Mazatec Ixcatlán - 2013 SBM (NT+Gen,Exd) Non Drama

Traducción Bíblica: Mazateco de San Pedro Ixcatlán, 2013© Sociedad Bíblica de México, A.C.,2013www.sbm.org.mx Grabación: Mazateco de San Pedro Ixcatlán ℗ Hosanna, 2021

Jaskan ngije kamá stsé xí ta̱nisién ꞌniú xi katsꞌénkjié tꞌanangii̱, jaá Noee̱ xi ꞌmí See̱n, Kaa̱n ko̱jo Jafee̱t kisꞌiee̱ ndí, kó kuí bí xi̱ꞌbi̱ xi xota̱ tji̱e̱e̱:

Jafee̱t yito kamá ndií, kó kuí bí xi̱ꞌbi̱:
Ngomee̱r,
Mangoo̱j,
Mandaii̱,
Jabaa̱n,
Tubaa̱l,
Mesee̱k,
ko̱jo Tiraa̱.

Ngomee̱r ján kamá ndií, kó kuí bí xi̱ꞌbi̱:
Askenaa̱,
Rifaa̱t,
ko̱jo Tongarmaa̱.

Jabaa̱n nijón kamá ndií, kó kuí bí xi̱ꞌbi̱:
Elisaa̱,
Tarsii̱,
Kuitii̱n,
ko̱jo Rondanii̱n.

Tji̱e̱e̱ ndií Jafee̱t boá xi kjindibáni xota̱ xi kisꞌińdotꞌa ndáchíkoón, ta̱ xikó kjiꞌi tji̱e̱e̱ xkjín, ko̱jo ngi̱ndie nínga kisꞌińdo, ko̱jo én xí tsíchji̱a̱.

Kaa̱n nijón kamá ndií, kó kuí bí xi̱ꞌbi̱:
Kuu̱,
Misraii̱n,
Fuu̱t,
ko̱jo Kanaa̱n.

Kuu̱ jun kamá ndií, kó kuí bí xi̱ꞌbi̱:
Sebaa̱,
Abilaa̱,
Sabtaa̱,
Raamaa̱,
Sabtekaa̱,
ko̱jo Nimrroo̱nd.

Nimrroo̱nd kuí boá xi tjón tjón achichí ngaꞌniú kisꞌiee̱ kui tꞌanangii̱. Kó Néná katsjandieè nga ngo nda̱ xi tsꞌenkꞌién cho̱ kamá. Ki̱a̱ kjindibánii̱ én xí bi̱ tsoó: «Xikónií Nimrroo̱nd ji, ngo nda̱ xi Néná katsjandieè nga ngo nda̱ tsꞌenkꞌién cho̱ kamá». Na̱xi̱ńdá xí atíxoma Nimrroo̱nd kuí boá xi Babee̱l, Eree̱k, ko̱jo Akaa̱d, kó ngayeje kui ngi̱ndiee̱ ki̱a̱ kisꞌińdo Nangii̱ Babilonia̱. Kui ngi̱ndiee̱ ki̱a̱ jatjoni Asuu̱r, kui nda̱ xi katsꞌénda ngo na̱xi̱ńdáꞌniú xi ꞌmí Nínibe̱, ko̱jo Reoboo̱t Ii̱r, ko̱jo Kélaa̱j, ko̱jo Resee̱n kui na̱xi̱ńdáꞌniú xi kisꞌijña ngamasiee̱n nínga tikón Nínibee̱ ko̱jo Kélaa̱j.

Raamaa̱ jó kamá ndií, kó kuí bí xi̱ꞌbi̱:
Sebaa̱,
ko̱jo Ndendaa̱n.

Kuí bí xi̱ꞌbi̱ na̱xi̱ńdá xi xota̱ tji̱e̱e̱ nda̱ xi ꞌmí Misraii̱n kjindibáni:
Xota̱ Luu̱nd,
xota̱ Anaa̱n,
xota̱ Leaa̱b,
xota̱ Naftuu̱,
xota̱ Patruu̱,
xota̱ Kasluu̱j,
xota̱ Kaftoo̱r.

Kó xota̱ Filisteaa̱ ki̱a̱ kjindibáni tji̱e̱e̱ xota̱ Kaftoo̱r.

