Δημοφιλή Βιβλικά εδάφια από Ñwaè' Ruêm 4

Κοινοποίηση

E m tarni ka', a ku byemi enɛ Nyʉ̀ be gèe yuu ce e m làa. E m ku tɛɛ tatap njo' li rbyemì, a ce kù'si Nyʉ̀. E m rìŋ nè mini-ŋwɛ̀ enɛ Nyʉ̀ tʉr ŋger à rgèe yuu ce e m kà' anà.

Yi ku ba àmbò a saŋ mbe Ŋwǎ' Nyʉ̀ enɛ̂, “Mɛ̀ gèe wɛ̀ ba tàr nè bto' magòr” nà. Banɛ à bsii Nyʉ̀, Abràham yu tàr nè sèe. Yu ye ce Abràham à m byemi nè ye nà. Yu ye Nyʉ̀ ce e ke gèe bèe ce a kweŋger, a kʉtì btèe. Yu ye ce e ke làa, yuu ce yi m be ba ka', yi ku ba.

A m yʉ ye njo' yìsèe buu bbebep, Nyʉ̀ à fʉr ye efa rkwe tɛ sèe bo ba byɛɛnì a yě bsii.

Abràham à m ku lɛ mi mmir mbendù Nyʉ̀, a byemi yuu ce e m kà', ka' yi m ce yɛɛti enɛ yuu ce Abràham à m lɛ̀ mmir mbendù mo nà yi be geeti ka' wa'a. Yi ka' ba wa'a, Abràham à lo a ba tàr nè bto' magòr. Yi ku ba àmbò a saŋ mbe Ŋwà' Nyʉ̀. A saŋ mbo enɛ̂, “Yo ŋgʉ̀ be ba gòr àmbò mkàŋsì wa'a.”

Banɛ mkà'ni anà mi yu ba nè bèe ce a byemi. Yi yu wa'a tɛ yi bo ba rara enɛ e ce fa buu ce e m kà' anà nè sèe njo' yi ntee bòŋboŋ, tɛ buu anà bo ba àgho nè ŋgʉ̀ Abràham wɛɛwɛ, kè' kù ba ba nè bèe ce a ce lɛ̀ mncir ka', vi bo ba àgho nè bèe ce a byemi nè Nyʉ̀ àmbò Abràham à m byemi nà foŋ. Abràham yu tàr nè sèe wɛɛwɛ.

E m làa enɛ̂, “Bèe ce Nyʉ̀ à fòosi wowèe efa wap bsàrbuu a ma' yàp buu bbebep anà, a yu ŋgǎa mbǒŋtu. Ŋwɛ̀ ce Tata Nyʉ̀ be kèr ce bè' buu bbebep ce ŋgàŋ à m gèe ka', yu ŋwɛ̌ rbǒŋtu.”

njobè' Ŋwǎ' Nyʉ̀ yi làa enɛ̂, “Abràham à m byemi nè Nyʉ̀, Nyʉ̀ à lor ye à ŋwɛ̌ nyɛɛnì njo' li rbyemì.”