If you have would like a copy of this version please contact info@davarpartners.org

Lunyole Old Testament

<div class="version vid2882 iso6393nyd" data-vid="2882" data-iso6393="nyd">
 <div class="book bkGEN">
 <div class="chapter ch3" data-usfm="GEN.3">
 <div class="label">3</div><div class="s">Okhukwa khwomundu</div><div class="p"> 1Ne inzokha yali niyalwenyukha okhuyomba tsinyama tsindi etsiom'bulimo etsia OMWAMI Nyasaye yalomba. Inzokha nereeba omukhasi mbu, &#8220;Nitooto mbu Nyasaye yam'bool'la mulekhe okhuliakhwo amatunde komusaala nalebe m'mukunda?&#8221;#Okhub. 12:9; 20:2</div><div class="p"> 2Omukhasi nakalusia mbu, &#8220;Khunyala okhulia amatunde kemisaala chiosi m'mukunda, 3nikurali omusaala okuli hakari womukunda. Nyasaye yakhubool'la khurakhaliakhwo amatunde komusaala yikwo kata okhutiila khukwo tawe, nikhuliakhwo khwakhafwa.&#8221;</div><div class="p"> 4Inzokha nebool'la omukhasi mbu, &#8220;Simunyala okhufwa tawe. 5Nyasaye yaboola mbwo sichila wamanya mbu nimuliakhwo, ne nimuba nokhumanyilisia okhwinji nende obuchesi singa Nyasaye ma mumanye amalahi nende amabi.&#8221;</div><div class="p"> 6Omukhasi uyo yalola omusaala yikwo nikuli omulahi khandi amatunde nikali amalahi akokhulia, ma nikunyonya tsimoni tsitsie, khandi nalola bwakhaba obulahi okhuchetsiha. Yamala nanoka khwitunde liakwo nalia, khandi nahelesiakhwo omusaatsawe naye naliakhwo. 7Olwa baliakhwo, bali nende okhumanyilisia nende obuchesi ma nibamanya mbu bali esihechenye, ma nibanaba amasafu khumikhuyu nibeboha mubisienje.</div><div class="p"> 8Khumukolooba kwelitukhu yilio bahul'la OMWAMI Nyasaye nachendanga m'mukunda, ne nibebisa m'musaala. 9OMWAMI Nyasaye nalanga Adamu, namureeba &#8220;Oli hena?&#8221; 10Naye nakalusia mbu, &#8220;Mbuliiye nochendanga m'mukunda ma niria, nindebisa sichila ndi esihechenye.&#8221; 11Nyasaye namureeba mbu, &#8220;Niwina okhubooleye oli esihechenye? Oliye litunde liandakhukaya okhuliakhwo nohomba?&#8221; 12Adamu nakalusia mbu, &#8220;Omukhasi wawaimbeye khumenye n'naye niye oumbelesisie litunde ma nase nindia.&#8221;</div><div class="p"> 13OMWAMI Nyasaye nareeba omukhasi mbu, &#8220;Esichil'le nokhola mbwo nisina?&#8221; Naye nakalusia, &#8220;Inzokha niyo eyaingaat'te ma nindiakhwo.&#8221;#2 Kor. 11:3; 1 Tim. 2:14</div><div class="s">Nyasaye yakhalachila omundu esiina</div><div class="p"> 14OMWAMI Nyasaye nabool'la inzokha mbu, &#8220;Sichila okhol'le akene yaka oli musilaamo siobubi esianasikhwabukhanie khutsisolo tsindi tsiosi. Nomoolenje nende indayo khandi nolitsenje olukuukhi amatukhu kobulamu bubwo bwosi. 15Khandi nare obusuku hakariwo nende omukhasi, khandi hakari wolwibulo lulwo nende olulwe. Olwibulo lulwe lwakhatuye omurwekwo nawe wakhalumache es'sisilo sisie.&#8221;#Okhub. 12:17</div><div class="p"> 16Ne nabool'la omukhasi mbu, &#8220;Ndakhameete obunyakhanibwo bwokhubelekha nende okhutsunwakhwo khweinumwa. Obwekombibwo bwakhabetsenje khumusaatsawo, ne yakhakhwamihenje.&#8221; 17Ne nabool'la Adamu mbu, &#8220;Sichila ohuliye amang'ana komukhasiwo ma nolia litunde liomusaala kwandakhukaya okhuliakhwo, liloba lilaamilwe khulweibe. Notiyenje khulio netsingufu mubulamu bubwo bwosi khulwo okhunyoola esiolia.#Heb. 6:8 18Liakhakhuleer're amarakalu nende eminyenya, nawe nolitsenje tsifwa tsiom'mukunda. 19Khulwoluchesi lulwo nonyoolenje esiolia okhurula khwiloba okhwola olwa wakhakalukhe khwiloba eliawalombwakhwo. Walombwa okhurula khwiloba khandi wakhakalukhe khwiloba.&#8221;</div><div class="p"> 20Adamu nakulikha omukhasiwe Hawa, sichila niye nyina abandu bosi. 21Ma OMWAMI Nyasaye nalomba tsingubo okhurula khumaseelo ketsisolo nababiikha.</div><div class="s">Adamu nende Hawa bakhungwa m'mukunda</div><div class="p"> 22OMWAMI Nyasaye naboola mbu, &#8220;Luno omundu uno wekhol'le singa mulala khu ifwe, okhumanya obulahi nende obubi. Arakhahuchil'lwa okhubukulakhwo amatunde komusaala kwobulamu aliekhwo tawe, khase yakhahindila inziayo.&#8221;#Okhub. 22:14 23Kho OMWAMI Nyasaye yamala namuhiinia m'mukunda kwa Edeni mbu atsie alime liloba eliayahinibwakhwo. 24Khulubeka lwebukwe lwomukunda kwa Edeni Nyasaye yarayo &#8220;Abakerubi&#8221;#3:24 Abakerubi Ebilimwoyo nohomba ebilonje bietsimbaha. nende olukanga lwolumemo olwasukhananga tsimbeka tsiosi, khulwa okhulinda injila yokhutsia khumusaala kwobulamu.</div>
 </div>
 </div>
</div>

