Borôro: Pao Kurireu Bataru Kurireu; O Novo Testamento (New Testament)

Pao Kurireu Bataru Kurireu; O Novo Testamento

<div class="version vid2518 iso6393bor" data-vid="2518" data-iso6393="bor">
 <div class="book bkLUK">
 <div class="chapter ch21" data-usfm="LUK.21">
 <div class="label">21</div><div class="s">Okoge Bokwareudo Aredu Ure To Diero Rogu Maku Pao Kurireu Ai</div><div class="p"> 1Jesus rakojere Pao Kurireu uwai ja tada taiwo tabo nou boei. Dukejere jordure nou oe kurireugei. Ere ia toe tugu ia ira jagi tuwo maku Pao Kurireu ai. 2Dukejere jordure ia okoge bokwareudo areduji, marenaruji. Nou okoge bokwareudo ure to diero tori rogu pobedu tugu nou ira jagi. Toe mitodu rogu ure maku. 3Nono Jesus akore: &#8211; Iwo tawie boe remawuji. Awu marenaru aredu okoge bokwareudo ure to diero jamedu boe maku dukodire ure to diero makudu kurido nou oe kurireuge eiamedu boe ekori. 4Mare diero kurireu ji karega inagoino. Nou oe kurireuge ere to diero kurido Pao Kurireu ai mare etaidukare jiwu kobo rogure ere maku. Enoe kurire rugadu kimo. Mare awu aredu ure to diero rugadu boe maku. Dujire inagoino tai.</div><div class="s">Jesus Akore Pao Kurireu Uwai Akedumoduie</div><div class="p"> 5Ia Jesus ure jorduwadowuge emagore pui Pao Kurireu uwai jiboeji. Egore Pao Kurireu uwai motuie. Boe ere towuje tabowu tori motuie. Boe eie toe makudu kurido Pao Kurireu ai. Du paduie nono nou Pao Kurireu uwai ja tada. 6Mare Jesus makore nou ture jorduwadowugei. Akore: &#8211; Moture mare ia meri keje ro pegareuge emode awu Pao Kurireu uwai butudo rugadu. Tori tabore pawobe ere towuje marigudu. Mare nou tori jamedu boe epadumodukare pu aogeje pugeje.</div><div class="s">Jesus Ure Ewie Nuba Boe Mode Boei</div><div class="p"> 7Nou Jesus ure jorduwadowuge enarare Jesusji. Egore: &#8211; Kaba meri kejeba Pao Kurireu uwai butumode? Kaba jiba &#269;erdumode &#269;erduwawo nou akagoino jiboe jetumode pudui kuri aino duji?</div><div class="p"> 8Jesus makore ei. Akore: &#8211; Taeku jado boe ekawo taekiripagado. Boe emagamode tuwadaru pegareu tabo. Egomode umode boe ekinorudowu nuie pudumi. Boe puredugoduie moto akeduwo. Mare pagare egoino. Mare du inodu tabo emode boe ekiripagado rugadu. Mare tameartorukaba ei. 9Tameardumode bakaru pegareuji. Boe emode tawie boe erugoduie pui tuwaiga tabo. Erugodu akedukaie. Emoduie tugimijerage etawuje turaga tabo. Mare taragado tai tamororamagadukawo. Pao Kurireu jorduware ro pegareuge erugoduji marigudu. Umodukare nou erugodu tawuje epiji. Erugodumode pui tuwaiga tabo rugadu mare moto akedumodukare raga.</div><div class="p"> 10Jesus mako kimore ei. Akore: &#8211; Boe eimijera kurireuge erugodumode pui tugobaigaregebo. 11Moto magadugodumode boe jamedu boe parugajeje. Boe eke bokwamode boe jamedu boe parugajeje. Dukodire boe ewimode tuge boei koia. Jorubo pegareu jetumode boei moto jamedu boe parugajeje. Boe erdumode boe pegareu boeji ure turawuje baru piji duji. 12Mare ro pegareuge emode tugeragu tai. Emode boe pegado tai rugadu. Emode tamagu Judeu doge eimijerage etai. Nou boe eimijerage emode tarego Judeu doge ere bato puiwu bai ka taiwowo ia taro pegare jiboe bagai. Nono emode tadugu bai&#269;oreuto. Boe eimijera kurireuge emagomode tawagai jamedu tumago pegawo tarore jiboeji. 13Dukejere tamagodo iwadaru pemegareuji ewadaru jipagi. 14Mare tamororamagadukaba tamagore jiboe bagai. Tamagomode mare tawadaru karega. 15Imode iwadaru maku tagai tamagowo ewadaru jipagi. Dukodire nou boe eimijerage ero rakamodukare tai tawadaru jipagi pugeje. 16Tawie mage emode tamagu boe eimijerage pegareuge etai. Taomage tajemage emode tamagu boe eimijerage pegareuge etai. Ia tawobe emode tamagu boe eimijerage pegareuge etai. Ia tamedage emode tamagu boe eimijerage pegareuge etai. Ia tagi tawidodumode rugadu. 17Tameartorumode i dukodire boe eiamedu boe erdu pegamode tai. 18Mare ietu pemegamode tai ia tagao iku butukawo tagaora piji rugadu. 19Tagaba tagera ra tameartorure i dupiji dukeje imode taginorudo tawarigudukawo bope doge eda ka rugadu taruduwo baruto itae.