Lango - 2010 Edition (Drama NT)

<div class="version vid472 iso6393laj" data-vid="472" data-iso6393="laj">
 <div class="book bkMAT">
 <div class="chapter ch5" data-usfm="MAT.5">
 <div class="label">5</div><div class="s1">Ageyi kop ame Yecu otito i wi kidi</div><div class="p"> 1Ka oneno lwak, en te yito oko i wi kidi. A do&#331; en obedo piny, jo mere a lube te bino ba&#331;e. 2En te ero kop, opwonyogi kun kobo ni.</div><div class="s1">Jo a tye kede winyo</div><div class="r">(Nen da&#331; Luka 6.20-23)</div><div class="p"> 3&#8220;Tye kede winyo, jo ame ocan i lonyo me cuny, pien loc me polo megi.</div><div class="p"> 4 # 
 Ica. 61.2
 &#8220;Tye kede winyo, jo ame kumo, pien obino kweyo cunygi.</div><div class="p"> 5 # 
 Jab. 37.11
 &#8220;Tye kede winyo, jo ame mwol, pien lobo bino doko megi.</div><div class="p"> 6 # 
 Ica. 55.1-2
 &#8220;Tye kede winyo, jo ame kec kede oryo makogi me bedo jo a kitegi atir, pien gin bino ye&#331;.</div><div class="p"> 7&#8220;Tye kede winyo, jo ame okica, pien obino timogi kica.</div><div class="p"> 8 # 
 Jab. 24.3-4
 &#8220;Tye kede winyo, jo ame yigi cil, pien gin bino neno Oba&#331;a.</div><div class="p"> 9&#8220;Tye kede winyo, jo ame kelo kuc, pien obino lwo&#331;ogi otino Oba&#331;a.</div><div class="p"> 10 # 
 1 Pet. 3.14
 &#8220;Tye kede winyo, jo ame owunogi pi bedo jo a kitegi atira, pien loc me polo megi.</div><div class="p"> 11 # 
 1 Pet. 4.14
 &#8220;Itye wunu kede winyo ka jo &#331;alowu, dok owunowu, ame gin kobo kop ducu areco i komwu gobagoba pira. 12#2 Tek. 36.16; Tic 7.52Lel wunu kede yomcuny adwo&#331;, pien mot me pwoyowu bup i wi polo, pien odwarpiny ame ogeo nyimwu da&#331; owunogi kittono.</div><div class="s1">Kado kede ce&#331;</div><div class="r">(Nen da&#331; Marako 9.50; Luka 14.34-35)</div><div class="p"> 13&#8220;Wun kado me lobo; ento kado ka odoko abot oko, obino loko doko amit i&#331;o? Konnyere do&#331; mom; myero oony oko me jo nyoni.</div><div class="p"> 14 # 
 Lak. 8.12; 9.5 &#8220;Wun ce&#331; me lobo. Boma ame ogero i wi tur mom twero pono. 15#Mar. 4.21; Luk. 8.16; 11.33Dok mom ocwinyo tara ote dok wumo oko kede gulu; ento oketo i wi akara, a mio te menyo jo ducu a tye i ot. 16#1 Pet. 2.12Ce&#331; mewu oryeny i nyim jo amannono, me gin nen ticwu abeco, ote miyo kwogo ba&#331; Papawu ame tye i polo.</div><div class="s1">Kop a Yecu opwonyo i kom cik</div><div class="p"> 17&#8220;Kur itam wunu ni abino me weyo cik kede kop odwarpiny; mom abino me weyogi, ento me cobogi acoba. 18#Luk. 16.17Ateni akobbiwu ni, ituno ka polo kede lobo bino tum oko, tunnoro acel, onyo wen nukuta moro acel me cik mom bino rwenyo, ituno ka kop lu&#331; ocobere kakare. 19Do&#331; ba, dano ame bino miyo cikkoro acel atidi doko legelege, kun pwonyo kede jo amannono, obino lwo&#331;e dano atidi i loc me polo; ento dano ame gwoko, kun pwonyo kede jo, obino lwo&#331;e dano adwo&#331; i loc me polo. 20Pien akobbiwu ni, ka wun mom kitewu atira akato opwony-cik kede Oparicayo, mom ibino donyo wunu i loc me polo.</div><div class="s1">Kop ame Yecu opwonyo i kom akemo</div><div class="r">(Nen da&#331; Luka 12.57-59)</div><div class="p"> 21 # 
 Yaa 20.13; Lodo 5.17 &#8220;Do&#331; iwinyo wunu kop a rik okobbi jo acon ni, &#8216;Kur inek; &#331;at ame neko nek myero &#331;olle kop.&#8217; 22Ento an okobbiwu ni, &#331;at acel acel ame akemo omako i kom ominnere myero &#331;olle kop: dano ame yeto ominnere ni, &#8216;Yin ababa&#331;&#8217; myero atera i nyim okiko, aco dano ame yeto ominnere ni, &#8216;Imi&#331;&#8217; myero abola i mac me Geena. 23Pi mannono, ka ikelo motti meri i nyim keno me lam, eka ite po i kuno ni ominni tye kede kopporo i komi, 24wek motti-nono ko&#331; do&#331; kuno i nyim keno lam, yin idok cen, ige notte wun ominni, eka ite dok wot miyo motti me lam. 25Mer oyotoyot wun kede dano a mito pidi, ame pwod itye wunu kede i yo, me dano a pidi-ni kur teri i nyim a&#331;olkop, a&#331;olkop te miyi ba&#331; cirikale teri i buc. 26Ateni akobbi ni, mom ibino ya i kuno, ituno ka iculo ducu, ame cente moro mom orem.</div><div class="s1">Kop ame Yecu opwonyo i kom cot</div><div class="p"> 27 # 
