Δημοφιλή Βιβλικά εδάφια από Lukas Uram 13

Κοινοποίηση

Uca, Er Yesus biryi Er dam wekmai nang asi ato ebmou, “Imtam ai wengban bisik bublan ara dukubdob ati, ‘Una kuboka wengdorbinkwan do?’ tenen mambul kanya boboka kiknibdobkwandarur! Ara, ato ati ebmasin, aminda ara ninyi ilinto aryi, ‘A bisik bublan wengdorbitinyi,’ tenen ukurdenmangnyi bok, wengbinman kum kubkwande.

A eterenmou ai umbura ara amnyok dukamwe ner tentok wengyanmou. A ner ara isa kanya wekamwe uca, amnyok dukmuruamwe ba, tikoka yibindobman kum kuramwe talak ara kwalina dinatam takubaryi kwaliamnyi. Asi, Er Yesus biryi a ner asing eibmou ura, nabmou ba, Er dam yanmou ura, ato ebmou, “Se Ni kwin, kan u yikurur dinyi ara sirya kwetebkinyi ba, lobdobkwinkir,” ebmou. Ura, Er Yesus biryi ato eboka Er taruk a ner deici deibdongobmou akiryok, a ner amnyok dukamwe ara tubto minob kuramwe ato kibdobmou. Ba, a ner aryi Er Imtamnyi bisi si weik ereboka kibdobmou.

Asi, Er Yesus biryi a ner asing eibmou ura, nabmou ba, Er dam yanmou ura, ato ebmou, “Se Ni kwin, kan u yikurur dinyi ara sirya kwetebkinyi ba, lobdobkwinkir,” ebmou. Ura, Er Yesus biryi ato eboka Er taruk a ner deici deibdongobmou akiryok, a ner amnyok dukamwe ara tubto minob kuramwe ato kibdobmou. Ba, a ner aryi Er Imtamnyi bisi si weik ereboka kibdobmou.

Ba, diba kobdob ati, ukuryok talak aryi sun ninyi ilinto aryi, ‘Iya teleb,’ kum tenerandum dinyi ara aminda Er Imtamnyi biryi nunukdeibkwande. Ba, ukuryok talak aryi ninyi ilinto aryi, ‘Iya teleb,’ tenerandum dinyi ara aminda Er Imtamnyi biryi kum nunukeibkwande,” eboka eterebmou.

Ukuryok ara akai bublan ara Niryi tuba kukeibse tok, aminda Ni ai damnyi biryi yandoka bublan tirikdobnyi ura, ola kum wengdoryamunyi nang ara baitam tiklobmunci bublan congom-congom eboka, ‘Nai nun wengdoryankwayeb ati, bublan kukeibsurum se,’ eboka uram dobkwandum. Bok, Niryi ato ebkwansin, ‘Sunda Ni kum bingsunun ati, dantam aryi yanmarum do?’ ebkwansin.

Ato kuma. Niryi sunsi ebkwinsin, sunci, ‘Ni malyi kun dinyi taklobniryi, Er Imtamnyi kanya teleb kibdeibkwan dinyi akwe kunubkwan,’ kum teneramunyi ura, sunbabyi a nang siklibmou ba, dibyi to kuboka dibkwandum,” ebmou.

Ato ebmunyi bok, Niryi ato ebkwansin, ‘Nira sun kum bingsunun ati, sunda dantam aryi yanmarumci ato enmarum. Yu kanya akwe boyibamunyi nang e. Ni urasin dam a tingna kuma minola bindobdarur!’ ebkwansin.

Er Yesus biryi ninyi asi Er Imtamnyi Uram eterenmouci, ato kebdeiboka eterebmou, “Unatoa aryi kikliboka Er Imtamnyi bira Weik Sienyi kurur amwetam kubkwandum ati eterebsitinyi do? A talak kubkwandum ati kiklina ara ninyi tentok aryi kwarang du mitika asi wa in dam bindoka kwekmaci uca, abokabdiryi weik welebci ura, te yangnande. Ba, maka mer aryi a co te asi ai laboka du deiraming to kubkwandum,” eboka kebdei eterebmou.