Δημοφιλή Βιβλικά εδάφια από Ñwaè' Joân 12

Κοινοποίηση

Ŋwɛ̀ ce e ka' koŋ à rfà' nè mɛ̀, ŋgàŋ vʉ fa mɛ̌ mbùu. Fàdì' ce m ka' ba, banɛ yà ŋwɛ̀ rfà' be ba àfo foŋ. Ŋwɛ̀ ce e ka' fa' nè mɛ̀ banɛ yà ta be nàa ye mbekì.

Yi yu enɛ ŋwɛ̀ ce e ka' boŋshi li ryòŋ banɛ e be bɛ li. Ŋwɛ̀ ce e ka' tɛ boŋshi li ryòŋ njep ŋgòŋ na ka', banɛ ŋgàŋ be tʉr li ryòŋ, cu nfesè.

M ce suŋ wèe nè mini-ŋwɛ̀ mɛnɛ, mbʉ̀ kwaa à ka' tɛ gwè à nshè kwe ka', banɛ e be kù cu mò'sir àmbò e m ba. E ka' gwe à nshè, rlir li fʉʉ, kwaa kwe, banɛ e be kù', gèe mbʉ̀ kwaa àŋgoo.

Mɛ̀ vʉ̀ njep ŋgòŋ na àmbò rraa tɛ ŋwɛ̀ ce e ka' byemi nè mɛ̀, e bo kèr cu à tʉ̀'nji ka'.

Ŋwɛ̀ à ka' yu' wa blàa, ke' gee yuu ce mɛ̀ làa ka', be sa' mɛ̀ nsa' ŋwɛ̀ anà ka'. Mɛ̀ m vʉ̀ tɛ m bo sa' bèe ka'. Mɛ̀ m vʉ̀ tɛ m bo gèe bèe a lûŋ.

Wowèe a ka' ce ye byee, Mɛ̀ɛri à vʉ nè mgʉr ce mi m bòŋ sê, ce a m gèe nè njɛ̀ɛ mjɛɛ ce a m ce too enɛ Nâd. Mgʉr anà mi m lùu ntaa sê. Mi m ba àmbò nto'nì lità wa'a. E m lòr mgʉr anà a cu'ni à mkùu Jisòs, a siŋsi nè yi nyʉ̀'tu. Ndap à m ku rʉʉ nsìp nsìp nè mgʉr anà.

Yi ka' ba wa'a, wowèe a gwar bbàp mtɛɛ a du a koni ye àgho à nduunjì, a ce yòp enɛ̂, “Hòsanà! Bghònì vi yu nè ŋwɛ̀ ce e ce vʉ̀ à rlii Tatâ, a ba ŋkʉʉ à to' Isrɛ̀l.”

Jisòs à laa nè wowèe enɛ̂, “Nfè' à ghɛɛ ce a be kù'si Muu Ŋwɛ̀.