Kanaa̱n jó kamá ndií, kó kuí bí xi̱ꞌbi̱:
Sindoo̱n,
ko̱jo Ee̱t.

Kuí bí xi̱ꞌbi̱ na̱xi̱ńdá xí xota̱ tji̱e̱e̱ nda̱ xi ꞌmí Kanaa̱n kjindibáni:
Xota̱ Jebuu̱,
xota̱ Amoo̱r,
xota̱ Jerjee̱,
xota̱ Ee̱b,
xota̱ Araa̱,
xota̱ Sinee̱,
xota̱ Arbaa̱nd,
xota̱ Semaa̱r,
ko̱jo xota̱ Amaa̱t.

Ngi̱chí sájín kja̱xín kja̱xín kijí xota̱ Kanaa̱n. Kó bo̱a̱ tsꞌén nangii̱ xota̱ Kanaa̱n kamátsié ngase, kó tsindió kamánii̱ nangi Sindoo̱n xtji̱e̱e̱n Ngeraa̱r ngaskande Lesaa̱, kó xtji̱e̱e̱n Sondoma̱ ko̱jo Ngomorra̱, nangi Andmaa̱ ko̱jo Seboii̱n.
Kuí bí xi̱ꞌbi̱ xi xota̱ tji̱e̱e̱ Kaa̱n ta̱ xikó kjiꞌi tji̱e̱e̱ xkjín, ngi̱ndie nínga kisꞌińdo, ko̱jo én xí tsíchji̱a̱.

Kuí bí xi̱ꞌbi̱ xi kamá ndií See̱n, kui xi kamá ntsꞌi̱e̱ xi xchá Jafee̱t.
Elaa̱n,
Asuu̱r,
Arfajaa̱nd,
Luu̱nd,
ko̱jo Araa̱n.

Nijón kamá ndií Araa̱n, kó kuí bí xi̱ꞌbi̱:
Uu̱,
Uu̱l,
Ngetee̱r,
ko̱jo Maa̱.

Ngo kamá ndií Arfajaa̱nd, kó kuí boá xi Sélaa̱j kiꞌmí.

Ngo kamá ndií Sélaa̱j, kó kuí boá xi Ebee̱r kiꞌmí.

Jó kamá ndií Ebee̱r, kó kuí bí xi̱ꞌbi̱:
Pelee̱j,
ko̱jo Joktaa̱n.

Ni̱xtjin nga kisꞌijña Pelee̱j kjiꞌá boá nga tsakjanga xota̱ nga̱sondiee̱, kó achichí kjín xtín xota̱ ko̱jo na̱xi̱ńdá kamá.

Tie ján kamá ndií Joktaa̱n, kó kuí bí xi̱ꞌbi̱:
Almondaa̱nd,
Selee̱f,
Asaa̱r-Mabee̱t,
Jeraa̱,
Andoraa̱n,
Usaa̱l,
Ndiklaa̱,
Obaa̱l,
Abimaee̱l,
Sebaa̱,
Ofii̱r,
Abilaa̱,
ko̱jo Jobaa̱b.

Nangi nínga kisꞌińdo yaꞌanii̱ ndeskande nangi Mesaa̱ xtji̱e̱e̱n nangi Sefaa̱r, ngaskande nínga na̱xi̱i̱ xtji̱e̱e̱n nínga fotjo tsꞌueé.
Ngayeje kui xotaa̱ xi xota̱ tji̱e̱e̱ See̱n kamá, kó nga ngo nga ngo kisꞌiee̱ na̱xi̱ńdaá, ta̱ xikó kjiꞌi tji̱e̱e̱ xkjín, ngi̱ndie nínga kisꞌińdo, ko̱jo én xí tsíchji̱a̱.
Kuí bí xi̱ꞌbi̱ xki̱i̱ xota̱ xkjín ndií Noee̱, kui xi kamátji̱e̱ ngayeje nga̱sondiee̱ jaskan ngije ndáfoaa̱ stsé ꞌniuú katsꞌénkjié ni xi kisꞌie tꞌanangii̱, kó ki̱a̱ kjindibánii̱ kjín to̱ko̱ya xota̱ na̱xi̱ńdá.

Ακρόαση Jenesii̱s 10