If you have would like a copy of this version please contact info@davarpartners.org

Text: Yalunka Old Testament, CC-BY-SA-4.0, Pioneer Bible Translators, 2012. -- Audio: Yalunka Old Testament Audio Bible, CC-BY-SA-4.0, Davar Partners International, 2022

Yalunka Old Testament

<div class="version vid620 iso6393yal" data-vid="620" data-iso6393="yal">
 <div class="book bkGEN">
 <div class="chapter ch38" data-usfm="GEN.38">
 <div class="label">38</div><div class="s">Yuda nun Tamari</div><div class="p"> 1Na waxatini, Yuda yi keli a ngaxakedenne xun ma, a siga Adulan kaana nde konni naxan xili Xira. 2Yuda yi Suya Kanan kaana dii t&#603;m&#603;n to m&#603;nni. A yi a findi a &#626;axanla ra. E yi lu e bode x&#596;n. 3A yi fudikan, a yi dii x&#603;m&#603;n bari. E yi na diin xili sa Eri. 4A m&#596;n yi fudikan dii firinden na, a yi dii x&#603;m&#603;n bari. E yi na diin xili sa Onan. 5Na xanbi, a m&#596;n yi dii x&#603;m&#603; gb&#603;t&#603; bari, a yi na xili sa Selaxa. Yuda yi Kesibe taan nin a &#626;axanla yi diin barima waxatin naxan yi.</div><div class="p"> 6Yuda yi &#626;axanla fen, a a so a dii singen Eri yii. Na &#626;axanla xili Tamari. 7Muxu &#626;axin nan yi Yudaa dii singen Eri ra Alatala y&#603;&#603; ra yi. Alatala yi a faxa. 8Na xanbi Yuda yi a fala Onan xa, a naxa, &#8220;I tadaa &#626;axanla tongo, a xa findi i ya &#626;axanla ra. I a x&#603;m&#603; xuriya wanla liga alogo i xa diin fi i tada faxa muxun ma.&#8221; 9Koni Onan yi a kolon, a na diin mi yi find&#603; a gbeen na. Na nan a liga, a to yi a tada &#626;axanla kolonma &#626;axanla ra, igen naxan minima a fatini, a yi na makala b&#596;x&#596;n ma alogo a nama diin bari a tada xa. 10A yi naxan ligama, na mi yi rafan Alatala ma. Nanara, a yi a faxa.</div><div class="p"> 11Awa, Yuda yi a fala a mamuxun Tamari xa, a naxa, &#8220;Lu ka&#626;ayani i baba konni benun n ma dii Selaxa xa gbo waxatin naxan yi.&#8221; A yi mirixi n&#603;n yanyina nde Selaxa fan faxama n&#603;n alo a tadane faxaxi kii naxan yi. Tamari yi siga a sa lu a baba konni. 12A mi bu Suya a dii t&#603;m&#603;na, Yudaa &#626;axanla yi faxa. &#413;an feen to ba a ra, Yuda yi siga Timana yi e nun a lanfaan Xira Adulan kaana. E yi siga Yuda xuruse yireni, e yi e xabene maxabama d&#603;naxan yi.</div><div class="p"> 13Muxuna nde yi a fala Tamari xa, a naxa, &#8220;I ta&#626;e sigama Timana taani a xurusene xabene maxabadeni.&#8221; 14A yi a ka&#626;a dugine ba a ma, a yi dugin so a y&#603;tagin xun na, a sa d&#596;x&#596; Enayin taan so d&#603;&#603;n na Timana kiraan x&#596;n. A bata yi a to Selaxa bata findi banxulanna ra, koni e mi a fi a ma a xa findi a &#626;axanla ra.