Tombonuo - WBT (NT+) Drama

<div class="version vid3724 iso6393txa" data-vid="3724" data-iso6393="txa">
 <div class="book bkGEN">
 <div class="chapter ch11" data-usfm="GEN.11">
 <div class="label">11</div><div class="s">Waloi opangkat nu Babil</div><div class="p"> 1Indadi, kiat nu togna, kiawi' lobuw so wonuo tu kopuido nu tangar. 2Murongkato yo sono nosiro mogilolongkop umpak so pusitan, om nokologa' so kogona'an so Babilunia, om tumotogo yo nosiro molak nai. 3Muupokato yo nosiro nu, &#8220;Kayo toko mongalap nu dokuton om rikut waalon nu bata, om solawo toko pokotou,&#8221; koo. Kuwai yo sono bata nosiro om gaa-gaa pongapit nu bata pomaal nu waloi. 4Mutongaro yo nosiro nu, &#8220;Kayo toko momaal nu bandar om waloi opangkat kologa' so langit, su' obantug toko om dai toko oias-ias so wonuo tu,&#8221; koo.</div><div class="p"> 5Nga muntibaa yo sono TUHAN monsiou nu bandar om waloi opangkat winaal nu lobuw oono. 6Mutongaro yo Iyo nu, &#8220;Nosiro nu itu kopuido bansa om tangar, om itu yo po ponimpuunan nai' nu kopuupokatan nosiro. Dai yo olaid osuang-o owaal nosiro nu onu yo po koinginan nosiro. 7Kayo muntiba Toko popusosondiang nu tangar nosiro su' dai kopuorati,&#8221; koo. 8Indadi soko ono yo gama' nu TUHAN poputondiang so nosiro so pilolongkop nu wonuo tu. Pagka soko iri, mingkoyodo ya sono nosiro momaal nu bandar iiri. 9Ono yo ko' iningoranan bandar oono nu Babil,#11:9: So tangar Ibrani tangar Babil ogon-ogon muinong nu tangar &#8220;pinopusosondiangan&#8221;. so' nai yo pinopusosondiangan nu TUHAN nu tangar nu kiawi' bansa om pinoias nosiro so pilolongkop nu wonuo tu.</div><div class="s">Solusuk ni Sim</div><div class="p"> 10Itu yo su solusuk ni Sim. Duo notoun kinotoliban nu loni' maayo iiri, iya nu maatus toun umur ni Sim, kianak iyo nu kusoi iningoranan so si Arpaksad. 11Kiat nu iri miau po iyo limo naatus toun, om kuwai po inonakan niyo wokon.</div><div class="p"> 12Iya nu tolu nopulu om limo toun umur ni Arpaksad, kianak iyo nu kusoi iningoranan so si Siila. 13Kiat nu iri, miau po iyo opat naatus tolu notoun, om kuwai inonakan niyo wokon.</div><div class="p"> 14Iya nu tolu nopulu toun umur ni Siila, kianak iyo nu kusoi iningoranan so si Ibir. 15Kiat nu iri, miau po iyo opat naatus tolu notoun, om kuwai po inonakan niyo wokon.</div><div class="p"> 16Iya nu tolu nopulu om opat toun umur ni Ibir, kianak iyo nu kusoi iningoranan so si Pilig. 17Kiat nu iri miau po iyo opat naatus tolu nopulu toun, om kuwai po inonakan niyo wokon.</div><div class="p"> 18Iya nu tolu nopulu toun umur ni Pilig, kianak iyo nu kusoi iningoranan so si Riu. 19Kiat nu iri miau po iyo duo naatus siwoi notoun, om kuwai po inonakan niyo wokon.</div><div class="p"> 20Iya nu tolu nopulu om duo toun umur ni Riu, kianak iyo nu kusoi iningoranan so si Sirug. 21Kiat nu iri miau po iyo duo naatus turu notoun, om kuwai po inonakan niyo wokon.</div><div class="p"> 22Iya nu tolu nopulu toun umur ni Sirug, kianak iyo nu kusoi ingoranan so si Nahur. 23Kiat nu iri miau po iyo duo naatus toun, om kuwai po inonakan niyo wokon.</div><div class="p"> 24Iya nu duo nopulu om siwoi toun umur ni Nahur, kianak iyo nu kusoi ingoranan so si Tira. 25Kiat nu iri miau po iyo maatus opulu om siwoi toun, om kuwai po inonakan niyo wokon.</div><div class="p"> 26Iya nu turu nopulu toun umur ni Tira, kianak iyo tolu kusoi ingoranan so si Abram, Nahur om si Aran.</div><div class="s">Solusuk ni Tira</div><div class="p"> 27Itu yo su solusuk ni Tira. Si Tira amo ni Abram, ni Nahur om ni Aran. Si Aran kianak nu kusoi ingoranan so si Lut. 28Minatoi si Aran so kampung niyo ingoranan nu Uur, so Babilunia, nu miau po amo niyo ri. 29Si Abram minontun so si Sarai, om si Nahur minontun so si Milka, anak woinoi ni Aran. Kianak po si Aran nu kusoi ingoranan so si Yiska, 30nga si Sarai yo po tomonang.#11:30 tomonang; intawa: madai</div><div class="p"> 31Mulaiwo yo sono si Tira kiat so bandar Uur, so Babilunia maid nu anak niyo si Abram, si Lut mongkupu niyo, om si Sarai, sawo ni Abram. Padu niyo mian so Kanaan, nga nokologa' yo po so Aram, tumotogo yo nosiro molak dii. 32Om dii yo pinotoyan ni Tira iya nu duo naatus limo notoun umur niyo.</div>
 </div>
 </div>
</div>