 Yaa 20.14; Lodo 5.18 &#8220;Dok iwinyo wunu kop a rik okobo ni, &#8216;Kur icod cot.&#8217; 28Ento an akobbiwu ni, dano acel ame neno dannoro te gomo pire, do&#331; otyeko code kede oko i cunye. 29#Mat. 18.9; Mar. 9.47Ka wa&#331;i tu&#331; cem en amii ipoto i bal, kole oko, ibole kan abor: pien twara ka irwenyo dul me komi moro acel, kato ame kono obolo komi ducu alutu i Geena. 30#Mat. 18.8; Mar. 9.43Ce ka ci&#331;i tu&#331; cem en ame mii ipoto i bal, &#331;ole oko, ibole kan abor, twara ber ka irwenyo dul me komi moro acel, kato ame kono iwoto kede komi ducu alutu i Geena.</div><div class="s1">Kop ame Yecu opwonyo i kom keto nyom</div><div class="r">(Nen da&#331; Matayo 19.9; Marako 10.11-12; Luka 16.18)</div><div class="p"> 31 # 
 Lodo 24.1-4; Mat. 19.7; Mar. 10.4 &#8220;Dok yam da&#331; okobo ni, &#8216;Dano moro ame ryemo dako mere, ber mie waraga me keto nyom.&#8217; 32#Mat. 19.9; Mar. 10.11-12; Luk. 16.18; 1 Kor. 7.10-11Ento an akobbiwu ni, dano acel acel ame ryemo cege, kono pi kop me coco keken, nwo&#331;o omie eeodo cot; dok dano ame nyomo dako ame cware oryemo, en da&#331; ocodo cot.</div><div class="s1">Kop ame Yecu opwonyo i kom kwogo kwo&#331;</div><div class="p"> 33 # 
 Olev. 19.12; Wel 30.2; Lodo 23.21 &#8220;Dok da&#331; yam iwinyo wunu kop a rik okobbi jo acon ni, &#8216;Kur ikwo&#331; kwo&#331; me goba, ento cob kwo&#331;&#331;i ducu ba&#331; Rwot.&#8217; 34#Yak. 5.12; Ica. 66.1; Mat. 23.22Ento an akobbiwu ni, kur ikwo&#331; kwo&#331;oro, kede polo, pien en kom me loc Oba&#331;a, 35#Ica. 66.1; Jab. 48.2onyo kadi kede lobo, pien en ka teno tyene, onyo kede Jerucalem, pien en boma Abaka adwo&#331;. 36Da&#331; kur ikwo&#331; kede wii, pien yin mom itwero loko yerroro te doko atar a&#331;ar acol. 37Ento kop mewu myero obed &#8216;Ee ta&#8217; onyo &#8216;Pe&#8217;; pien ame kato mano oko ya i ba&#331; Arac.</div><div class="s1">Kop ame Yecu opwonyo i kom culo kwor</div><div class="r">(Nen da&#331; Luka 6.29-30)</div><div class="p"> 38 # 
 Yaa 21.24; Olev. 24.20; Lodo 19.21 &#8220;Do&#331; iwinyo wunu kop a rik oko bo ni, &#8216;Wa&#331; oculo i wan, lak oculo i lak.&#8217; 39Ento an akobbiwu ni, kur ige&#331; dano dano arac; dano ame obapo lemi tu&#331; cem, lokke tu&#331; ocele da&#331; obapi; 40dano ame mito pidi me eter kanyi meri, jalle anaka kotini da&#331;. 41Dano ame odii ni iwot wunu kede wot me mairo acel, luny wot kede mairo aryo. 42Dano ame kwai, mie; dano ame mito koporo ginnoro me banya ba&#331;i, kur itwonne.</div><div class="s1">Maro okworwa</div><div class="r">(Nen da&#331; Luka 6.27-28, 32-36)</div><div class="p"> 43 # 
 Olev. 19.18
 &#8220;Dok iwinyo wunu kop a rik okobo ni, &#8216;Mar dano wadwu, idag akworri.&#8217; 44Ento an akobbiwu ni, mar wunu okworwu, kwa wunu Oba&#331;a pi jo ame wunuwu, 45me ite doko wunu itino a Papawu ame tye i polo. Pien en mio cennere donnyo ba&#331; areco kede o abeco da&#331;, dok mio kottere cwe ba&#331; jo a kitegi atir, anaka ba&#331; jo a mom kitegi atir da&#331;. 46Pien ka imaro wunu jo a marowu, kara ibino nwo&#331;o wunu iye pwoccene? Ora-ocoro mom da&#331; timo amannono? 47Kara ka imoto wunu ka omegowu keken, &#331;o aber ame do&#331; itimo wunu akato jo ocele? Orok a pe &#331;eo Oba&#331;a mom da&#331; timo amannono? 48#Olev. 19.2; Lodo 18.13Wun bed wunu jo ocwiny acalo Papawu a tye i polo da&#331; ocwiny.</div>
 </div>
 </div>
</div>

