Δημοφιλή Βιβλικά εδάφια από Matiu 15

Κοινοποίηση

Taꞌe mo wala nge ko iisitaa mai mwaanie ngidune iinoni, kire uure oto mai mwaanie saena. Mo iini urine nge kire sai esuie iinoni ke madaꞌa. Aena aana mo ola nge ko iisi-iisitaa mai mwaanie saena iinoni, kire sai esuie iinoni ke loꞌongaꞌi aaela hunie ke horo, ke masi, na ke aeni ola, ke peli, ke sihoai ola eero-eero, na ke ere aaelasie ngaeta mwala.

Mo ngeulaa nge iinoni ko ngeuꞌi kire kaꞌa haꞌamadaꞌaa ike iinonine i maana God, taꞌe mo wala nge ko iisitaa mwaanie ngidune ni ko haꞌamadaꞌaa.”

Aana a God e unue uuri, Mwala ie kire ko haꞌamaꞌu eeku mola aana ngidude, taꞌe manatada e haꞌatau hiitoꞌo mola mwaanieu. Mwala ngeena kire kaꞌa palo-paloau ike toꞌohuu. Kire ko esuie mola mo haꞌatolanga ikire maraada, na kire ko haꞌa-uusulie mwala huni lulu i suliꞌi. Oto kire ko si unue uri mo haꞌatolanga ineu eeni, taꞌe haꞌike.”

Oto a Jisas ko si aalamie loꞌu a huꞌena uuri, “Keine, hiiwalaimolinge iꞌoe e tohungei peine. Nga taa o saetoꞌo aana kei oa oto huniꞌo urine.” Na oto mola aana maholona, haꞌa-uurilana kalena huꞌena e lae oto.

Maholo a huꞌena e rongo urine, ko si lae mai pouruuru i naꞌona na ko unue, “Aalaha ineu, o ke aamasieu.” Taꞌe a Jisas ko ere ni aalahuunge mola i sulie mo Jiu na mo puꞌo, ko teꞌuri hunie, “E kaꞌa diana ike huni aasie mola mo ngeulaa mo mwela ana mo usu.” Oto a huꞌena ko aalamie loꞌu a Jisas uuri, “E toꞌohuu taane poro paine, taꞌe maꞌalana mo usu na kire sai ngaa mola mo eehuhuꞌei ngeulaa ko usu mwaanie mo taetahe mo aalaha ikire.”