Indadi, kiat nu togna, kiawi' lobuw so wonuo tu kopuido nu tangar. Murongkato yo sono nosiro mogilolongkop umpak so pusitan, om nokologa' so kogona'an so Babilunia, om tumotogo yo nosiro molak nai. Muupokato yo nosiro nu, “Kayo toko mongalap nu dokuton om rikut waalon nu bata, om solawo toko pokotou,” koo. Kuwai yo sono bata nosiro om gaa-gaa pongapit nu bata pomaal nu waloi. Mutongaro yo nosiro nu, “Kayo toko momaal nu bandar om waloi opangkat kologa' so langit, su' obantug toko om dai toko oias-ias so wonuo tu,” koo.
Nga muntibaa yo sono TUHAN monsiou nu bandar om waloi opangkat winaal nu lobuw oono. Mutongaro yo Iyo nu, “Nosiro nu itu kopuido bansa om tangar, om itu yo po ponimpuunan nai' nu kopuupokatan nosiro. Dai yo olaid osuang-o owaal nosiro nu onu yo po koinginan nosiro. Kayo muntiba Toko popusosondiang nu tangar nosiro su' dai kopuorati,” koo. Indadi soko ono yo gama' nu TUHAN poputondiang so nosiro so pilolongkop nu wonuo tu. Pagka soko iri, mingkoyodo ya sono nosiro momaal nu bandar iiri. Ono yo ko' iningoranan bandar oono nu Babil, so' nai yo pinopusosondiangan nu TUHAN nu tangar nu kiawi' bansa om pinoias nosiro so pilolongkop nu wonuo tu.

Itu yo su solusuk ni Sim. Duo notoun kinotoliban nu loni' maayo iiri, iya nu maatus toun umur ni Sim, kianak iyo nu kusoi iningoranan so si Arpaksad. Kiat nu iri miau po iyo limo naatus toun, om kuwai po inonakan niyo wokon.
Iya nu tolu nopulu om limo toun umur ni Arpaksad, kianak iyo nu kusoi iningoranan so si Siila. Kiat nu iri, miau po iyo opat naatus tolu notoun, om kuwai inonakan niyo wokon.
Iya nu tolu nopulu toun umur ni Siila, kianak iyo nu kusoi iningoranan so si Ibir. Kiat nu iri, miau po iyo opat naatus tolu notoun, om kuwai po inonakan niyo wokon.
Iya nu tolu nopulu om opat toun umur ni Ibir, kianak iyo nu kusoi iningoranan so si Pilig. Kiat nu iri miau po iyo opat naatus tolu nopulu toun, om kuwai po inonakan niyo wokon.
Iya nu tolu nopulu toun umur ni Pilig, kianak iyo nu kusoi iningoranan so si Riu. Kiat nu iri miau po iyo duo naatus siwoi notoun, om kuwai po inonakan niyo wokon.
Iya nu tolu nopulu om duo toun umur ni Riu, kianak iyo nu kusoi iningoranan so si Sirug. Kiat nu iri miau po iyo duo naatus turu notoun, om kuwai po inonakan niyo wokon.
Iya nu tolu nopulu toun umur ni Sirug, kianak iyo nu kusoi ingoranan so si Nahur. Kiat nu iri miau po iyo duo naatus toun, om kuwai po inonakan niyo wokon.
Iya nu duo nopulu om siwoi toun umur ni Nahur, kianak iyo nu kusoi ingoranan so si Tira. Kiat nu iri miau po iyo maatus opulu om siwoi toun, om kuwai po inonakan niyo wokon.
Iya nu turu nopulu toun umur ni Tira, kianak iyo tolu kusoi ingoranan so si Abram, Nahur om si Aran.

Itu yo su solusuk ni Tira. Si Tira amo ni Abram, ni Nahur om ni Aran. Si Aran kianak nu kusoi ingoranan so si Lut. Minatoi si Aran so kampung niyo ingoranan nu Uur, so Babilunia, nu miau po amo niyo ri. Si Abram minontun so si Sarai, om si Nahur minontun so si Milka, anak woinoi ni Aran. Kianak po si Aran nu kusoi ingoranan so si Yiska, nga si Sarai yo po tomonang.
Mulaiwo yo sono si Tira kiat so bandar Uur, so Babilunia maid nu anak niyo si Abram, si Lut mongkupu niyo, om si Sarai, sawo ni Abram. Padu niyo mian so Kanaan, nga nokologa' yo po so Aram, tumotogo yo nosiro molak dii. Om dii yo pinotoyan ni Tira iya nu duo naatus limo notoun umur niyo.

Ακρόαση Pinongurugan 11