Δημοφιλή Βιβλικά εδάφια από Matayo 6

Κοινοποίηση

Koko bokemba en’oso mene lifoka linande ko la mbongi enande; ko toma tone tohatotu tongokokokedyama.

Lacin’eho, botakandakandake lacin’ena loi; bin’ona loi bongokandakanda lacin’ena baoyi banandamene. Bowe bona bina l’ina bokoli la bin’oho.

Lacin’eho, lakosumol’ino, botakandakandake lacin’ena liiko lonino, lacin’ena toma tatong’in’ola la bimeelo bining’in’omela; koko botakandakandake lacin’ena yonge, lacin’ena bisenda bining’in’olota. Liiko lofaleki nde toma? ko yonge lifaleki nde bisenda?

Koko e, en’ond’e, tuaka en’etenyi ene ena lokuko, ko komb’otumba; koko meho onda Bafango’one onoyali ena lokuko, ko Bafango’one on’ena ena lokuko angokolukola.

Lacin’eho, boonda yok’one: Bafango’oniso onoyali ena loola, lina line likumyame, lifoka line liye, eango ene eilame ena loko yoka bosamb’on’ilama eho ena loola.

Otofe toma toniso tona bina l’ina.

Ko ototungole ena besilo beniso, yoka bosambo bonatungol’iso banayali l’esilo l’iso.

Tatotolake ena lomeko, ohonde ototungole eneyali On’owe; lacina lifoka liyali line, ko mpamba eyali ene, ko lokumo loyali lone, bisike la bisike. Ndoho.

Yomb’ino botungol’ato en’akambo’aniyo, Bafango onino onoyali ena loola angokotungol’ino.

Bolenda mpulu ina liko: iho ifafuse, ko ifanuke, ko ifasusanya toma ena betumba ben’emonyedyo: Bafango’onino onoyali ena loola amafa toma. Ino bofaleki nde mpulu?

Botayomonyedyake inoamene lituka ena loko en’eha liho la tocingocingo ko la mbakwako, ko enatua baiya oyiya lituka. Boyomonyedyak’inoamene lituka ena loola, enefana tocingocingo la mbakwako oyehya, ko enefatua baiya oyiya lituka. Lacina enamonyama lituka line, botem’one bongoyala nkwaho.

Efan’oto onokambelisa banyangetuke bafe: yombo angok’emoi bowe, ko angolang’ekina; yombo angundamel’emoi ko atembol’ekina. Ino bofakambelisa Yakomba ko la lituka.

Ko yombo Yakomba aolotsa tolenge tona basala yok’osamb’oho, tolenge tonatomela bon’in’one, koko tookama loi en’etumbelo, in’anayali l’imeedyo nk’isisali kei, afaleki nde okolots’ino bisenda?

Koko enakaf’e nganji in’isei, talangake likasa line y’ooli yeye ekambwa enakamba likasa line y’ome; lacina nganji in’isei ifame ena lokuko; ko Bafango’one on’ena ena lokuko angokolukola.

Boongya lilenda, botongoyila bikambwa binino bina mbongi en’oso bon’ato, lacin’iyo baene; yombo bila nd’oho, bofaate boluko eneyali Bafango’onino onoyali ena loola.

Koko enakil’ino toma, botacingyake bilongi yoka bosamb’on’ila bato ban’esimo: iyo baehya bilongi biniyo lacina baenya eneyali bato yoka bakila toma. Solosolo, lakosumol’ino, iyo bamosila litamba boluko’oniyo. Koko e, enakil’e toma, okya bote’one bauta, ko song’elongi ene; lacina ofenya eneyali bato yoka okila toma: oenya nk’eneyali Bafango’one onoyali ena lokuko; koko Bafango’one on’ena ena lokuko angokolukola.