Ne inzokha yali niyalwenyukha okhuyomba tsinyama tsindi etsiom'bulimo etsia OMWAMI Nyasaye yalomba. Inzokha nereeba omukhasi mbu, “Nitooto mbu Nyasaye yam'bool'la mulekhe okhuliakhwo amatunde komusaala nalebe m'mukunda?”
Omukhasi nakalusia mbu, “Khunyala okhulia amatunde kemisaala chiosi m'mukunda, nikurali omusaala okuli hakari womukunda. Nyasaye yakhubool'la khurakhaliakhwo amatunde komusaala yikwo kata okhutiila khukwo tawe, nikhuliakhwo khwakhafwa.”
Inzokha nebool'la omukhasi mbu, “Simunyala okhufwa tawe. Nyasaye yaboola mbwo sichila wamanya mbu nimuliakhwo, ne nimuba nokhumanyilisia okhwinji nende obuchesi singa Nyasaye ma mumanye amalahi nende amabi.”
Omukhasi uyo yalola omusaala yikwo nikuli omulahi khandi amatunde nikali amalahi akokhulia, ma nikunyonya tsimoni tsitsie, khandi nalola bwakhaba obulahi okhuchetsiha. Yamala nanoka khwitunde liakwo nalia, khandi nahelesiakhwo omusaatsawe naye naliakhwo. Olwa baliakhwo, bali nende okhumanyilisia nende obuchesi ma nibamanya mbu bali esihechenye, ma nibanaba amasafu khumikhuyu nibeboha mubisienje.
Khumukolooba kwelitukhu yilio bahul'la OMWAMI Nyasaye nachendanga m'mukunda, ne nibebisa m'musaala. OMWAMI Nyasaye nalanga Adamu, namureeba “Oli hena?” Naye nakalusia mbu, “Mbuliiye nochendanga m'mukunda ma niria, nindebisa sichila ndi esihechenye.” Nyasaye namureeba mbu, “Niwina okhubooleye oli esihechenye? Oliye litunde liandakhukaya okhuliakhwo nohomba?” Adamu nakalusia mbu, “Omukhasi wawaimbeye khumenye n'naye niye oumbelesisie litunde ma nase nindia.”
OMWAMI Nyasaye nareeba omukhasi mbu, “Esichil'le nokhola mbwo nisina?” Naye nakalusia, “Inzokha niyo eyaingaat'te ma nindiakhwo.”

OMWAMI Nyasaye nabool'la inzokha mbu, “Sichila okhol'le akene yaka oli musilaamo siobubi esianasikhwabukhanie khutsisolo tsindi tsiosi. Nomoolenje nende indayo khandi nolitsenje olukuukhi amatukhu kobulamu bubwo bwosi. Khandi nare obusuku hakariwo nende omukhasi, khandi hakari wolwibulo lulwo nende olulwe. Olwibulo lulwe lwakhatuye omurwekwo nawe wakhalumache es'sisilo sisie.”
Ne nabool'la omukhasi mbu, “Ndakhameete obunyakhanibwo bwokhubelekha nende okhutsunwakhwo khweinumwa. Obwekombibwo bwakhabetsenje khumusaatsawo, ne yakhakhwamihenje.” Ne nabool'la Adamu mbu, “Sichila ohuliye amang'ana komukhasiwo ma nolia litunde liomusaala kwandakhukaya okhuliakhwo, liloba lilaamilwe khulweibe. Notiyenje khulio netsingufu mubulamu bubwo bwosi khulwo okhunyoola esiolia. Liakhakhuleer're amarakalu nende eminyenya, nawe nolitsenje tsifwa tsiom'mukunda. Khulwoluchesi lulwo nonyoolenje esiolia okhurula khwiloba okhwola olwa wakhakalukhe khwiloba eliawalombwakhwo. Walombwa okhurula khwiloba khandi wakhakalukhe khwiloba.”
Adamu nakulikha omukhasiwe Hawa, sichila niye nyina abandu bosi. Ma OMWAMI Nyasaye nalomba tsingubo okhurula khumaseelo ketsisolo nababiikha.

OMWAMI Nyasaye naboola mbu, “Luno omundu uno wekhol'le singa mulala khu ifwe, okhumanya obulahi nende obubi. Arakhahuchil'lwa okhubukulakhwo amatunde komusaala kwobulamu aliekhwo tawe, khase yakhahindila inziayo.” Kho OMWAMI Nyasaye yamala namuhiinia m'mukunda kwa Edeni mbu atsie alime liloba eliayahinibwakhwo. Khulubeka lwebukwe lwomukunda kwa Edeni Nyasaye yarayo “Abakerubi” nende olukanga lwolumemo olwasukhananga tsimbeka tsiosi, khulwa okhulinda injila yokhutsia khumusaala kwobulamu.

Ακρόαση OKHUCHIAKA 3