The copyright is jointly and equally held by:Copyright© 2020 The Word for the World International All Rights Reserved Copyright© 2020 Nahali Vishwaseen Mandli, Toranmal, Nandurbar. (MH). All Rights Reserved This creative commons license allows for redistribution, commercial and noncommercial, as long as it is passed along unchanged and in whole, with credit to the original author. Requests for revision/remix may be sent to translation.samithi@gmail.com or The Word For The World at www.twftw.org Audio: ℗ 2024 Hosanna For church use only

Nahali 2020 TWFTW (NT) Drama

The New Testament in Nahali Language © The Word for the World International and Nahali Vishwaseen Mandli, Toranmal, Dhadgaon, Nandurbar, Maharashtra 2020 

ता दिह्या माय बपतीस्मा केरनार योहान आवीन यहुदियान जेंगला माय ज्यो पारचार केरने बाज गीयो: “तुमरा पापाह सोड़ीन तुमू मोन फिरावो, काहाकाय हेरगान राज आहने आव लागेल हे!” जान बाराम यशाया जाणकार कियेल ईतो, ज्यो तोस हे:
“उजाड़ी माय एक आयेड़नारान आवाज होमलानो,
काय बोगवानान वाट तियार किरो,
एने तान सेड़ेक हुतरी किरो!”
ज्यो योहान उटड़ान रोचकान फाड़का पेर रियेल ईतो, एने कोमरा माय चामड़ान पुट्टो बांद रियेल ईतो। एने तान खाणो टिड्या एने जेंगली मोवाल एतो। तेवी यरूशलेम हियोर एने यहुदियान आखा माणहे, एने यरदन नेदीन आहने पाहने वाला आखा ईलाकान माणहे योहान फाय आवा। ता आप आपणा पापाह मानेन योहान फाय रेन यरदन नेदी माय बपतीस्मा लेदा।
जुलबुखे तो मोकतास फरिसी एने सदुकीह बपतीस्मा लेणेन केरता ता फाय आवताला देखीन तो केयो, “एय गेड़हान पिला, तुमूह कुण हिकाड़ देनोह काय बोगवानान उगे रेन आवणारा रागाह रेन सेटा नाहो? तानकेरता पापाम रेन मोनाह बोदलो काय हाजो फोल लावो; एने आप आपणा मोना माय ज्य मा सोचो काय आमरो आबोख ते अब्राहाम हे; काहाकाय मी तुमूह केथु काय बोगवान न्या देगड़ा केरीन अब्राहाम ने केरता सोरो पायदा केर सिकेह। एवी कुराड़ ते जाड़ान थुड़ा पोर मिलेल हे, तानकेरता जो जाड़ फोल नाह लावेत, तो काटाय एने आक्‍ठा माय टाकाय जाय। मी ते तुमूह पाण्या केरीन मोन बोदेलनेन बपतीस्मा केरथु, पुण जो मार पासाण आवण्यो हे, तो माहु रेन जादा ताकेतवालो हे, मी ते तान खाहड़ा विसणेन लायकीन नाह सुतो, एने तो तुमूह चोखालो जीव एने आक्‍ठा केरीन बपतीस्मा आपी। तान हुपड़ो तान आथाम हे, एने तान खोलाह हास केरीन साप केरी, एने गोवाह एक जागे मोटक्या माय टुलो केरी, पुण बुहटाह ता आक्‍ठा माय हेलगाड़ देय, जो जेलेम ओलाय नाय।”


तुलबूखे यीशु गेलील ने नासरत गावा माय रेन यरदन नेदीन मीरे योहान फाय आवो काय ता फाय रेन बपतीस्मा लेय। पुण योहान इही केयीन रोकणे बाज गीयो, “माहु ते तुवा फाय रेन बपतीस्मा लेणेन गिरेज हे, एने तु माहु फाय आवोह?”
यीशु ताह इही केयीन जापाप आप्यो, “एवी ओहलोच एणे दे, काहाकाय आपुह इहीचकेरीन सोब खेराय काम पुरो केरनेन हाजो हे।” तेवी योहान तिहेच केरीन किऱ्यो।
जेवी यीशु बपतीस्मा लेन पाण्या माय रेन उपेर आवो, एने दिखो, हेरोग उगड़ी गीयो, एने तो बोगवानान जीवाह पेरवान वेहा माय तान उपेर उतेरतालो दिख्यो। एने दिखो, हेरगा माय रेन एक आवाज आवो: ज्यो मारो मोंगाल्लो बिटोख हे, ज्या पोर मी जुलूम खुस हे।

Ακρόαση मत्ती 3