New of New Testament in Seimat (Kakai Haeu)

Seimat

<div class="version vid626 iso6393ssg" data-vid="626" data-iso6393="ssg">
 <div class="book bkMAT">
 <div class="chapter ch22" data-usfm="MAT.22">
 <div class="label">22</div><div class="s">Menge tehu angiain lalap</div><div class="r">Lk 14:15-24</div><div class="p"> 1*Jises uke ulei tenen meng ti i kakane teka seilon. I ukek, 2&#8220;Aweisal ti Haeu neini seilon masin na tel masiwi hone teka unauan apeseniai tehu angiain lalap ti salai tel natun wawan. 3I talo tesol unauan nahih honei teka seilon i ilowiwen ti nahih haniai tehu angiain ti sala. Tuahe laha watakai.</div><div class="p"> 4&#8220;Ape i talo ulei tesol unauan liai hetekie kakaian. Lato ukek, &#8216;An ti sala i apeasawen. Laha teleiwen hina bulmakau tenen xuxu solian ma lawe waliko i apeasawen. Nahih hanima tehu angiain lalap.&#8217;</div><div class="p"> 5&#8220;Tuahe teka seilon ti tel masiwi ilowiwen, laha kum hong waxi kakaialato. Laha aile waliko ti pahalaha. Teka laha nahih hani he kinelaha, teka liai nahih hani puasalaha ti hangainiai soxi. 6Ape teka liai akeni pohi tesol unaui tel masiwi. Laha aile halialu hawane lato ape teka laha telei. 7Tel masiwi leng hawane. I talo tesol unauan ti hile teleiai teka seilon laha telei tesol unauan ape i hone lato luiai tehu taon ti laha.</div><div class="p"> 8&#8220;I tiloi tesol unauan liai ape i hone lato, &#8216;Angiain ti sala i apeasawen, tuahe teka seilon ti nga ilolowi, laha kumahe solian ti i tapai laha to ti tehu angiain ti sala. 9Amuto nahih haniwa aweisal ti tehu taon ie ape ilowi hatapoma teka ti na amuto tunahi.&#8217; 10Tesol unauan nahih hani he aweisal ape lato ilowi hatapo seilon ti lato tunahi, teka seilon sawisawin ma teka seilon lialun. Lato hakahita hatesol hani leili ing ti sala ape tehu ing xuh hawane.</div><div class="p"> 11&#8220;Ti tel masiwi nahih soh paxai teka seilon lato hakahitama, i ningahi tunahi tel seilon kumahe i sosoi maia tenen ti angiain ti sala. 12Ape i hone i, &#8216;Oie, o ala kumahe ie. O tap maia tenen ti angiain ti sala.&#8217; Tuahe tel seilon kum tunah pahoan.</div><div class="p"> 13&#8220;Tel masiwi hone tesol unauan, &#8216;Xiotiwa minan ma aen ape towi xoini haniwa i melal he tilokoan, tetesol tonain laha kau kawatan ma tangike moloan.&#8217; &#8221;</div><div class="p"> 14Jises kak tili kakaian, &#8220;Haeu ilowi kilan seilon lehe i neini laha tuahe teka palai Haeu kilami.&#8221;</div><div class="s">Moni hani *Sisa tel masiwi tapein ti *Rom</div><div class="r">Mk 12:13-17; Lk 20:20-26</div><div class="p"> 15Teka *Parisi apuha ape laha sakal aweisal lehe Jises kak tunahi waliko tenen na i sului aliake i. 16Lato talo hani kapin teka kahikahi lato ma teka tepaun ti *Herod. Lato ukek, &#8220;Tel masiwi, amite tioi o seilon sawisawin. Ti o hanau seilon saun ti Haeu, kakain tenen salan. Woum o aile hani teka masiwi ma teka seilon naun lawe tekewe. 17O namiloi ukek ia? Ewi na kako hani Sisa moni ti pahan?&#8221;</div><div class="p"> 18Jises tioi ka lato pisi totohongi i ape i hone lato, &#8220;Lehomuto huoka. Alahan amuto kamei pisi nga? 19Kola hanima nga tehu ti tesol puli moni lawe amuto hahani Sisa.&#8221; Lato hani i tehu. 20I kamei lato, &#8220;Kawe aita ma axe aita he tehu puli moni?&#8221;</div><div class="p"> 21Lato ukek, &#8220;Ti Sisa.&#8221;</div><div class="p">Ape Jises hone lato, &#8220;Ien, waliko ti Sisa haniwa Sisa, waliko ti Haeu haniwa Haeu.