Δημοφιλή Βιβλικά εδάφια από Matei 6

Κοινοποίηση

Roden mai angluno e amperetsia ai e kris le Devleski; ai sa kudala dieli avena tumenge dine opral.

Na daran so avela tehara; ke tehara o dies lela sama pestar. Sako dies si les pesko kjinuimos.

Sa anda kudia me phenav tumenge: Na daran pala tumaro traio de so tume xana, či anda tumaro stato — sar tume avena uriade. O traio nai vo mai but sar o xamos, ai o stato mai but sar o tsolo?

Numa kana tu řudjis, žia ande tjiri soba, phandav tjiro vudar, ai řudjisar tjire Dades kai garadilo; ai tjiro Dad, kai dikhel so keres garades, dela tuke.

Eta sar tume trubul te řudjin: Amaro Dad kai san ande o čeri! Ke tjiro anav t'avel svintsime; ke tjiri amperetsia t'avel; ke te keres sar tu kames pe e phuv sar ande o čeri.

De ame adies amaro manřo sako diesesko.

Jertisar amenge amare bezexa, sar vi ame jertisaras kudalenge kai hamisaile amende.

Na zumav amen, numa skipisar amen katar o xitro. Ke tuke si, ande sa le berš kai avena, e amperetsia, e zor ai o vestimos. Amen.

Te jertina tume le manušenge so kerde tumenge nasul, tumaro Dad anda o čeri jertila tumenge vi vo.

Dikhen le čiriklia le čereske; von či bariaren ai či kjiden, ai von či garaven ande le stali; ai tumaro Dad čeresko pravarel len. Či san tume mai kuč lendar?

Na kjide tuke mandjin pe e phuv, kai o kermo ai e řuzinia rimon, ai kai le čor phagen ai čoren; Numa kjiden tumenge mandjin ande o čeri, kai o kermo ai e řuzinia či rimon, ai kai le čor či phagen ai či čoren. Ke kothe kai si tjiro mandjin, kothe si vi tjiro ilo.

Khonik naštil te služil do birevon. Ke, vai ke vuřitsila jekhes, ai kamela le kavres; vai ke astardiola ka jekh, ai vuřitsila le kavres. Tume naštin te služin le Devles ai le Love.

Te si ke o Del uriavel kadia e čar le kimpongi, kai si adies ai tehara avela šiudini ande o bov, či uriavela vo mai zurales tumen, manuš, kai si tume tsiřa patiamos?

Numa kana tu des le čořenge, ke tjiro vast o stingo te na žianel so del tjiro vast o čačo. Eta so des t'avel garado; ai tjiro Dad, kai dikhel so keres garades, dela tuke.

Len tume sama te na keren tumaro zakono angla le manuš, te dikhen tumen; aver fialo, tumen či avela pokjinimos paša tumaro Dad kai si ande o čeri.

Kana tume postin, na nekežin tumaro mui, sar le athaitoria, kai rimon pengo mui, te sikaven le manušenge ke von postin. Me phenav tumenge čačimasa, von line pengo pokjinimos. Numa kana tu postis, tho duxi pe tjiro šero ai xalav tjiro mui, Eta te na sikaves le manušenge ke tu postis, numa tjire Dadeske kai garadilo; ai tjiro Dad, kai dikhel so keres garades, dela tuke.