Δημοφιλή Βιβλικά εδάφια από JO:N 10

Κοινοποίηση

Dopsongkvdv:dc dopsongkapclang mokekapc odokkc mopen-moyenkapc gvdag; Ngo gvka bulujen turnamcm pa:ycpc cmna, odokkc cdcm pv:se-pv:yedopc pa:ycpc cmna.

“Ngo:na ainc bera soben kanggabya:ncdc. Ainc bera soben kanggabya:ncdc bvk turnamdcmci bera sobenkvdv:dok lcgangc tolvgdag.

Ngok bera sobenkvdv:dc ngok gomugcm tadkindag, odokkc ngo bulum kindag, odokkc bulu ngok lcdulo gvmvndag

odokkc ngo bulum lo:dvscm turyarla turla du:nam turnamcm bido, odokkc bulu cdvlosin yogpakma:yc, odokkc sc:kosin bulum Abudok alagdokkcm sopakla:ma:yc.

Ngo yabgodc; sc:koiyc ngogkolok gva:mvlo, bvm moturyc, odokkc gvlenycsin gva:ycsin odokkc dogongkowycm pa:yc.

Ngo:na ainc bera soben ka:sv:ncdc; ngo avkckvdv:dcm kindag odokkc ngok avkckvdv:dc ngom kindag

Ngok Abubv sc:kobv bulum ngom bitagnc, appvngcmyam bottaya:nc, odokkc sc:kosin bulum Abudok alagdokkcm sopakla:ma:yc. Ngo:lang Abubv akkongc.”

Abudbv ngom kapc kindagji odokkc ngo Abudcm kindag; odokkc ngok turnamcm bera soben kvdv:dok lcga:pc tolvgdag.

Sc:kobvsin cdcm ngokkolokkcm la:mang, ckvdaggom ngo cdcm ngok mcngkampc tolvgdo. Ngokkc cdcm lc:nanc lc:lang-gvlangc dung, odokkc ngokkc cdcm langkunannc la:lang-gvlangc dung; cdc lulvgdcm ngok Abukolokkcm ngo pa:to.”

Cdcmpila Jisubv bulum lckoda lubito, “Aroru:pc, aroru:pc, ngo nolum lubidung, ngo bera sobenkvdv:dok yabgodc.

Sc:kobv dorra langa:nammcnc odokkc bera soben kanggabya:ma:nckonc, bera sobenkvdv:dc sckkc avkcma:nc, ra:miki kvdv:dc duga:dopc ka:begycmvlo odokkc bera soben kvdv:dcm mcpakge:la dugpagamdag; odokkc ra:miki:kvdv:dc cdcmbulum gamna rcgpit-rcgyit supakdag.

“Aroru:pc aroru:pc, ngo nolum lubidung, sc:kobv yabgodog berasoben tumko okumdo:pc gva:ma:ycnc cmpige:la angu lambclok renga:yc, cdc tani:dc dopsongc odokkc rodkutnc