&#8221;</div><div class="p"> 22Ti lato hongoa pahoan tetan, lato ong hawane ape lato nahih salili i.</div><div class="s">Na seilon mat nakon i xahat alia?</div><div class="r">Mk 12:18-27; Lk 20:27-40</div><div class="p"> 23Ngain tin tetehu teka *Sadusi nahih hani kapi Jises. Lato soh ka seilon maten kum moih alia. 24Lato ukek, &#8220;Tel masiwi, *Moses tai hanawen na masin tel wawan i mat a i tap natun, tel ukalan kewa axoan tel hehin ien lehe lalu tan natulalu ape tesol akaik nati tel i matewen. 25Hongoa mengomite. Telao hatotalin lato tepanim hua. Tel pamu i sal ape i mat, tap natun. Tel ukalan usian waxi axoan tel hehin. 26Tel usiai tel pamu tin i mat tap natulalu ape tel usialalu uke axoan tel hehin. Waliko tin tetenen sohot hani lato hatesol. 27Tapeinan ape tel hehin mat. 28Taen Haeu xahateni hatapo seilon maten, tel hehin ape axoi aita? Nake ati lato ukewen tel hehin ien.&#8221;</div><div class="p"> 29Jises kak pahoi lato, &#8220;Namilomuto kumahe salan ka seilon maten kum moih alia nake amuto kum tioi kakai Haeu ma pohe Haeu. 30Taen teka maten moih alia, ape tapein tenen hahunatun. Ti tone Haeu, seilon kum sal masin teka *engel. 31Nga kaxi haxewa hani amuto sale xahatai seilon maten. Amuto tioi waliko ti pepai Haeu kakak. I kakaxi waliko ti Haeu kakak muhin ti *Abraham, Aisak ma *Jekop matewa. I ukek, 32&#8216;Nga Haeu tetel ti Abraham, Aisak ma Jekop lolotui.&#8217; &#8221; (Exod 3:6) Ape Jises ukek, &#8220;I Haeu ti teka seilon moihin nake teka seilon tetan laha matewen, laha kumahe salan maten.&#8221;</div><div class="p"> 33Ti teka kilai seilon hongoa kakai Jises, laha ongaini hawane sale hanauan tetan.</div><div class="s">Nauna tuah tapein ti Haeu</div><div class="r">Mk 12:28-34; Lk 10:25-28</div><div class="p"> 34Ti tesol Parisi hongoa ka Jises kak hatahunosoen tesol Sadusi, lato apuha ape lato nahih hani kapin. 35Leilolato, tel ti hanaui nauna ti Moses i kamei pisi Jises. I ukek, 36&#8220;Tel masiwi, ti lawe *nauna ti Moses lahe nauna tuah tapein?&#8221;</div><div class="p"> 37Jises kak pahoi i, &#8220; &#8216;Waheni hawanewa Haeu tel Masiwi ti amuto, xoiniwa ti amuto waheni teka seilon liai. Amukewa Haeu ti leili tiamuto, namiloi eliel hawanewa i ma aile hatapoa puasan ti hatesol kuimuto.&#8217; (Deut 6:5) 38I se nauna tenen tuah tapein i xoini lawe nauna. 39Tenen nauna usian i masin, &#8216;Waheniwa seilon liai hanowi ti amuto waheni aliake puki amuto.&#8217; (Lev 19:18) 40Huonen nauna ien se salangawe lawe nauna ti Moses ma hatesol waliko ti *teka kuluiai kakai Haeu hanauen.&#8221;</div><div class="s">Kahi nati aita tel *Krais?</div><div class="r">Mk 12:35-37; Lk 20:41-44</div><div class="p"> 41Ti tesol Parisi tutuen ien, Jises kamei lato, 42&#8220;Kaie amuto namiloi ukek ia? Krais, tel seilon Haeu taloma, i kahi nati aita?&#8221;</div><div class="p">Lato hone i, &#8220;Kahi nati *David.&#8221;</div><div class="p"> 43Jises kamei lato, &#8220;Na masin ien, alahan David axai i tel Masiwi tetan? Puki *Holi Spirit hanamiloa David kak kewak,</div><div class="q1"> 44&#8220; &#8216;Haeu kakane tel Masiwi tetak,</div><div class="q2">toma papak tepaun manau ti neiniai seilon</div><div class="q2">atengi tataen nga hanawa teka seilon</div><div class="q2">laha pahoxai o hani hahitakam.&#8217; (Ps 110:1)</div><div class="m"> 45Na masin David axai Krais tel Masiwi tetan, i kumahe tuahe tel ti kahi natun.&#8221; 46Tap tel ti lato kak pahoi uke i. Muhin ape laha mamata kamei pisiai Jises.</div>
 </div>
 </div>
</div>