</div><div class="s">Jerusal&#233;m Ba Kurireu Akedumode</div><div class="p"> 20Jesus makore kimo. Akore: &#8211; Tardumode tugobaigarege pegareuge ere taiado Jerusal&#233;m ba kurireu tabo duji dukeje tarduwamode boe akedumode kuri aino duji. 21Inure tawie. Boe erdumode nou inoduji dukeje Jud&#233;ia moto kejewuge eregodu rakawo toro tori ao ka. Jerusal&#233;m ba kurireu tadawuge eregodu rakawo. Nou rakojere ipoguru kejewuge eregodu rakawo jamedu. Ekawo tugirimi tuwai ka iaboe bagai pugeje tuwo tuginorudo boe pegareu piji. 22Nou meri keje boe pegamode boei rugadu ero pegareu mori&#269;e. Pao Kurireu ure boe ewie marigudu boe pegamoduie boei rugadu boe ero pegareu mori&#269;e. Aino makore jiboe jetumode pudui rugadu. 23Nou meriji boe pegamode kuiarureugei rugadu. Boe pegamode ei rugadu eroiwamoka turegodu rakawo kodi. Boe pegamode etore kugure etuje magei jamedu eroiwamoka turegodu rakawo kodi. Boe pegamode awu motoji rugadu. Pao Kurireu umode boe pegado awu Judeu dogei rugadu ero pegareu mori&#269;e. 24Iage ewidodumode tariga kurireu tabo. Boe emode iage etudo toro moto tuginaiwu ka etuguduwo bai&#269;oreuto toro. Nono boe tuginaiwuge etaregodumode Jerusal&#233;m ba kurireu ka tuwo akedudo rugadu jii toro Pao Kurireu jorduware jiwu meri ka.</div><div class="s">Imedu Onaregedu Aregodumode Pugeje</div><div class="p"> 25Jesus mako kimore: &#8211; Meri joku umode tuginai. Ari joku umode tuginai. Kuieje doge emode tuginai jamedu. Moto kejewu boe eimijera kurireuge epagudumode rugadu. Epagudumode pobo maereu ako pegareu akoji. Pobo maereu umode pobo barigu moto ao ka. 26Boe erduwamode boe pegare moto jituji. Baru magadugodumode jamedu. Boe edu pagamode turoiwakare nou boe pegare jiboeji kodi. Dukodire ekugudugodumode tubagudu koia. 27Dukejere &#269;are boe erdumode Imedu Onaregedu aregodumode tugodu tabo boetugu ao jituji. Erdumode Imedu Onaregedu ro rakareuji. Erdumode Imedu Onaregedu o jorugu kurireuji. Jorugure moto jamedu boe parugajeje. 28Tardumode nou iwadaru jetumode pudui duji dukeje taragojedo tawo tado tarugadu. Tagaiwowo iwagai. Tarduwamode imode taginorudo rugadu kuri aino duji rugadu.</div><div class="s">Figo I Ure Boe Erduwado</div><div class="p"> 29Jesus mako kimore. Akore: &#8211; Figo i ure tarduwado tu tu je. 30Figo i okurogu boture dukeje tardure roino duji rugadu. Dukodi &#269;are tarduware bubutumode kuri je rugadu. Tagaiwore figo iji tarduwawo bubutumode kejewu meriji. Ainore tarore tu tu je. 31&#268;a ire tawie nuba boemode meri jokuji nuba boemode ari jokuji. Iwo tawie. Tagaiwodo awu ire tawie jiboe jamedu boeji emode tarduwado dubagai. Tardumode ire tawie jiwu iwadaru jetumode pudui duji dukeje tarduwamode itaregodumode kuri aino duji boe eimijera kurireuwo imi. Bubutu ji karega inagoino. Ire inagoino rugadu. Itaregodumode kejewu meri jire inagoino tai. 32Iwo tawie boe remawuji. Toro ia meri keje ia tawobe erdumode awu imagore jiboe jeture pudui duji rugadu. Jetumode pudui rugadu tuwimodedu otodai. 33Baru akedumode. Moto akedumode. Mare iwadaru akedumodukare rugadu jii toro rugadu. Jetumode pudui rugadu.</div><div class="s">Boe Ewo Tuioku Jado</div><div class="p"> 34Jesus mako kimore ei. Akore: &#8211; Taeku jado. Tamororamagadukaba tawadae bagai. Tagaba tage kurudo tai. Tamororamagadukaba tamaragodae bagai. Tamororamagadumode nou inoduji dukeje tamodukare tado tarugadu nou ire tawie jiwu meri aregodumodedu ka. 35Nou meri keje aregodumode tagae tae pagare tu je du ka. Moto kejewuge eiamedu boe emodukare &#269;inorudo nou itaregodumode kejewu meri keje. 36Dukodire inagoino tai. Taeku jado. Tamagodo baruto Pao Kurireu bagai tu tu je uwo taragado, uwo taginorudo boe pegareu boe piji, tagawo tagera ra tameartorure i dupiji jii toro itaregodumode du ka.</div><div class="p"> 37Nono Jesus ure boe erduwado Pao Kurireu uwai ja tada meri jamedu boeji jii toro merirekodu ka tu tu je. Nou boe&#269;oji ure tudawuje nou ba kurireu piji tuduwo toro Oliveira Ri tori ao ka tu tu je. 38Barogwakododure dukeje ure tugirimi Pao Kurireu uwai ka pugeje tuwo boe erduwado nono. Boe eiamedu boe eture Pao Kurireu uwai ka Jesus togi tu tu je tuwiapagawo Jesus makore jiboeji pugeje. Ainore Jesus rore nou meri jameduji.</div>
 </div>
 </div>
</div>

