Juan 2
2
Jesúspa uva ede vino udiwadi
1Ma peda tres ikadu wianaiwudu nadu Jesúspa awa idi pexe ichapa awẽ ade Caná bai Galilea adu. 2Jesús yawi awẽ auxũ tapibiswu naawuri atu yuiyawu idi. Ana adu vino idiba 3“Ana dudu vinoba”, awã Jesús wadi. 4Jesúspa kebadi: “Ewã aweskakĩ aduri mia akime na ea retexiwaiwu iyuabadu”.
5Jesúspa awã atu yuidi na uibatiwu: “Na batu yuiyai keskakawe”, atu wadi.
6Ruwe kiti ewapanawã seis nadu idi. Wisti rasi cincuenta sesenta litros idi. Judíowawe ede wipaudiwu atũ tae chukaxikakĩ atũ biwi chukaxikakĩ. Naskai ma weyabiswu ipaudiwu Epa Dios idibanu.
7Naskata yudubiswu Jesúspa atu yuidi: “Ruwe kitiki ene wuspiwakawe”, atu waitu ruwe kitiki ene wuspiwadiwu.
8“Atũ awara kexebis kechu weakata kawashara wuxutakawe”, Jesúspa atu wadi: Naskawadiwu. 9Vino ede udia na ichanawu atu kexebistu ayawiki tapidiba waniax udiamaiki. Atu ayababiswawe tapiawu idi. Ichanawu atu kexebistu na raba awĩ wia kedadi.
10“Naatiiwixu na vino sharakui ayakĩ taewatiruwu. Naa vino ayai weawawe ma ichapa ayawudu. Naskata na vino cuestaba atu inaketiruwu. Naskaweke da vino sharakui mi bekea atu ayabaxikĩ”.
11Pexe ichapa Caná bai Galilea aduxu Jesúspa tsuã atiruba keskara sharakui atu uĩbadi a udua tapibiswawe. Naskaitu ikũira wadiwu.
12Naskakata pexe ichapa awẽ ade Cafarnaúm nari wudiwu Jesús ikaidu awa udiwetsawu a udua tapibiswu. Naari awetiira peda idiwu.
Oración pexe aduxu Jesúspa atũ awarawu vendeyaiwu atu putãdi
13 Judíowawe fiesta wapaudiwu awẽ ade Pascua, ma sababa ikaidu Jesús pexe ichapa Jerusalén kadi. 14Oración pexe adua peiuxũ atũ yuina idawu atu inapaudiwu Jesúspa atu wichidi. Vaca keskarawu ovejawu riwiwu. Naskata tsaukaxu wetsawawe atũ pei cambiawapaudiwu. 15Jesúspa atu wichita nishi atu kushapaidi. Oración pexe aduxu yuinawu atu putadi. Ovejawu putata vacawuriwi putadi. Naskata yurawuriwi putadi. Mesa adu atũ pei sapa atu saakadi. Mesari atu putadi. 16Na riwiwu peiuxũ inayaiwu atu yuidi: “Aweskawakĩ ewẽ Epã pexe adu ma mercado waame. Naatiiwi tsekakawe”.
17Auxũ tapibiswawe kushi shinatadiwu na Dios tsai udua naskara kedeake: “Tsuã ea raewatiruba ẽ beei na chii keskara mewẽ pexeuxũ”.#2.17 “Tsuã ea raewatiruba ẽ beei na chii keskara mewẽ pexeuxũ”. Jesús duikaspakata Diosri duikaspadiwu. Salmo 69.9.
18Judíowawe atũ diaiwuwawe Jesús ñukadiwu: “Tsuã bitsisipauxũ mia duku iskawaime”, wadiwu.
19Jesúspa atu kebadi: “Da oración pexe paũ ika awiana tres peda ẽ aki”, Jesúspa atu wadi.
20Judíowawe kebadiwu: “Cuarenta y seis wari da oración pexe adiwu. Tres peda mi atirume”, wadiwu. 21“Oración pexe”, yuikĩ awẽ kaya yuidi. 22Naa daax widixiwai auxũ tapibiswawe shinatadiwu na Jesúspa atu yuiwawaĩda. Naskata na Epa Diospa awẽ tsai kedea ikũira wadiwu na Jesúspa atu yuibis.
Jesúspa yurawu atu unadi
23Fiesta awẽ ade Pascua Jerusalén Jesús iyuadu yura ichapawawe tsuã atiruba keskara uĩkakĩ ikũira wadiwu. 24Naskaweke Jesúspa atu ikũira wadiba mamai atũ shina tapinaaxu. 25Tsuã yuiyabaweke Jesúspa yurawawe atũ shina tapita atũ uĩti tapinaadi.
Zur Zeit ausgewählt:
Juan 2: mtsB
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