*Jises uke ulei tenen meng ti i kakane teka seilon. I ukek, “Aweisal ti Haeu neini seilon masin na tel masiwi hone teka unauan apeseniai tehu angiain lalap ti salai tel natun wawan. I talo tesol unauan nahih honei teka seilon i ilowiwen ti nahih haniai tehu angiain ti sala. Tuahe laha watakai.
“Ape i talo ulei tesol unauan liai hetekie kakaian. Lato ukek, ‘An ti sala i apeasawen. Laha teleiwen hina bulmakau tenen xuxu solian ma lawe waliko i apeasawen. Nahih hanima tehu angiain lalap.’
“Tuahe teka seilon ti tel masiwi ilowiwen, laha kum hong waxi kakaialato. Laha aile waliko ti pahalaha. Teka laha nahih hani he kinelaha, teka liai nahih hani puasalaha ti hangainiai soxi. Ape teka liai akeni pohi tesol unaui tel masiwi. Laha aile halialu hawane lato ape teka laha telei. Tel masiwi leng hawane. I talo tesol unauan ti hile teleiai teka seilon laha telei tesol unauan ape i hone lato luiai tehu taon ti laha.
“I tiloi tesol unauan liai ape i hone lato, ‘Angiain ti sala i apeasawen, tuahe teka seilon ti nga ilolowi, laha kumahe solian ti i tapai laha to ti tehu angiain ti sala. Amuto nahih haniwa aweisal ti tehu taon ie ape ilowi hatapoma teka ti na amuto tunahi.’ Tesol unauan nahih hani he aweisal ape lato ilowi hatapo seilon ti lato tunahi, teka seilon sawisawin ma teka seilon lialun. Lato hakahita hatesol hani leili ing ti sala ape tehu ing xuh hawane.
“Ti tel masiwi nahih soh paxai teka seilon lato hakahitama, i ningahi tunahi tel seilon kumahe i sosoi maia tenen ti angiain ti sala. Ape i hone i, ‘Oie, o ala kumahe ie. O tap maia tenen ti angiain ti sala.’ Tuahe tel seilon kum tunah pahoan.
“Tel masiwi hone tesol unauan, ‘Xiotiwa minan ma aen ape towi xoini haniwa i melal he tilokoan, tetesol tonain laha kau kawatan ma tangike moloan.’ ”
Jises kak tili kakaian, “Haeu ilowi kilan seilon lehe i neini laha tuahe teka palai Haeu kilami.”