Jesus rakojere Pao Kurireu uwai ja tada taiwo tabo nou boei. Dukejere jordure nou oe kurireugei. Ere ia toe tugu ia ira jagi tuwo maku Pao Kurireu ai. Dukejere jordure ia okoge bokwareudo areduji, marenaruji. Nou okoge bokwareudo ure to diero tori rogu pobedu tugu nou ira jagi. Toe mitodu rogu ure maku. Nono Jesus akore: – Iwo tawie boe remawuji. Awu marenaru aredu okoge bokwareudo ure to diero jamedu boe maku dukodire ure to diero makudu kurido nou oe kurireuge eiamedu boe ekori. Mare diero kurireu ji karega inagoino. Nou oe kurireuge ere to diero kurido Pao Kurireu ai mare etaidukare jiwu kobo rogure ere maku. Enoe kurire rugadu kimo. Mare awu aredu ure to diero rugadu boe maku. Dujire inagoino tai.

Ia Jesus ure jorduwadowuge emagore pui Pao Kurireu uwai jiboeji. Egore Pao Kurireu uwai motuie. Boe ere towuje tabowu tori motuie. Boe eie toe makudu kurido Pao Kurireu ai. Du paduie nono nou Pao Kurireu uwai ja tada. Mare Jesus makore nou ture jorduwadowugei. Akore: – Moture mare ia meri keje ro pegareuge emode awu Pao Kurireu uwai butudo rugadu. Tori tabore pawobe ere towuje marigudu. Mare nou tori jamedu boe epadumodukare pu aogeje pugeje.

