Δημοφιλή Βιβλικά εδάφια από Hechos 17

Κοινοποίηση

Keriꞌ xubꞌen ri Dios chake chin keriꞌ ndikikanoj rijaꞌ, y maske achel ngemaqeq pa qꞌequꞌ, kolopeꞌ ndikil. Porque ri Dios ma nej ta kꞌo qikꞌin chiqajununal.

Rijaꞌ xubꞌen chi rikꞌin ri nabꞌey achi xtzꞌukutej pe ri jalajaj teq kiwech wineq, chin ngekꞌojeꞌ chuwech nojel ri rochꞌulew. Ja rijaꞌ jachayon chake ri janipeꞌ ulew kꞌo pa kiqꞌaꞌ, y ja rijaꞌ bꞌiyon janipeꞌ junaꞌ ngekꞌojeꞌ chuwech ri rochꞌulew.

Ja Dios riꞌ ri bꞌanayon ri rochꞌulew y nojel ri kꞌo chuwech, y roma ja rijaꞌ ri Rajaw ri kaj y ri rochꞌulew, ma ndubꞌen ta rachoch chare ri achoch ebꞌanun koma wineq chin ta ndikꞌojeꞌ chupan.

Porque rijaꞌ ruchaꞌon jun qꞌij chin nduqꞌet tzij pa kiwiꞌ ri wineq, chin nduyaꞌ rajel-rukꞌexel achel rukꞌulun ndiyoꞌox chake. Rijaꞌ ruchaꞌon ri Jesús chin ndubꞌen ri samaj riꞌ, y chin ndiqꞌalajin chiqawech chi qetzij ruchaꞌon, xukꞌastajbꞌaꞌ pe chikikajal ri animaꞌiꞌ, xchajeꞌ ri Pablo.

Y si roj ralkꞌuaꞌl ri Dios, ma utz ta ndiqabꞌij Dios chare jun achike ri xa wineq ebꞌanayon, maske bꞌanun chare qꞌanapueq, saqipueq o abꞌej, y santienta nojibꞌel kusan chin xebꞌan.