Δημοφιλή Βιβλικά εδάφια από Ñwaè' Ruêm 1

Κοινοποίηση

Rìtu yi ce koo mɛ̀ nè Nsuŋ Mbòŋmboŋ ca ka'. Nsuŋ Mbòŋmboŋ ca yu ŋger Nyʉ̀ ce yi gèe bèe ce a byemi a lûŋ. Ca yi yu entombì nè Jûs, a ka' ba foŋ nè bèe enje jɛɛ.

Nsuŋ Mbòŋmboŋ ca ce dùŋshi sèe njɛ̀ɛ njì ce Nyʉ̀ e ke gèe bèe a ba byɛɛnì a yě bsii. Njɛ̀ɛ njì anà à kɛ̀' nè rbyemì, a misi nè rbyemì. Yi ku ba àmbò a saŋ mbe Ŋwǎ' Nyʉ̀ enɛ̂, “Ŋwɛ̀ ce e yu yɛɛnì à bsii Nyʉ̀ njobè' e byemi nè ye, ŋgàŋ be lùŋ.”

Kɛ̌' à nfè' ce Nyʉ̀ à m gèe ŋgòŋ, buu ce Nyʉ̀ à m gèe vi ce dùŋshi bèe buu ce àde' wowèe a m ba riŋ kuu ye ka' nà. Vi ce dùŋshi bòŋboŋ sê, enɛ e tʉr ŋger ce àde' yi ke mi ka', a ker ce dùŋshi foŋ enɛ e yu Nyʉ̀. Banɛ njì mò' yu àgho ce àde' wowèe a fʉr yap tu ka'.

Ka' wowèe a rìŋ Nyʉ̀ wa'a, wowèe a ce kù'si ye ka', a ker ce yòŋshi ye ka'. Yi ka' ba wa'a, bfee vi jep wowèe, wowèe a riŋ yuu ka'.

Wowèe a mà' mini Nyʉ̀, a lor ba mnde'. Wowèe a ce loo ba nè buu ce Nyʉ̀ à m gèe, a ce fà' ba nè buu anà, a ke' ce loo nè Nyʉ̀ ce e m gèe buu anà ka'. Yu ye ce bèe a ba ce yòŋshi à nfè' wɛɛwɛ. Yi yu wa'a.

Nyʉ̀ ce ko'si rshentee nè bèe ce a gèe buu bbebep nè ye, a ker ce gèe nè bee mò' foŋ nà. Yàp buu bbebep anà ce jepsi bèe efa rrìŋ yuu mini.

Yi ka' ba wa'a, Nyʉ̀ à ma'shì enɛ wowèe a gee buu ce a ce kòŋ à rgèe, à ba buu ce vi yu nè rìtu-ŋwɛ̀. Bbyèŋge a kupse yuu ce ŋwɛ̀ à ba gèe, a ce gèe ba yuu ce ŋwɛ̀ à ba gèe ka'. Mmbaŋrù wowo a bornì efa rnòŋ a bbyèŋge wèe, a ce lùu à rnòŋ ba a mmbaŋrù mo' wèe, a ce gèe buu ce vi yu nè rìtu-ŋwɛ̀ sê. Wowèe a kɛ' ŋgɛ' mbe wǎp ndù, à ba ŋgɛ' ce e ghɛɛte à yàp buu bbebep anà. À ka' ba njobè' bèe ca a kani efa rrìŋ Nyʉ̀ àmbò yàp Nyʉ̀, Nyʉ̀ à ma'shì wowèe a ce kwà'shi ba mkwà'shǐ mmbembep tɛ wowèe a bo gèe buu ce vi yu yɛɛnì ka' na.

Wowèe a m ce làa enɛ wowèe a tʉr bfee, a kʉti ba blʉr. Wowèe a m borni efa rloo nè Nyʉ̀ ce e yu ŋwɛ̀ fòo a ker ba Nyʉ̀ ce e ke kwe ka', a ce loo ba nè blaŋ ce a sòp vi feesè ŋwɛ̀ ce e ke lò ku kwe, ba bsiŋ ba mnyàa ker ba buu ce vi tʉr mnyǒr ka'.