Nou Jesus ure jorduwadowuge enarare Jesusji. Egore: – Kaba meri kejeba Pao Kurireu uwai butumode? Kaba jiba čerdumode čerduwawo nou akagoino jiboe jetumode pudui kuri aino duji?
Jesus makore ei. Akore: – Taeku jado boe ekawo taekiripagado. Boe emagamode tuwadaru pegareu tabo. Egomode umode boe ekinorudowu nuie pudumi. Boe puredugoduie moto akeduwo. Mare pagare egoino. Mare du inodu tabo emode boe ekiripagado rugadu. Mare tameartorukaba ei. Tameardumode bakaru pegareuji. Boe emode tawie boe erugoduie pui tuwaiga tabo. Erugodu akedukaie. Emoduie tugimijerage etawuje turaga tabo. Mare taragado tai tamororamagadukawo. Pao Kurireu jorduware ro pegareuge erugoduji marigudu. Umodukare nou erugodu tawuje epiji. Erugodumode pui tuwaiga tabo rugadu mare moto akedumodukare raga.
Jesus mako kimore ei. Akore: – Boe eimijera kurireuge erugodumode pui tugobaigaregebo. Moto magadugodumode boe jamedu boe parugajeje. Boe eke bokwamode boe jamedu boe parugajeje. Dukodire boe ewimode tuge boei koia. Jorubo pegareu jetumode boei moto jamedu boe parugajeje. Boe erdumode boe pegareu boeji ure turawuje baru piji duji. Mare ro pegareuge emode tugeragu tai. Emode boe pegado tai rugadu. Emode tamagu Judeu doge eimijerage etai. Nou boe eimijerage emode tarego Judeu doge ere bato puiwu bai ka taiwowo ia taro pegare jiboe bagai. Nono emode tadugu baičoreuto. Boe eimijera kurireuge emagomode tawagai jamedu tumago pegawo tarore jiboeji. Dukejere tamagodo iwadaru pemegareuji ewadaru jipagi. Mare tamororamagadukaba tamagore jiboe bagai. Tamagomode mare tawadaru karega. Imode iwadaru maku tagai tamagowo ewadaru jipagi. Dukodire nou boe eimijerage ero rakamodukare tai tawadaru jipagi pugeje. Tawie mage emode tamagu boe eimijerage pegareuge etai. Taomage tajemage emode tamagu boe eimijerage pegareuge etai. Ia tawobe emode tamagu boe eimijerage pegareuge etai. Ia tamedage emode tamagu boe eimijerage pegareuge etai. Ia tagi tawidodumode rugadu. Tameartorumode i dukodire boe eiamedu boe erdu pegamode tai. Mare ietu pemegamode tai ia tagao iku butukawo tagaora piji rugadu. Tagaba tagera ra tameartorure i dupiji dukeje imode taginorudo tawarigudukawo bope doge eda ka rugadu taruduwo baruto itae.

Jesus makore kimo. Akore: – Tardumode tugobaigarege pegareuge ere taiado Jerusalém ba kurireu tabo duji dukeje tarduwamode boe akedumode kuri aino duji. Inure tawie. Boe erdumode nou inoduji dukeje Judéia moto kejewuge eregodu rakawo toro tori ao ka. Jerusalém ba kurireu tadawuge eregodu rakawo. Nou rakojere ipoguru kejewuge eregodu rakawo jamedu. Ekawo tugirimi tuwai ka iaboe bagai pugeje tuwo tuginorudo boe pegareu piji. Nou meri keje boe pegamode boei rugadu ero pegareu moriče. Pao Kurireu ure boe ewie marigudu boe pegamoduie boei rugadu boe ero pegareu moriče. Aino makore jiboe jetumode pudui rugadu. Nou meriji boe pegamode kuiarureugei rugadu. Boe pegamode ei rugadu eroiwamoka turegodu rakawo kodi. Boe pegamode etore kugure etuje magei jamedu eroiwamoka turegodu rakawo kodi. Boe pegamode awu motoji rugadu. Pao Kurireu umode boe pegado awu Judeu dogei rugadu ero pegareu moriče. Iage ewidodumode tariga kurireu tabo. Boe emode iage etudo toro moto tuginaiwu ka etuguduwo baičoreuto toro. Nono boe tuginaiwuge etaregodumode Jerusalém ba kurireu ka tuwo akedudo rugadu jii toro Pao Kurireu jorduware jiwu meri ka.

