Δημοφιλή Βιβλικά εδάφια από Matayo 5

Κοινοποίηση

Na hangī a banhū batabachaga talà bīkundīkīja itangwa, alīyo bakīkīndīkaga h'ikīndīkīlo lya talà; ū mu gīko h'īkūbatiimīla pye abo balīmo ū mu numba. H'ūmo īlī nū kū bing'we, shiigelile ī lisana ling'we līyūbatiimīla a banhū, bashibone ī shītīle shing'we ī shawiza, bankūje ū Sīng'we ūyo alī ng'wigūlū.”

A bing'we mul'isana lya sī, ū nzengo ūlū gūzengelilwe ha ngūlya gūtūdūla kūshīkījiwa.

Balī na mbango a beela mu moyo; nguno bakūmona ū Mulungu.

Balī na mbango abo lūtuubo na notà yabo shilī ha kūkooba būtūngīlīja; nguno bakūshikīlīgījiwa ī nghūmbū jabo.

Kwike ū nene nalīmuwīla batogagwi na a banishi bing'we, hangī ng'ūbalombela abo bakūmuluhyaga.

“Balī na mbango a bahabī mu moyo; nguno ū būtemi bo ng'wigūlū būlī wabo.

Balī na mbango a batūūji ba mhola; nguno bakwitanwa balī baana ba ng'wa Mulungu.

Balī na mbango abo balī na būpīna; nguno bakūlūngūjiwa.

Balī na mbango abo bakūluhiagwa kūlwa kwīta yawiza; nguno ū būtemi bo ng'wigūlū būlī wabo.

Balī na mbango a bachīji ba shigongo; nguno bakūchīlwa shigongo.

“A bing'we mulī na mbango ūlū bakūmusondagūlaga na kūmuluhya, na kūmulembekeja ya būbi bo būlī mbika kūlwa nguno yane. Yegagi na kūzalabana, īkī mulī na mheela nhaale ū ng'wigūlū. Nguno h'ūmo babaluhījaga na a bahangi a ba kale, abo baalīho aho bing'we mutaalī kūbiza ho!”

Balī na mbango a bidohya; nguno bakūbiza bingīji ba sī.

“A bing'we mulī munhu gwa sī, alīyo ū munhu ūlū gūlinda gūsūūka, angū gūdūgije kūsandūchiwa kī hangī? Gūkūbiza gwamalaga ī ngofyoolo kū būlī nīmo gose-gose, ūlū ītī kūponyiwa hanze dūhū na kūpandagīlwa na banhū!

Hūna lūūlū, shiigelile mubize bashikanu gīt'ūmo alī ū Sīng'we ūyo alī ng'wigūlū.”

Alīyo ū mhayo gwing'we ūlū gūbiza ‘Ehe,’ ni ībizage ‘Ehe.’ Ūlū ‘Yaya,’ numho ‘Yaya.’ Nguno pyī ī yīngī ī ya kūkīla a ha yenīyī, īkafumaga kūlī ng'wanishi!”

“Mukigwaga gūhayiwe gīkī, ‘Liso kūlwa liso,’ na gīkī, ‘Lino kūlwa lino!’ Alīyo ū nene nalīmuwīla yaya ū kwilwisha na munhū nghūnga; hūna lūūlū ūlū ose-ose ūkūpaala ipī kū lūsaya lo kū būlyo, ngalūkījage nū lwandī ū lūngī!

Na lūūlū, nūūlū liso lyako lya kū būlyo lyūkwipamya līkobolage ūlīponye ūlekane nalyo, nguno īlī hambū-hambū lījimīīle ibudīka lya mīlī gwako, kūtinda ī gīkī pyī ū mīlī gūponyiwe mu nsango gwa moto. Hama nūūlū nkono gwako gwa būlyo gūkūhūbya, gūbbutage ūgūponye, ūlekane nago; nguno īlī hambū-hambū lījimīīle ibudīka lya mīlī gwako dūhū, kūtinda ī gīkī pyī ū mīlī gūponyiwe mu nsango gwa moto!”