</div><div class="p"> 15Yuda to a to a dugin soxi a y&#603;tagin xun na, a yi a miri a yalunden na a ra. 16A yi a fala a xa kiraan na, a naxa, &#8220;En siga, en sa kafu.&#8221; A mi yi a kolon a mamuxun na a ra. Koni, Tamari yi Yuda max&#596;din, a naxa, &#8220;I nanse fima n ma en na kafu?&#8221; 17A yi a yabi, a naxa, &#8220;N sii keden nan tongoma n ma xuruseene tagi, n fa a ra i y&#603;&#603; ra.&#8221; A yi a yabi, a naxa, &#8220;Awa, tolimana nde lu n yii be singe benun i xa fa siin na waxatin naxan yi.&#8221; 18A yi a max&#596;din, a naxa, &#8220;I wama n xa nanse so i yii tolimaan na?&#8221; Tamari yi a yabi, a naxa, &#8220;I ya taxamasenna nun a lutin nun i ya dunganna so n yii.&#8221; A yi na seene so a yii, e fa kafu. Tamari yi fudikan a diin na. 19A yi x&#603;t&#603; a konni. A yi dugin ba a y&#603;tagin xun na, a m&#596;n yi a ka&#626;a domaan nagodo a ma.</div><div class="p"> 20Yuda yi a lanfa Adulan kaan x&#603; sii diin tideni &#626;axanla ma alogo a xa fa seene ra a naxanye so &#626;axanla yii tolimaan na. Koni a mi &#626;axanla to. 21A yi m&#603;n kaane max&#596;din, a naxa, &#8220;Yalunde &#626;axanla naxan yi kiraan d&#603; Enayin taani, na min&#603;n yi?&#8221; E yi a yabi, e naxa, &#8220;Yalunde yo mi be.&#8221; 22A yi x&#603;t&#603; Yuda yireni, a fa a fala, a naxa, &#8220;N mi a lixi na. M&#603;n kaane m&#596;n bata a fala n xa a yalunde yo mi na e tan konni.&#8221; 23Yuda yi a fala, a naxa, &#8220;A xa na seene mara. En fan nama en y&#603;t&#603; rayagi. N bata sii diin nasanba a ma, koni i mi a lixi na.&#8221;</div><div class="p"> 24Kike saxan dangu xanbi, muxuna nde yi a fala Yuda xa, a naxa, &#8220;I mamuxun Tamari bata findi yalunden na, a bata fudikan a yalunyani.&#8221; Yuda yi a fala, a naxa, &#8220;&#400; a ramini, a gan.&#8221; 25E yi fama a ra waxatin naxan yi, a yi x&#603;raan nasiga a ta&#626;e ma, a naxa, &#8220;Seni itoe mato naxanye n yii. Taxamasenni ito nun a lutin nun dunganni ito na findi muxun naxan gbee ra na nan n nafudikanxi. I lan n&#603;n i xa a kanna kolon.&#8221; 26Yuda yi na feene kolon. A yi a fala, a naxa, &#8220;A tinxin dangu n tan na bayo n mi a fixi n ma dii Selaxa ma.&#8221; Na xanbi ra, e mi fa kafu.</div><div class="p"> 27A yi diin barima waxatin naxan yi, e yi a kolon a gulunne nan a kui. 28Diin bari waxatini, keden yi a yiin namini. Dii rasuxun yi a yiin suxu, a gari gbeela xidi a yiin na. A fa a fala, a naxa, &#8220;Ito nan singe barixi.&#8221; 29Koni na diin yi a yiin naso, a xuny&#603;n yi bari. Dii rasuxun yi a fala, a naxa, &#8220;I y&#603;t&#603; raminixi fangan mundun na iki?&#8221; A yi a xili sa Peresi.#38.29 Peresi bunna n&#603;&#603;n fa fala &#8220;A rabi fena.&#8221; 30Na xanbi boden fan yi bari gari gbeela xidixi a yiin na. Yuda yi a xili sa Sera.</div>
 </div>
 </div>
</div>

