Δημοφιλή Βιβλικά εδάφια από लोमा छ्‍येतिवी लाका 1

Κοινοποίηση

यिने कोन्‍छ्‍योककी थु चाङ्‍मा ख्‍यिरा खला फेप्‍सिमा ख्‍यिरा ओङ ङ्‍येनी यरूशलेमला ताङ तेरी यहूदियाला ताङ सामरियाला ताङ जम्‍बुलिङकी दासा अन्‍तिम सेक्‍ला ख्‍यिरा ङे कोर्ला पङ्‍बु तेर्कितो।”

तमा खोकी लोमातिवाला सुङ्‍सुङ, “दी तुजे ति कोन्‍छ्‍योककी ओङ्‍ज्‍येन नेमा राङ खोकी तेन्‍तेन क्‍यानी वे। ती ति ख्‍यिरा हाक्‍को गोवु लाका मिन।

खोरो लोमा छ्‍येतिवी मुला ज्‍युवु पेला खोकी तिवाला दुक सिनी क नाङ्‍सुङ, “ख्‍यिराङ यरूशलेम नेवा कनी साङ माडो, यिने कोन्‍छ्‍योककी ख्‍यिराङला नङ्‍गिवी सिनी थाक्‍छ्‍येन नङ्‍गुप ताम्‍ङेला गुनी देता। तीकी कोर्ला ङे गोमाला के ख्‍यिराङला सिक्‍यायिन। यूहन्‍नाकी याङ ख्‍यिराङला छ्‍युकी बप्‍तिस्‍मा बिन्‍सुङ, यिने त ङ्‍यिमा चेयी ज्‍युक्‍ला ख्‍यिराङला कोन्‍छ्‍योककी थु चाङ्‍माकी बप्‍तिस्‍मा थोप्‍कितो।”

खोकी दुक्‍पा खुर्नी ङोसु लासिमा तिवाला खो ङोसु लावु ति हाक्‍को ज्‍यितुपला पङ्‍बु बङी छ्‍या तेन्‍सुङ। तमा ङ्‍यिमा खल ङ्‍यी सेक थेङ्‍मा अलायी खोरो लोमा छ्‍येतिवी पर्ला राङ छ्‍यर्नी तिवाला कोन्‍छ्‍योककी ग्‍येल्‍खापकी कोर्ला सुङ्‍सुङ।

खोकी तुक सुङ्‍सिमा लोमातिवी ल्‍हयी ल्‍हयी राङ कोन्‍छ्‍योककी खोला येर देवाच्‍येन ने टि फेप्‍सुङ। तमा मुक्‍पी पर्ने तोक तोर्सुङ।

लोमातिवी खो नाम ने टि फेवु ति ल्‍हयी वोतुप पेला शार्क्येक मज्‍या कर्मु कोन्‍दुप मिरा ङ्‍यी तिवी चिप्‍ला छ्‍यर्नी तिवाला सिक्‍यासुङ, “ओ गालीलकी मीतिवा, ख्‍यिराङ च्‍यिला दे लानी नामला ल्‍हानी देकिवी? तन्‍दा ख्‍यिरा पर नेमा येर देवाच्‍येनला टि फेवु येशू ति तन्‍दा चुक क्‍यानी ख्‍यिरा ल्‍हयी ल्‍हयी देवाच्‍येन ने टि फेप्‍वे, तुक राङ क्‍यानी खो येलुङ दी जम्‍बुलिङला लोक्‍नी फेप्‍किवी।”