Teka *Parisi apuha ape laha sakal aweisal lehe Jises kak tunahi waliko tenen na i sului aliake i. Lato talo hani kapin teka kahikahi lato ma teka tepaun ti *Herod. Lato ukek, “Tel masiwi, amite tioi o seilon sawisawin. Ti o hanau seilon saun ti Haeu, kakain tenen salan. Woum o aile hani teka masiwi ma teka seilon naun lawe tekewe. O namiloi ukek ia? Ewi na kako hani Sisa moni ti pahan?”
Jises tioi ka lato pisi totohongi i ape i hone lato, “Lehomuto huoka. Alahan amuto kamei pisi nga? Kola hanima nga tehu ti tesol puli moni lawe amuto hahani Sisa.” Lato hani i tehu. I kamei lato, “Kawe aita ma axe aita he tehu puli moni?”
Lato ukek, “Ti Sisa.”
Ape Jises hone lato, “Ien, waliko ti Sisa haniwa Sisa, waliko ti Haeu haniwa Haeu.”
Ti lato hongoa pahoan tetan, lato ong hawane ape lato nahih salili i.


Ngain tin tetehu teka *Sadusi nahih hani kapi Jises. Lato soh ka seilon maten kum moih alia. Lato ukek, “Tel masiwi, *Moses tai hanawen na masin tel wawan i mat a i tap natun, tel ukalan kewa axoan tel hehin ien lehe lalu tan natulalu ape tesol akaik nati tel i matewen. Hongoa mengomite. Telao hatotalin lato tepanim hua. Tel pamu i sal ape i mat, tap natun. Tel ukalan usian waxi axoan tel hehin. Tel usiai tel pamu tin i mat tap natulalu ape tel usialalu uke axoan tel hehin. Waliko tin tetenen sohot hani lato hatesol. Tapeinan ape tel hehin mat. Taen Haeu xahateni hatapo seilon maten, tel hehin ape axoi aita? Nake ati lato ukewen tel hehin ien.”
Jises kak pahoi lato, “Namilomuto kumahe salan ka seilon maten kum moih alia nake amuto kum tioi kakai Haeu ma pohe Haeu. Taen teka maten moih alia, ape tapein tenen hahunatun. Ti tone Haeu, seilon kum sal masin teka *engel. Nga kaxi haxewa hani amuto sale xahatai seilon maten. Amuto tioi waliko ti pepai Haeu kakak. I kakaxi waliko ti Haeu kakak muhin ti *Abraham, Aisak ma *Jekop matewa. I ukek, ‘Nga Haeu tetel ti Abraham, Aisak ma Jekop lolotui.’ ” Ape Jises ukek, “I Haeu ti teka seilon moihin nake teka seilon tetan laha matewen, laha kumahe salan maten.”
Ti teka kilai seilon hongoa kakai Jises, laha ongaini hawane sale hanauan tetan.


Ti tesol Parisi hongoa ka Jises kak hatahunosoen tesol Sadusi, lato apuha ape lato nahih hani kapin. Leilolato, tel ti hanaui nauna ti Moses i kamei pisi Jises. I ukek, “Tel masiwi, ti lawe *nauna ti Moses lahe nauna tuah tapein?”
Jises kak pahoi i, “ ‘Waheni hawanewa Haeu tel Masiwi ti amuto, xoiniwa ti amuto waheni teka seilon liai. Amukewa Haeu ti leili tiamuto, namiloi eliel hawanewa i ma aile hatapoa puasan ti hatesol kuimuto.’ I se nauna tenen tuah tapein i xoini lawe nauna. Tenen nauna usian i masin, ‘Waheniwa seilon liai hanowi ti amuto waheni aliake puki amuto.’ Huonen nauna ien se salangawe lawe nauna ti Moses ma hatesol waliko ti *teka kuluiai kakai Haeu hanauen.”


Ti tesol Parisi tutuen ien, Jises kamei lato, “Kaie amuto namiloi ukek ia? Krais, tel seilon Haeu taloma, i kahi nati aita?”
Lato hone i, “Kahi nati *David.”
Jises kamei lato, “Na masin ien, alahan David axai i tel Masiwi tetan? Puki *Holi Spirit hanamiloa David kak kewak,
“ ‘Haeu kakane tel Masiwi tetak,
toma papak tepaun manau ti neiniai seilon
atengi tataen nga hanawa teka seilon
laha pahoxai o hani hahitakam.’
Na masin David axai Krais tel Masiwi tetan, i kumahe tuahe tel ti kahi natun.” Tap tel ti lato kak pahoi uke i. Muhin ape laha mamata kamei pisiai Jises.

Ακρόαση Matiu 22