Δημοφιλή Βιβλικά εδάφια από Ñwaè' Ruêm 5

Κοινοποίηση

À ka' ba yi àmbò Nyʉ̀, e dùŋshi sèe enɛ e kòŋ sèe sê, njobè' à m ba à nfè' ce sèe à m ku bii ŋgǎa ŋgèe buu bbebep nà, Krǎis à kwe a sěe btù.

Sèe à ka' lɛ mmir mbendù Nyʉ̀ wa'a, sèe lɛ à cicì ka' njobè' sèe rìŋ seenɛ Nyʉ̀ à kòŋ sèe magòr sê. Sèe rìŋ wa'a, ba à ŋger Yʉ' Rara ce e fa nè sèe nà.

Mo' foŋ yi yu enɛ sèe ce lu'shi à ŋgɛ' ce sèe ce yɛ njobè' sèe rìŋ seenɛ ŋgɛ' e ke gèe ŋwɛ̀ e kur ntee; ŋkur ntee anà e gèe ŋgèe ŋwɛ̀ yi boŋ Nyʉ̀. Yisèe ŋgèe yi ka' boŋ Nyʉ̀, banɛ yi be gèe tɛ sèe lɛ mmir mbendù Nyʉ̀.

À ka' ba njobè' sèe yu byɛɛnì à bsii Nyʉ̀ njo' lisèe rbyemì, sèe ce cu nè rfʉtè-ŋwɛ̀ sèe Nyʉ̀ wèe njo' yuu ce yìsèe Tata Jisos Krǎis à m gèe. Yu ye ce e gèe sèe à konì fɛŋ, a riŋ rbǒŋntee Nyʉ̀ ce sèe ce yɛ sè'ni na, a ce lu'shi njobè' sèe rìŋ seenɛ sèe be koni fòo ce yi lò ese Nyʉ̀.

Yi yu enɛ à m ba à nfè' ce sèe à m rìŋ à rjà' visèe btu ka' nà, Krǎis à vʉ à nfè' ce Nyʉ̀ à m lɛ̀, a kwe a sěe btù ce sèe yu ŋgǎa ŋgèe buu bbebep.

À ka' ba njobè' rkwe Jisos Krâis, Nyʉ̀ à gee sèe à ba byɛɛnì, banɛ yi yu mini ghup enɛ Jisòs be jà' sèe efa rshentee Nyʉ̀ foŋ.

Àmbò bèe magòr a m ba ŋgǎa ŋgèe buu bbebep njobè' ntèetu ŋwɛ̀ mò'sir nà, yi yu foŋ enɛ bèe magòr a be ba byɛɛnì à bsii Nyʉ̀ njobè' ŋwɛ̀ mò'sir à m yu'ni nè Nyʉ̀.

A yi wa' wɛɛ ka'. Sè'ni na, sèe ce lu'shi njo' yuu ce Nyʉ̀ à gèe nè sèe njo' rkwe yìsèe Tata Jisos Krâis, à ba ye ce e m gèe sèe Nyʉ̀ wèe à kʉtì àbee.