Lango New Testament © Bible Society of Uganda, 1979.

Ka oneno lwak, en te yito oko i wi kidi. A doŋ en obedo piny, jo mere a lube te bino baŋe. En te ero kop, opwonyogi kun kobo ni.


“Tye kede winyo, jo ame ocan i lonyo me cuny, pien loc me polo megi.
“Tye kede winyo, jo ame kumo, pien obino kweyo cunygi.
“Tye kede winyo, jo ame mwol, pien lobo bino doko megi.
“Tye kede winyo, jo ame kec kede oryo makogi me bedo jo a kitegi atir, pien gin bino yeŋ.
“Tye kede winyo, jo ame okica, pien obino timogi kica.
“Tye kede winyo, jo ame yigi cil, pien gin bino neno Obaŋa.
“Tye kede winyo, jo ame kelo kuc, pien obino lwoŋogi otino Obaŋa.
“Tye kede winyo, jo ame owunogi pi bedo jo a kitegi atira, pien loc me polo megi.
“Itye wunu kede winyo ka jo ŋalowu, dok owunowu, ame gin kobo kop ducu areco i komwu gobagoba pira. Lel wunu kede yomcuny adwoŋ, pien mot me pwoyowu bup i wi polo, pien odwarpiny ame ogeo nyimwu daŋ owunogi kittono.


“Wun kado me lobo; ento kado ka odoko abot oko, obino loko doko amit iŋo? Konnyere doŋ mom; myero oony oko me jo nyoni.
“Wun ceŋ me lobo. Boma ame ogero i wi tur mom twero pono. Dok mom ocwinyo tara ote dok wumo oko kede gulu; ento oketo i wi akara, a mio te menyo jo ducu a tye i ot. Ceŋ mewu oryeny i nyim jo amannono, me gin nen ticwu abeco, ote miyo kwogo baŋ Papawu ame tye i polo.

“Kur itam wunu ni abino me weyo cik kede kop odwarpiny; mom abino me weyogi, ento me cobogi acoba. Ateni akobbiwu ni, ituno ka polo kede lobo bino tum oko, tunnoro acel, onyo wen nukuta moro acel me cik mom bino rwenyo, ituno ka kop luŋ ocobere kakare. Doŋ ba, dano ame bino miyo cikkoro acel atidi doko legelege, kun pwonyo kede jo amannono, obino lwoŋe dano atidi i loc me polo; ento dano ame gwoko, kun pwonyo kede jo, obino lwoŋe dano adwoŋ i loc me polo. Pien akobbiwu ni, ka wun mom kitewu atira akato opwony-cik kede Oparicayo, mom ibino donyo wunu i loc me polo.


