц ундасш уга.

Бурхна Сәкүсн әм өгнә, күүнә чидл олз өгхш. Мини келсн үг әм җирһл өгдг Сәкүсәр дүүргнә.

Дарунь үрҗ оддг хотын төлә бичә көдләд бәәтн, зуг төрүц үрдго мөңк җирһл өгдг хотын төлә көдлҗ бәәтн. Эн хотыг Күмни Көвүн таднд өгчәнә. Яһад гихлә, Тер Бурхн Эцкин онц темдгтә, – гиҗ Исус хәрүднь келв.

Мини Эцкин күсл эн: Бурхна Көвүг үздг, Терүнд иткдг күн болһн мөңк җирһлтә болх зөвтә. Сүл өдрт Би тедниг әмдрүлхв.

– Бурхна керг-үүл күцәх гиснь – Бурхна илгәсн күүнд иткх гисн үг, – гиҗ Исус хәрү өгв.

Болв Эцкинм өгсн улс Нан тал цугтан ирх. Ирҗәх күүг Би төрүц көөш угав.

– Деед Эзн минь, бидн кен тал йовхмб? Мөңк җирһл өгдг үгмүд Танд бәәнә.

Би теңгрәс ирсн әмд өдмгв. Эн өдмгиг эдлсн күн мөңк җирһлтә болх. Эн өдмг – Мини цогц-махмуд. Эн махмудан Би орчлңгин әмн җирһлин төлә өгхв.

– Намаг илгәсн Эцк угаһар, Нег чигн күн Нан тал ирҗ чадшго. Сүл өдрт Би тер күүг әмдрүлхв.

Эн Бурхна өдмг теңгрәс бууҗ ирәд, күмн әмтнд җирһл өгнә, – гиҗ Исус әмтнд келв.

Би – әмн-җирһлин өдмгв.

Тегәд Исус өдмг авад, Бурхиг магтад, тер өдмгиг хуһлад, суусн әмтнд хуваһад өгв. Тиим кевәр Тер заһсиг бас хуваһад, әмтнд түгәҗ өгв. Әмтн хотан идәд цадсн хөөн Исус: – Цуг үлдсн хотыг үрәшгоһар цуглулҗ автн, – гиҗ сурһульчнртан келв.

Тавн-зурһан дуунад сурһульчнр оңһцар усч йовхла, генткн нуурин усн деегүр Исусиг теднә оңһц тал йовҗ йовхинь үзв, тедн дегд икәр әәцхәв. – Энтн бив. Бичә әәтн, – гиҗ Исус теднд келв.