Jesus mako kimore: – Meri joku umode tuginai. Ari joku umode tuginai. Kuieje doge emode tuginai jamedu. Moto kejewu boe eimijera kurireuge epagudumode rugadu. Epagudumode pobo maereu ako pegareu akoji. Pobo maereu umode pobo barigu moto ao ka. Boe erduwamode boe pegare moto jituji. Baru magadugodumode jamedu. Boe edu pagamode turoiwakare nou boe pegare jiboeji kodi. Dukodire ekugudugodumode tubagudu koia. Dukejere čare boe erdumode Imedu Onaregedu aregodumode tugodu tabo boetugu ao jituji. Erdumode Imedu Onaregedu ro rakareuji. Erdumode Imedu Onaregedu o jorugu kurireuji. Jorugure moto jamedu boe parugajeje. Tardumode nou iwadaru jetumode pudui duji dukeje taragojedo tawo tado tarugadu. Tagaiwowo iwagai. Tarduwamode imode taginorudo rugadu kuri aino duji rugadu.

Jesus mako kimore. Akore: – Figo i ure tarduwado tu tu je. Figo i okurogu boture dukeje tardure roino duji rugadu. Dukodi čare tarduware bubutumode kuri je rugadu. Tagaiwore figo iji tarduwawo bubutumode kejewu meriji. Ainore tarore tu tu je. Ča ire tawie nuba boemode meri jokuji nuba boemode ari jokuji. Iwo tawie. Tagaiwodo awu ire tawie jiboe jamedu boeji emode tarduwado dubagai. Tardumode ire tawie jiwu iwadaru jetumode pudui duji dukeje tarduwamode itaregodumode kuri aino duji boe eimijera kurireuwo imi. Bubutu ji karega inagoino. Ire inagoino rugadu. Itaregodumode kejewu meri jire inagoino tai. Iwo tawie boe remawuji. Toro ia meri keje ia tawobe erdumode awu imagore jiboe jeture pudui duji rugadu. Jetumode pudui rugadu tuwimodedu otodai. Baru akedumode. Moto akedumode. Mare iwadaru akedumodukare rugadu jii toro rugadu. Jetumode pudui rugadu.

Jesus mako kimore ei. Akore: – Taeku jado. Tamororamagadukaba tawadae bagai. Tagaba tage kurudo tai. Tamororamagadukaba tamaragodae bagai. Tamororamagadumode nou inoduji dukeje tamodukare tado tarugadu nou ire tawie jiwu meri aregodumodedu ka. Nou meri keje aregodumode tagae tae pagare tu je du ka. Moto kejewuge eiamedu boe emodukare činorudo nou itaregodumode kejewu meri keje. Dukodire inagoino tai. Taeku jado. Tamagodo baruto Pao Kurireu bagai tu tu je uwo taragado, uwo taginorudo boe pegareu boe piji, tagawo tagera ra tameartorure i dupiji jii toro itaregodumode du ka.
Nono Jesus ure boe erduwado Pao Kurireu uwai ja tada meri jamedu boeji jii toro merirekodu ka tu tu je. Nou boečoji ure tudawuje nou ba kurireu piji tuduwo toro Oliveira Ri tori ao ka tu tu je. Barogwakododure dukeje ure tugirimi Pao Kurireu uwai ka pugeje tuwo boe erduwado nono. Boe eiamedu boe eture Pao Kurireu uwai ka Jesus togi tu tu je tuwiapagawo Jesus makore jiboeji pugeje. Ainore Jesus rore nou meri jameduji.

Ακρόαση Lucas 21