“Doŋ iwinyo wunu kop a rik okobbi jo acon ni, ‘Kur inek; ŋat ame neko nek myero ŋolle kop.’ Ento an okobbiwu ni, ŋat acel acel ame akemo omako i kom ominnere myero ŋolle kop: dano ame yeto ominnere ni, ‘Yin ababaŋ’ myero atera i nyim okiko, aco dano ame yeto ominnere ni, ‘Imiŋ’ myero abola i mac me Geena. Pi mannono, ka ikelo motti meri i nyim keno me lam, eka ite po i kuno ni ominni tye kede kopporo i komi, wek motti-nono koŋ doŋ kuno i nyim keno lam, yin idok cen, ige notte wun ominni, eka ite dok wot miyo motti me lam. Mer oyotoyot wun kede dano a mito pidi, ame pwod itye wunu kede i yo, me dano a pidi-ni kur teri i nyim aŋolkop, aŋolkop te miyi baŋ cirikale teri i buc. Ateni akobbi ni, mom ibino ya i kuno, ituno ka iculo ducu, ame cente moro mom orem.

“Dok iwinyo wunu kop a rik okobo ni, ‘Kur icod cot.’ Ento an akobbiwu ni, dano acel ame neno dannoro te gomo pire, doŋ otyeko code kede oko i cunye. Ka waŋi tuŋ cem en amii ipoto i bal, kole oko, ibole kan abor: pien twara ka irwenyo dul me komi moro acel, kato ame kono obolo komi ducu alutu i Geena. Ce ka ciŋi tuŋ cem en ame mii ipoto i bal, ŋole oko, ibole kan abor, twara ber ka irwenyo dul me komi moro acel, kato ame kono iwoto kede komi ducu alutu i Geena.


“Dok yam daŋ okobo ni, ‘Dano moro ame ryemo dako mere, ber mie waraga me keto nyom.’ Ento an akobbiwu ni, dano acel acel ame ryemo cege, kono pi kop me coco keken, nwoŋo omie eeodo cot; dok dano ame nyomo dako ame cware oryemo, en daŋ ocodo cot.

“Dok daŋ yam iwinyo wunu kop a rik okobbi jo acon ni, ‘Kur ikwoŋ kwoŋ me goba, ento cob kwoŋŋi ducu baŋ Rwot.’ Ento an akobbiwu ni, kur ikwoŋ kwoŋoro, kede polo, pien en kom me loc Obaŋa, onyo kadi kede lobo, pien en ka teno tyene, onyo kede Jerucalem, pien en boma Abaka adwoŋ. Daŋ kur ikwoŋ kede wii, pien yin mom itwero loko yerroro te doko atar aŋar acol. Ento kop mewu myero obed ‘Ee ta’ onyo ‘Pe’; pien ame kato mano oko ya i baŋ Arac.


“Doŋ iwinyo wunu kop a rik oko bo ni, ‘Waŋ oculo i wan, lak oculo i lak.’ Ento an akobbiwu ni, kur igeŋ dano dano arac; dano ame obapo lemi tuŋ cem, lokke tuŋ ocele daŋ obapi; dano ame mito pidi me eter kanyi meri, jalle anaka kotini daŋ. Dano ame odii ni iwot wunu kede wot me mairo acel, luny wot kede mairo aryo. Dano ame kwai, mie; dano ame mito koporo ginnoro me banya baŋi, kur itwonne.


“Dok iwinyo wunu kop a rik okobo ni, ‘Mar dano wadwu, idag akworri.’ Ento an akobbiwu ni, mar wunu okworwu, kwa wunu Obaŋa pi jo ame wunuwu, me ite doko wunu itino a Papawu ame tye i polo. Pien en mio cennere donnyo baŋ areco kede o abeco daŋ, dok mio kottere cwe baŋ jo a kitegi atir, anaka baŋ jo a mom kitegi atir daŋ. Pien ka imaro wunu jo a marowu, kara ibino nwoŋo wunu iye pwoccene? Ora-ocoro mom daŋ timo amannono? Kara ka imoto wunu ka omegowu keken, ŋo aber ame doŋ itimo wunu akato jo ocele? Orok a pe ŋeo Obaŋa mom daŋ timo amannono? Wun bed wunu jo ocwiny acalo Papawu a tye i polo daŋ ocwiny.

Ακρόαση Matayo 5