Turkmen - 2016 IBT-R (Bible) Non Drama

Turkmen - IBT-R (Bible) Drama

Реб Нуха шейле дийди: «Әхли машгалаң билен гәмә мүн, чүнки Мен сениң дөвүрдешлериңиң ичинден диңе сениң догручыл адамдыгыңы гөрдүм. Хайванларың тохумларыны ер йүзүнде дири сакламак үчин, оларың халал гөрнүшлериниң эркегинден ве уркачысындан еди җүбүт, харам гөрнүшлериниң эркегинден ве уркачысындан бир җүбүт, шейле хем гушларың эркегинден ве уркачысындан еди җүбүт ал. Чүнки Мен еди гүнден кырк гиҗе-гүндизләп ере ягыш ягдырып, Өз ярадан җанлы-җандарларымың әхлисини ер йүзүнден сүпүрип ташлаҗакдырын». Нух Реббиң буйран затларының хеммесини берҗай этди. Ере сил геленде, Нух алты йүз яшындады. Нух, онуң огуллары, аялы ве гелинлери силден гутулмак үчин гәмә мүндүлер. Худайың Нуха буйрушы ялы, халал ве харам хайванлар, гушлардыр сүйрениҗилер эркек ве уркачы җынсында җүбүт-җүбүт болуп, Нух билен гәмә мүндүлер. Еди гүнден соң ер йүзүни сил алды.
Нухуң өмрүниң алты йүзүнҗи йылының икинҗи айының он единҗи гүни – хут шол гүн дүйпсүз чуңлугың әхли чешмелери бөвсүлди, асман сув бентлери кимин ачылды. Кырк гиҗе-гүндизләп, ер йүзүне дынман ягыш ягды. Шол гүн Нух, онуң огуллары Сам, Хам, Яфес, Нухуң аялы хем-де гелинлери гәмә мүндүлер. Әхли хайванлар, маллар, сүйрениҗилер ве гушлар – әхли ганат-перлилер херси өз тайына гөрә, бурнунда дирилик непеси болан җанлы-җандарларың хеммеси җүбүт-җүбүт болуп, Нух билен гәмә мүндүлер. Әхли эркек хем уркачы җанлы-җандарлар Худайың Нуха буйрушы ялы гәмә мүндүлер. Онсоң Реб гәминиң гапысыны япды. Ер йүзүнде сил кырк гүн довам этди. Сув гитдигисайы җошды ве гәми ерден ёкары гөтерилди. Ерде сув җошуп, җуда көпелди; гәми сувда йүзүп йөрди. Сув ерде шейле бир җошды велин, хатда ер йүзүндәки бар белент даглар-да сувуң ашагында галды. Сув дагларың депесинден он бәш тирсек ёкары галды; дагларың үсти сув билен өртүлди. Ер йүзүнде херекет эдйән җанлы-җандарларың әхлиси, гушлар-да, маллардыр хайванлар-да, сүйрениҗилердир ынсанлар-да ёк болдулар. Гуры ердәки бурнунда дирилик непеси болан җанлы-җандарларың хеммеси өлди. Реб ер йүзүндәки әхли җанлы-җандарлары сүпүрип ташлады; ынсанлар, маллар, хайванлар, сүйрениҗилер ве гушлар ер йүзүнден сүпүрилип ташланды. Диңе Нух ве онуң янындакылар дири галдылар. Тутуш ер йүзүни йүз элли гүнләп сил алды.

Ακρόαση Гелип чыкыш 7