© 2012 Traducteurs Pionniers de la Bible © 2012 Pioneer Bible Translators This work is licensed under the Creative Commons Attribution ShareAlike 4.0 license  https://creativecommons.org/licenses/by-sa/4.0/ 

Na waxatini, Yuda yi keli a ngaxakedenne xun ma, a siga Adulan kaana nde konni naxan xili Xira. Yuda yi Suya Kanan kaana dii tɛmɛn to mɛnni. A yi a findi a ɲaxanla ra. E yi lu e bode xɔn. A yi fudikan, a yi dii xɛmɛn bari. E yi na diin xili sa Eri. A mɔn yi fudikan dii firinden na, a yi dii xɛmɛn bari. E yi na diin xili sa Onan. Na xanbi, a mɔn yi dii xɛmɛ gbɛtɛ bari, a yi na xili sa Selaxa. Yuda yi Kesibe taan nin a ɲaxanla yi diin barima waxatin naxan yi.
Yuda yi ɲaxanla fen, a a so a dii singen Eri yii. Na ɲaxanla xili Tamari. Muxu ɲaxin nan yi Yudaa dii singen Eri ra Alatala yɛɛ ra yi. Alatala yi a faxa. Na xanbi Yuda yi a fala Onan xa, a naxa, “I tadaa ɲaxanla tongo, a xa findi i ya ɲaxanla ra. I a xɛmɛ xuriya wanla liga alogo i xa diin fi i tada faxa muxun ma.” Koni Onan yi a kolon, a na diin mi yi findɛ a gbeen na. Na nan a liga, a to yi a tada ɲaxanla kolonma ɲaxanla ra, igen naxan minima a fatini, a yi na makala bɔxɔn ma alogo a nama diin bari a tada xa. A yi naxan ligama, na mi yi rafan Alatala ma. Nanara, a yi a faxa.
Awa, Yuda yi a fala a mamuxun Tamari xa, a naxa, “Lu kaɲayani i baba konni benun n ma dii Selaxa xa gbo waxatin naxan yi.” A yi mirixi nɛn yanyina nde Selaxa fan faxama nɛn alo a tadane faxaxi kii naxan yi. Tamari yi siga a sa lu a baba konni. A mi bu Suya a dii tɛmɛna, Yudaa ɲaxanla yi faxa. Ɲan feen to ba a ra, Yuda yi siga Timana yi e nun a lanfaan Xira Adulan kaana. E yi siga Yuda xuruse yireni, e yi e xabene maxabama dɛnaxan yi.
Muxuna nde yi a fala Tamari xa, a naxa, “I taɲe sigama Timana taani a xurusene xabene maxabadeni.” A yi a kaɲa dugine ba a ma, a yi dugin so a yɛtagin xun na, a sa dɔxɔ Enayin taan so dɛɛn na Timana kiraan xɔn. A bata yi a to Selaxa bata findi banxulanna ra, koni e mi a fi a ma a xa findi a ɲaxanla ra.
Yuda to a to a dugin soxi a yɛtagin xun na, a yi a miri a yalunden na a ra. A yi a fala a xa kiraan na, a naxa, “En siga, en sa kafu.” A mi yi a kolon a mamuxun na a ra. Koni, Tamari yi Yuda maxɔdin, a naxa, “I nanse fima n ma en na kafu?” A yi a yabi, a naxa, “N sii keden nan tongoma n ma xuruseene tagi, n fa a ra i yɛɛ ra.” A yi a yabi, a naxa, “Awa, tolimana nde lu n yii be singe benun i xa fa siin na waxatin naxan yi.” A yi a maxɔdin, a naxa, “I wama n xa nanse so i yii tolimaan na?” Tamari yi a yabi, a naxa, “I ya taxamasenna nun a lutin nun i ya dunganna so n yii.” A yi na seene so a yii, e fa kafu. Tamari yi fudikan a diin na. A yi xɛtɛ a konni. A yi dugin ba a yɛtagin xun na, a mɔn yi a kaɲa domaan nagodo a ma.
Yuda yi a lanfa Adulan kaan xɛ sii diin tideni ɲaxanla ma alogo a xa fa seene ra a naxanye so ɲaxanla yii tolimaan na. Koni a mi ɲaxanla to. A yi mɛn kaane maxɔdin, a naxa, “Yalunde ɲaxanla naxan yi kiraan dɛ Enayin taani, na minɛn yi?” E yi a yabi, e naxa, “Yalunde yo mi be.” A yi xɛtɛ Yuda yireni, a fa a fala, a naxa, “N mi a lixi na. Mɛn kaane mɔn bata a fala n xa a yalunde yo mi na e tan konni.” Yuda yi a fala, a naxa, “A xa na seene mara. En fan nama en yɛtɛ rayagi. N bata sii diin nasanba a ma, koni i mi a lixi na.”
Kike saxan dangu xanbi, muxuna nde yi a fala Yuda xa, a naxa, “I mamuxun Tamari bata findi yalunden na, a bata fudikan a yalunyani.” Yuda yi a fala, a naxa, “Ɛ a ramini, a gan.” E yi fama a ra waxatin naxan yi, a yi xɛraan nasiga a taɲe ma, a naxa, “Seni itoe mato naxanye n yii. Taxamasenni ito nun a lutin nun dunganni ito na findi muxun naxan gbee ra na nan n nafudikanxi. I lan nɛn i xa a kanna kolon.” Yuda yi na feene kolon. A yi a fala, a naxa, “A tinxin dangu n tan na bayo n mi a fixi n ma dii Selaxa ma.” Na xanbi ra, e mi fa kafu.
A yi diin barima waxatin naxan yi, e yi a kolon a gulunne nan a kui. Diin bari waxatini, keden yi a yiin namini. Dii rasuxun yi a yiin suxu, a gari gbeela xidi a yiin na. A fa a fala, a naxa, “Ito nan singe barixi.” Koni na diin yi a yiin naso, a xunyɛn yi bari. Dii rasuxun yi a fala, a naxa, “I yɛtɛ raminixi fangan mundun na iki?” A yi a xili sa Peresi. Na xanbi boden fan yi bari gari gbeela xidixi a yiin na. Yuda yi a xili sa Sera.

Ακρόαση Dunuɲa Fɔlɔna 38