Δημοφιλή Βιβλικά εδάφια από Ñwaè' Joân 10

Κοινοποίηση

Nyɛ̀ɛ e ke vʉ̀ tɛ e bo yɛ̀ɛ, yʉ, kèr bepsi buu. Mɛ̀ vʉ̀ ya tɛ bèe a bo koni ryòŋ, tʉr buu wɛɛwɛ.

“M yu gǎy mbòŋmboŋ. Gǎy mbòŋmboŋ e ke tami nyor à rkwe njo' yi njèe.

Ya njèe yi ke yu' yà njèndoŋ, rîŋ. Mɛ̀ rìŋ yi foŋ, yi ce vʉ̀ a mɛ̌ mbùu.

M ce fa yi ryòŋ ce nfesè, tɛ yi ker kwe à nfè' mò' ka'. Àde' ŋwɛ̀ mò' fʉr yi emba mɛ̌ mmbò ka'.

A mɛ̀ cǔu ŋka'. Ŋwɛ̀ ce e ka' caa njì enjep mɛ̀ banɛ ŋgàŋ be lùŋ efa ŋgɛ'. E be niŋ mbo à nfè' ce e gwɛɛ, koni yuu ye.

M yu gǎy mbòŋmboŋ. M rìŋ ya njèe, ya njèe yi riŋ mɛ̀.

Yà Ta ce e fa yi nè mɛ̀, tʉr ŋger a caa buu wɛɛwɛ. Àde' ŋwɛ̀ mò' fʉr njèe ca embà mmbo yà Ta ka'. Wèr yà Ta yu ŋwɛ̀ mò'sir.”

Àmbò yà ta kòŋ mɛ̀, mɛ mɛ̀ à koŋ ye nà. Mɛ̀ tami nyor à rkwe njo' yi.

Ŋwɛ̀ mò' be koo la ryòŋ ese mɛ̀ ka'. Ce fa ba mɛ̀ à la rkòŋ. M tʉr ŋger à rfa la ryòŋ, a ker tʉr ŋger à rkoo li. Cena yu ba yuu ce yà Ta à làa enɛ m gêe.”

Yi ka' ba wa'a, Jisòs à laa nè wowèe enɛ̂, “M ce suŋ wèe yuu tatap, m yu cǔu ŋka' njèe.

Ŋwɛ̀ ce a lòr ye, e ce jà' yi jà', yu gày ce e tʉr njèe anà ka'. E ka' yɛ àmbò kuura ce vʉ̀, e be caŋ mà' njèe, tɛ kuura koshi mo', bɛr yi da' à rìŋ.

“M ce suŋ wèe nè mini-ŋwɛ̀ enɛ ŋwɛ̀ à ka' ce niŋ mbe ŋka' njèe, ko' à ŋka', ke' du njì embe cǔu ŋka' ka', banɛ ŋgàŋ yu nyɛ̀ɛ a ker ba ŋkep.