Δημοφιλή Βιβλικά εδάφια από Luk 6

Κοινοποίηση

Ghə̀ŋ nku fo à viʼi, ndi və lə̀ ku à ghə̀ŋ, a nshə̀ʼ mu və tùʼtəli nwe nə̀ʼsə̀, nzə̀ʼtə bè lwinsə no alə̀, ndi və doŋmə a chʉ̀. Byìʼàndo no nshəʼ ko a ghə̀ŋ ku fo à viʼi, Nyìngòŋ lu ku à ghə̀ŋ tò ndə̀ŋndəŋ nshə̀ʼ ayì.”

Wù jùŋ nè njùŋ mu ghə̀ fʉ̀ fa ntìntìn nyʉ̀ jùŋvə a ghə̀ baʼtə̀ nghʉ a wen tyɨm. Wu byɨ nè tò mbyɨ yì a ghə̀ sə diʼ mu ghə̀ baʼtə̀ li ə nghʉ a wen tyɨm. Byiʼàndo gɨ chʉ̀ wìʼ diʼ alə̀, gàʼà tò kənyʉ̀ kì a ke sə diʼ à wen tyɨm mu ke lwinli.

Alì ma sə gàʼ à ghə̀ŋ la, ghə̀ŋ kòŋ viʼi kəbàyn ghə̀ŋ ə nè njùŋ à vəwenə, choʼo fo à vəwenə no bè a zhʉ a ghə̀ŋ ko kɨ la vəwenə lə̀ bwènsə̀ ku. Ghə̀ŋ ne nè ali, ndi mòʼtə̀ ghə̀ŋ lu ghoʼ? Ghə̀ŋ bè ndiʼ la ghə̀ŋ diʼ vunə Nyìngòŋ tìʼ ghoʼo byiʼàndo ghə̀ tuʼmə nə̀ viʼi və nè nyʉ̀ byɨvə bènə̀ viʼi a və ko lu yenə njùŋ.

Ghə̀ŋ nkusə nshinsə ndə̀ŋndəŋ ando Tìʼ ghə̀ŋ nè.

“Kə ghə̀ŋ a soʼ viʼi, ndi kə və lə̀ soʼ ghə̀ŋ. Kə ghə̀ŋ a byɨsə viʼi, ndi kə və lə̀ byɨsə ghə̀ŋ. Ghə̀ŋ lyèsə ku viʼi ndi və lə̀ lyèsə ku ghə̀ŋ.

“Alì a ghə̀ŋ vi a ghə̀ŋ zhʉtə mò luwen, ma gàʼà la, ghə̀ŋ kòŋ viʼi kəbàyn ghə̀ŋ, nè njùŋ a viʼi a və baynə ghə̀ŋ. Ghə̀ŋ bwaʼsə viʼi a və telə ghə̀ŋ, jɨ̀mə a viʼi a və nyàblə̀ nə̀ ghə̀ŋ.

Ghə̀ŋ nè tò nyʉ̀ à viʼi a ghə̀ŋ kòŋ la vəwenə nè à ghə̀ŋ.

Wìʼ ghom kəvu a wu kəgə̀ʼ, wù bwènsə̀ dìʼ kətsenkə, ghə̀ be ghòm. Wìʼ shi kəgwʉnə kə̀ kə, kə wù a to nə̀ ndisə shì a wu moʼ a tyin. No məndo loyn kəfo fa wù, wu ku tò ku a wen. Wìʼ ghaʼ shi fo vyə a kədyòʼ, kə wù be a bèm.

“Ghə̀ŋ kɨ la fəkòʼ fə jùŋfə ko təmə kumə ashɨ byɨ ghə̀ kò ndiʼ la fəkòʼ fə byɨfə ntəmə kumə ashɨ jùŋ ghə̀.

Və nə̀ kɨ fəkòʼ byìʼì ashɨ yi a fə kumə. Və ko təmə kwòŋ ashɨ kəbvèm fa fəkòʼ fə ndzoŋsə kò və ntəmə boŋtə lamsə lwi fa toʼ kənwìʼtə.