Δημοφιλή Βιβλικά εδάφια από Matheewo 5

Κοινοποίηση

Ngaa e ne ahb lama ucahge ngo ke wum piny kaa adiido? Ngahda ngo cub maalo ka me meenye piny cang yihr yaa ne wod ne? Wa gihn nu thiow, wu ge meeny piny, beehn nyoge niid gene giihu ge beey ge atiihyu ni, noono ubeehn gene uwuor gene Juog ge Maalo.”

“Doohngu ne lama umeenyu piny yihr nyoge. Geew maa ageer wiih good maalo rom kaa kano ubahnge ngo be niid ne?

Med cwihny yihr yaa bahdh yej, bang gihn Juog uniid gene.

Med cwihny yihr yaa adeehj tiihy ngaa maa abiohgrwaal yi koohdh gen, bang gihn Juog gihn me beer ucube yihr gen.

“Abea awaahn ni roba robo yihru kejea nhyaaru jo mahnu kedea kwayu Juog thiow ke nying yaa bang wun beere Juog cwihnye duue ke caahn rog gen.

“Med cwihny yihr nyoge me ngahy ngo kejea ge angoohng yi wong Juog, bang gihn Dhaahr Juog beehda gihr gen.

Med cwihny yihr yaa doohr nyoge, bang gihn ge nuu ucuohn ne nyethen Juog.

Med cwihny yihr yaa cwihny gen yuog bang gihn cwihny gen uciihm.

Med cwihny yihr yaa ayoad giih ajohr ke nying gihn nahg gene nyoge maa abiohgrwaal, bang gihn Dhaahr Juog unahg gihr gen.

Med cwihny yihr yaa duu cwihny gen caahn rog nyoge, bang gihn Juog cwihnye uduue caahn rog gen.

“Mihn cwihnyu nea wu ke yaahlo kedea uyug giih ajohro rogu maa urob giih nyooro rogu bang gihn nahgu jo'a. Nea giih nu ke yugo rogu kea mihn cwihnyu bang gihn akoohg nud yihru Paar Juog. Kwaad giih nu ayug rogu ge kwaad giih anaa ayug rog yaa agamloohngjuog naa anudo umodho nyumu.

Med cwihny yihr yaa kweer ke nyoadh bad, bang gihn piny Juog ulag gene.

“Ka dhiilu beehdo kii ngo keew nyoge roma ke rih melo nea kedh yi cam e ngo loge logo udoohnge law yi dhog. Nea melo abahnho e be rom ke yug law keehdo kedea e gihr nyinge tooro noono e ngo wed dom. Wu thiow beehn beehdo gihru kiin nyoge loge nyoge udoohng gene beeye.

Dhiilu beehdo ne nyoge me beeye nyum Juog, bang gihn Juog Wuru ge ne Maalo ni beer keter ke nyoge.

Adiehj dhaano nahge, ‘Ayiih kedea gahng.’ Kwaad lubo me dog ke jwaa wiih lum nu ngo beehn ke bang atiihb ukeehg.

“Yaage, ngahyu kejea anaa arob naa, ‘Nea ngaa tooy wong dhaano e wonge ke tooyo thiow, e ngaa toar leehj dhaano e leehye ke toar thiow.’ Abea awaahn ni roba robo yihru kejea dhaano gihn raaj naa atiihy ree ngo keá coale. Me neehn nea yih dhoohng ngaa mooge dhoohngo yi thaahng kwiihyi kea log caami yihre.

Nea wong kwiihyi e ne meehg yihn yug adhemuohm, kea oohl ngo oogo uthoohri ngo dom. Bang gihn ngo beer urwaahny goan kuohmi, yihr man thoohr yihn Paar Maaj ke kuohmi ne roang roang. Nea cing kwiihyi e ne meehg yihn yug adhemuohm, kea ngul ngo oogo uthoohri ngo dom. Bang gihn ngo beer urwaahny goan kuohmi, yihr man cidhi Paar Maaj ke kuohmi ne roang roang.