Δημοφιλή Βιβλικά εδάφια από Матфей 21

Κοινοποίηση

Доға ҡылғанда нимә һораһағыҙ ҙа, ышанһағыҙ, ҡабул булыр, – тип яуапланы Ғайса.

– Һеҙгә хаҡ һүҙ әйтәм: әгәр ҙә ышанһағыҙ һәм икеләнмәһәгеҙ, һеҙ Мин инжир ағасы менән ҡылғанды ғына эшләп ҡалмаҫһығыҙ, хатта бынау тауға: «Күтәрелеп, диңгеҙгә ташлан!» – тип әйтһәгеҙ, шулай булыр.

Ғайсаның алдынан барыусылар ҙа, артынан килеүсе төркөмдәр ҙә: – Дауыт Улына осанна! Раббы исеме менән Килеүсе мөбәрәк булһын! Бейек күктәрҙә осанна! – тип ҡысҡырҙылар.

Ғайса уларға: – Изге Яҙмала: «Минең Йортом доға ҡылыу йорто тип аталасаҡ», – тип яҙылған, ә һеҙ уны юлбаҫарҙар ояһына әйләндерәһегеҙ! – тине.

«Сион ҡыҙына әйтегеҙ: Бына, һиңә Батшаң килә. Ул Үҙе йыуаш булып, ишәккә һәм йәш ишәккә, йөк йөрөтә торған хайуан балаһына атланған».

– Ә һеҙ Изге Яҙмала: «Төҙөүселәр, яраҡһыҙ, тип кире ҡаҡҡан таш иң мөһим мөйөш ташы булды. Был Раббы тарафынан эшләнде һәм беҙҙең өсөн ғәжәйеп хәл» – тигәнде бер ваҡытта ла уҡыманығыҙмы ни? – тине Ғайса.

Шуға күрә һеҙгә әйтәм: Алла Батшалығы, һеҙҙән тартып алынып, уның емешен килтергән халыҡҡа биреләсәк.